ខេត្តកំពត ៖ នៅថ្ងៃទី២៣ ខែកុម្ភៈ ឆ្នាំ២០២៦ កម្លាំងសមត្ថកិច្ចនៃស្នងការដ្ឋាននគរបាលខេត្តកំពត បាននាំក្រុមក្មេងទំនើងដើរសម្អាតអនាម័យនៅតាមទីសាធារណៈ ស្ថិតក្នុងក្រុងកំពត ដោយតម្រូវឲ្យពួកគេស្រែកពាក្យថា «ខ្ញុំឈប់បង្ហោះម៉ូតូទៀតហើយ»…
ខេត្តកំពត ៖ នៅថ្ងៃទី២៣ ខែកុម្ភៈ ឆ្នាំ២០២៦ កម្លាំងសមត្ថកិច្ចនៃស្នងការដ្ឋាននគរបាលខេត្តកំពត បាននាំក្រុមក្មេងទំនើងដើរសម្អាតអនាម័យនៅតាមទីសាធារណៈ ស្ថិតក្នុងក្រុងកំពត ដោយតម្រូវឲ្យពួកគេស្រែកពាក្យថា «ខ្ញុំឈប់បង្ហោះម៉ូតូទៀតហើយ» ។
សូមរំលឹកថា កាលពីរសៀលថ្ងៃទី២២ ខែកុម្ភៈ ឆ្នាំ២០២៦ កន្លងមក នគរបាលនៃអធិការដ្ឋាស្រុកជុំគិរី បានឃាត់ខ្លួនយុវជន១ក្រុម ព្រោះតែពួកគេជិះម៉ូតូបង្ហោះយ៉ាងអនាធិបតេយ្យស្ថិតនៅភូមិព្រៃវែង ឃុំស្រែក្នុង ស្រុកជុំគិរី ។
សមត្ថកិច្ចបានបញ្ជាក់ថា កាលពីវេលាម៉ោង១រសៀលថ្ងៃទី២២ ខែកុម្ភៈ អធិការដ្ឋាននគរបាលស្រុកបានទទួលសេចក្តីរាយការណ៍ពីប្រជាពលរដ្ឋនូវការប្រទះឃើញក្រុមយុវជនជិះម៉ូតូបង្ហោះឆ្វេចឆ្វាចត្រង់ចំណុចតំបន់ដីឡូត៍ទុកនៅទំនេរ ស្ថិតក្នុងភូមិព្រៃវែង ឃុំស្រែក្នុង។
ភ្លាមៗ កម្លាំងអធិការដ្ឋានសហការជាមួយមន្ត្រីប៉ុស្តិ៍នគរបាលរដ្ឋបាលមូលដ្ឋានចុះដល់គោលដៅ រួចឃាត់ក្រុមក្មេងទាំងនោះបាន៤នាក់ រួមជាមួយម៉ូតូបម្រើសកម្មភាពចំនួន២គ្រឿង ។
ក្រុមយុវជនទាំងនោះ រួមមាន ១-ឈ្មោះ ផន ស៊ូឈាន អាយុ១៦ឆ្នាំ ។ ២-ឈ្មោះ រិន សិលា អាយុ១៧ឆ្នាំ ។ ៣-ឈ្មោះ ណាវ លីហួរ អាយុ១៥ឆ្នាំ ។ ទាំង៣នាក់ រស់នៅភូមិព្រៃខ្ជាយ ឃុំស្នាយអញ្ជិត ស្រុកជុំគិរី ខេត្តកំពត ។ ៤-ឈ្មោះ វី ណាន់ អាយុ១៧ឆ្នាំ រស់នៅភូមិដំណាក់ឈើក្រំ ឃុំស្នាយអញ្ជិត ស្រុកជុំគិរី ខេត្តកំពត ។
ក្រោយពីសាកសួរ និងធ្វើកំណត់ហេតុរួចរាល់ អធិការដ្ឋាននគរបាលស្រុកជុំគិរី ក៏បញ្ជូនយុវជនទាំង៤នាក់ទៅកាន់ស្នងការដ្ឋាននគរបាលខេត្តកំពត ដើម្បីមានវិធានការបន្ត ៕
ចែករំលែកព័តមាននេះ