កូរ៉េខាងត្បូង-អាមេរិក ៖ ភាពតានតឹងចាប់ផ្ដើមតាំងពីថ្ងៃទី១៨ កុម្ភៈ មក ក្នុងពេលមានសមយុទ្ធអាកាសមួយរបស់កងទ័ពអាកាសអាមេរិក ។ ក្នុងសមយុទ្ធនោះ បណ្ដាយន្តហោះប្រយុទ្ធអាមេរិកបានហោះចូលក្បែរតំបន់ការពារអាកាសរបស់ចិនពីលើសមុទ្រចិន ។…
កូរ៉េខាងត្បូង-អាមេរិក ៖ ភាពតានតឹងចាប់ផ្ដើមតាំងពីថ្ងៃទី១៨ កុម្ភៈ មក ក្នុងពេលមានសមយុទ្ធអាកាសមួយរបស់កងទ័ពអាកាសអាមេរិក ។ ក្នុងសមយុទ្ធនោះ បណ្ដាយន្តហោះប្រយុទ្ធអាមេរិកបានហោះចូលក្បែរតំបន់ការពារអាកាសរបស់ចិនពីលើសមុទ្រចិន ។
ជាការឆ្លើយតបវិញ កងយន្តហោះចម្បាំងចិនត្រូវបានបញ្ជូនទៅ ហើយសភាពការណ៍ក្លាយទៅជាតានតឹងព្រោះតែការប្រឈមមុខដាក់គ្នា ។ នោះជាសមយុទ្ធមួយដែលធ្វើដោយគ្មានការពិគ្រោះយោបល់ជាមួយក្រសួងការពារប្រទេសកូរ៉េខាងត្បូង ដែលធ្វើការតវ៉ាជាផ្លូវការចំពោះកងទ័ពអាមេ
រិក។ ក្រុងសេអ៊ូលមិនសប្បាយចិត្តឡើយដែលសម្ព័ន្ធមិត្ត ធ្វើបែបនោះចំពោះចិនដែលខ្លួនចង់រក្សាទំនាក់ទំនងល្អ ។
ប្រភពតានតឹងមួយទៀត គឺសមយុទ្ធយោធារួមមានឈ្មោះថា FREEDOM SHIELD គ្រោងធ្វើនាខែខាងមុខនេះ ។ កូរ៉េខាងត្បូងស្នើកាត់បន្ថយទំហំនៃសមយុទ្ធ ព្រោះតែចង់កាត់បន្ថយភាពតានតឹងជាមួយកូរ៉េខាងជើង តែសំណើនោះត្រូវបានអាមេរិកបដិសេធព្រោះមិនចង់ឃើញបណ្ដាផែនការសមយុទ្ធត្រូវកាត់បន្ថយ។
ទោះបីប្រទេសទាំង២អះអាងថា សម្ព័ន្ធភាពរបស់ពួកគេនៅតែរឹងមាំក្ដី តែពេលនេះការលំបាកនានាបានលេចជារូបរាង ដោយសារកូរ៉េខាងត្បូងចង់បានស្វ័យភាពក្នុងកិច្ចការពាររបស់ខ្លួន៕
ចែករំលែកព័តមាននេះ