ជប៉ុនផ្តល់ជំនួយឥតសំណង ដើម្បីរួមចំណែកក្នុងការផ្គត់ផ្គង់ទឹកស្អាតក្នុងខេត្តស្វាយរៀង និងវិស័យអប់រំក្នុងខេត្តស្ទឹងត្រែង
- ភ្នំពេញ
រាជធានីភ្នំពេញ ៖ នៅថ្ងៃទី ២៦ ខែកុម្ភៈ ឆ្នាំ ២០២៦ ឯកឧត្តម អ៊ូអ៊ិណុ អាត់ស៊ូស៊ី…
រាជធានីភ្នំពេញ ៖ នៅថ្ងៃទី ២៦ ខែកុម្ភៈ ឆ្នាំ ២០២៦ ឯកឧត្តម អ៊ូអ៊ិណុ អាត់ស៊ូស៊ី ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុន ប្រចាំព្រះរាជាណាចក្រកម្ពុជា បានថ្លែងថា រដ្ឋាភិបាលជប៉ុនបានឯកភាពផ្តល់ថវិកាសរុបចំនួន ៣០៧,៧២០ ដុល្លារអាមេរិក ដល់ស្ថាប័នទទួល ជំនួយចំនួន ៣ ក្រោមគ្រោងការណ៍នៃកិច្ចសហប្រតិបត្តិការសេដ្ឋកិច្ចរបស់ជប៉ុន ជំនួយឥតសំណង ។
ឯកឧត្តម អ៊ូអ៊ិណុ អាត់ស៊ូស៊ី បន្តថា រដ្ឋាភិបាលជប៉ុនបាន និងកំពុងផ្តល់ជំនួយឥតសំណង គូ សាណូណ៌ នៅកម្ពុជាចាប់តាំងពីឆ្នាំ ១៩៩១ ដើម្បីជួយដោយផ្ទាល់ ដល់អាជ្ញាធរមូលដ្ឋាន និងអង្គការក រដ្ឋាភិបាលនានា ក្នុងការអនុវត្តគម្រោងរបស់ពួកគាត់ ។ គូសាណូណ៌ មានន័យថា “ឬសស្មៅ” ក្នុងភាសា ជប៉ុន ហើយក្នុងរយៈពេលជាង ៣០ឆ្នាំកន្លងមកនេះ ស្ថានទូតជប៉ុនបានអនុវត្តជាង ៧០០គម្រោង នៅទូទាំងប្រទេសកម្ពុជា តាមរយៈគ្រោងការណ៍ជំនួយឥតសំណង គូសាណូព៌ា ។ ដោយគម្រោងទាំងនេះ បានចូលរួមចំណែកដោយផ្ទាល់ក្នុងការលើកកម្ពស់គុណភាព ជីវភាពរបស់ប្រជាជនកម្ពុជានៅកម្រិតមូលដ្ឋាន ។
ឯកឧត្តម អ៊ូអ៊ិណុ អាត់ស៊ូស៊ី បានបន្តថា ៖ «សម្រាប់គម្រោងទី ១ ដែលនឹងអនុវត្តដោយរដ្ឋាករទឹកខេត្តស្វាយរៀង រដ្ឋាភិបាលជប៉ុនផ្ដល់ថវិកា ចំនួន ១៣៤,៩៦៩ ដុល្លារអាមេរិក (មួយរយសាមសិបបួនពាន់ប្រាំបួនរយកៅសិបប្រាំមួយដុល្លារអាមេរិក) ដើម្បីតម្លើងប្រព័ន្ធផ្គត់ផ្គង់ទឹកស្អាតក្នុងខេត្តស្វាយរៀង។ ក្នុងរយៈពេល ៣ឆ្នាំខាងមុខ គម្រោង នេះនឹងរួមចំណែកក្នុងការផ្គត់ផ្គង់ទឹកស្អាតដែលមានតម្លៃសមរម្យដល់ប្រជាជនជាង ក្នុងភូមិចំនួន៩។ គម្រោងនេះនឹងកែលម្អអនាម័យ ក៏ដូចជាលើកកម្ពស់គុណភាពជីវិតប្រជាជនក្នុងតំបន់គោលដៅ ១២,០០០នាក់» ។
ឯកអគ្គរាជទូតវិសាមញ្ញ បន្ថែមថា សម្រាប់គម្រោងទី២ ដែលនឹងអនុវត្តដោយមន្ទីរអប់រំ យុវជន និងកីឡាខេត្តស្ទឹងត្រែង រដ្ឋាភិបាលជប៉ុនផ្ដល់ថវិកាចំនួន ១៧២,៧៥១ ដុល្លារអាមេរិក (មួយរយជិតសិបពីរពាន់ប្រាំពីររយហាសិបមួយ ដុល្លារអាមេរិក) សម្រាប់ការសាងសង់ និងបំពាក់គ្រឿងសង្ហារឹមអគារសិក្សាមួយខ្នងមានចំនួន ៦បន្ទប់ និងបង្គន់អនាម័យចំនួន ៥បន្ទប់ ។ បរិក្ខារសាលាថ្មីៗទាំងនេះ នឹងផ្តល់នូវបរិយាកាសសិក្សាប្រកបដោយ សុវត្ថិភាព និងផាសុកភាពជាងមុន ដែលនឹងផ្តល់អត្ថប្រយោជន៍ដល់សិស្សសរុបប្រមាណ ៥៨០នាក់ និងគ្រូបង្រៀនចំនួន ២០នាក់ ។
បន្ថែមលើការរៀបរាប់នៃគម្រោងខាងលើនេះ ឯកឧត្តម អ៊ូអ៊ិណុ អាត់ស៊ូស៊ី ក៏បង្ហាញពីការសង្កេតឃើញ នៃអភិវឌ្ឍយ៉ាងឆាប់រហ័សរបស់ប្រទេស កម្ពុជានាពេលថ្មីៗនេះ ។ លោកថា «ទោះជាយ៉ាងណា ខ្ញុំក៏ទទួលស្គាល់ថានៅតែមានបញ្ហាប្រឈមជាច្រើន ដែល ដែលត្រូវដោះស្រាយ ដើម្បីលើកកម្ពស់គុណភាពជីវិតរបស់ប្រជាជន ។ ក្រោមភាពជាដៃគូយុទ្ធសាស្ត្រ គ្រប់ជ្រុងជ្រោយ ជប៉ុននឹងបន្តចូលរួមចំណែកក្នុងការដោះស្រាយបញ្ហាប្រឈមទាំងនេះ តាមរយៈគ្រោង ការណ៍ជំនួយអភិវឌ្ឍន៍ផ្លូវការផ្សេងៗ រួមទាំង “គូសាណូណ៌” ផងដែរ» ។
សូមជម្រាបជូនផងដែរថា គម្រោងដែលចុះអត្ថលេខានៅថ្ងៃនេះ ធ្វើឡើងដោយ លោក តានីណៃ អ៊ីឈិតូមុ ឧបទូតនៃស្ថានទូតជប៉ុន ប្រចាំនៅកម្ពុជា និងអ្នកតំណាងស្ថាប័នទទួលជំនួយនីមួយៗ នៅស្ថានទូតជប៉ុន ៕
ចែករំលែកព័តមាននេះ