រាជធានីភ្នំពេញ ៖ តូបជួសជុលម៉ូតូបានឆេះរាលដាលដល់ផ្ទះប្រជាពលរដ្ឋ៣ខ្នងឡើងសន្ធោសន្ធៅផ្អើលសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង៨និង៤៥នាទីយប់ថ្ងៃទី២៥ ខែកុម្ភៈ ឆ្នាំ២០២៦ ចំនុចផ្ទះជួសជុលម៉ូតូមួយកន្លែង លេខ៥១៩ ផ្លូវ៦០K ក្រុម៨…
រាជធានីភ្នំពេញ ៖ តូបជួសជុលម៉ូតូបានឆេះរាលដាលដល់ផ្ទះប្រជាពលរដ្ឋ៣ខ្នងឡើងសន្ធោសន្ធៅផ្អើលសមត្ថកិច្ចចេញរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង៨និង៤៥នាទីយប់ថ្ងៃទី២៥ ខែកុម្ភៈ ឆ្នាំ២០២៦ ចំនុចផ្ទះជួសជុលម៉ូតូមួយកន្លែង លេខ៥១៩ ផ្លូវ៦០K ក្រុម៨ ភូមិតាងួន២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៌មានបានអោយដឹងថា មុនពេលកើតហេតុ ផ្ទះដែលឆាបឆេះបានបិទតូបបិទទ្វារ នាំគ្នាចូលសំរាន្តដូចធម្មតា លុះមកដល់ម៉ោងកើតហេតុ គេបានលឺសំឡេងផ្ទុះ ហើយក៍មានអណ្ដាតភ្លើងឆេះចេញពីតូបជួសជុលម៉ូតូផ្នែកខាងក្រោយឡើងសន្ធោសន្ធៅខ្លាំងទៅៗ និងរាលដាលដល់ផ្ទះនៅក្បែរនោះចំនួន៣ខ្នង ទើបពលរដ្ឋរស់នៅទីនោះបាននាំគ្នាឆោឡោ ខ្លះយកបំពង់ពន្លត់អគ្គិភ័យទៅបាញ់ពន្លត់ និងអ្នកខ្លះទៀតរាយការណ៍ជូនអាជ្ញាធរនិងសមត្ថកិច្ចសុំជំនួយរថយន្តពន្លត់អគ្គីភ័យអោយមកជួយអន្តរាគមន៍ផងដែរ ។
ខណៈពេលកើតហេតុមានរថយន្តពន្លត់អគ្គីភ័យបានចេញរថយន្តពន្លត់អគ្គិភ័យចំនួន២៨គ្រឿង ក្នុងនោះរថយន្តការិយាល័យរាជធានីភ្នំពេញចំនួន១៨គ្រឿង ប្រើប្រាស់ទឹកអស់៧២ឡាន រថយន្តជំនួយកងពលតូច ង៧០ ចំនួន០៨គ្រឿង មិនបានប្រើប្រាស់ទឹក, រថយន្តក្រុមហ៊ុន ស្រាបៀរចំនួន០១គ្រឿង និងរថយន្តសង្គ្រោះមន្ទីរពេទ្យបង្អែកពោធិ៍ចិនតុង ចំនួន០១គ្រឿង បានអន្តរាគមន៍បាញ់ពន្លត់យ៉ាងសស្រាក់សស្រាំទប់ស្កាត់ស្ថានការណ៍កុំអោយរាលដាលទៅផ្នែកផ្សេងៗទៀត រហូតដល់ម៉ោង៩និង៤៥នាទីយប់ថ្ងៃដដែលទើបរលត់ទៅវិញជាស្ថាពរ ។
សមត្ថកិច្ចបានអោយដឹងទៀតថា ដោយឡែកចំពោះប្រភេទសំណង់ខាងលើនេះ ជាប្រភេទ ផ្ទះឈើប្រក់ស័ង្កសី ទំហំ (៤ម៉ែត្រ x ៩ម៉ែត្រ) ឆេះខូចខាតផ្ទះជួសជុលម៉ូតូចំនួន០១ខ្នង ទំហំ (៤ម៉ែត្រ x ៩ម៉ែត្រ) អស់ទាំងស្រុង បណ្តាលឲ្យឆេះរាលដាលដល់ផ្ទះអ្នកក្បែរខាងអស់ចំនួន០៣ខ្នងអស់ទាំងស្រុង រួមមានម៉ូតូចំនួន០២គ្រឿង និងសម្ភារៈប្រើប្រាស់អស់ទាំងស្រុង ចំពោះមូលហេតុសមត្ថកិច្ចកំពុងបន្តធ្វើការស្រាវជ្រាវ ៕
\
ចែករំលែកព័តមាននេះ