រាជធានីភ្នំពេញ ៖ លោកបណ្ឌិតឧបនាយករដ្ឋមន្ត្រីសុខ អាន បានអនុញ្ញាតឱ្យលោកអនុរដ្ឋលេខាធិការទីស្តីការនាយករដ្ឋមន្ត្រីអ៊ីតាលី ចូលជួបសម្តែងការគួរសម និងពិភាក្សាការងារកាលពីរសៀលថ្ងៃទី២៧ កក្កដា ២០១១ នៅវិមានមិត្តភាព ។
លោកបណ្ឌិតឧបនាយករដ្ឋមន្ត្រីសុខអាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីបានបង្ហាញពីកំណែទម្រង់រដ្ឋបាល កំណែទម្រង់រដ្ឋ និងការប្រយុទ្ធតស៊ូលើការអភិវឌ្ឍវិស័យផ្សេងៗដែលកំពុងកើតមានសព្វថ្ងៃនេះ ដល់លោកសេន កាតូហ្គីយូវ៉ាណាឌី (Sen. Carto Giovanardi) អនុរដ្ឋលេខាធិការទីស្តីការនាយករដ្ឋមន្ត្រី និងជាប្រធានគណៈកម្មការស្មុំកូនអន្តរប្រទេសអ៊ីតាលី។ លោកសេន កាតូហ្គីយូវ៉ាណាឌី បានសម្តែងការរីករាយចំពោះកិច្ចសហប្រតិបត្តិការកន្លងមក រវាងប្រទេសទាំង២ ដែលទទួលបានផ្លែផ្កាជាបន្តបន្ទាប់ និងកោតសរសើរដល់ការរីកចម្រើនរបស់ប្រទេសកម្ពុជា ៕
ចែករំលែកព័តមាននេះ