សង្គ្រាមអ៊ុយក្រែន ៖ ថ្ងៃទី២២ កុម្ភៈ ជាខួបលើកទី៤ហើយ នៃការវាយលុករបស់រុស្ស៊ីលើអ៊ុយក្រែន ដូច្នេះ សង្គ្រាមនោះបានឈានចូលដល់ឆ្នាំទី៥ហើយ ។ ប្រធានាធិបតីអ៊ុយក្រែន…
សង្គ្រាមអ៊ុយក្រែន ៖ ថ្ងៃទី២២ កុម្ភៈ ជាខួបលើកទី៤ហើយ នៃការវាយលុករបស់រុស្ស៊ីលើអ៊ុយក្រែន ដូច្នេះ សង្គ្រាមនោះបានឈានចូលដល់ឆ្នាំទី៥ហើយ ។ ប្រធានាធិបតីអ៊ុយក្រែន លោកវ៉ូឡូឌីមៀរហ្សេឡេនស្គី អះអាងនាថ្ងៃទី២០ កុម្ភៈ ថា កងទ័ពលោកប៉ុន្មានថ្ងៃចុងក្រោយនេះ វាយដណ្ដើមយកបានពីកងទ័ពរុស្ស៊ីវិញ នូវដែនដីជាច្រើននាភាគខាងត្បូងប្រទេស ។ លោកហ្សេឡេនស្គីលើកឡើងថា មកដល់ថ្ងៃនេះ ដែនដីទំហំ៣០០គីឡូម៉ែត្រក្រឡាបានត្រូវរំដោះក្នុងការវាយបកដែលកំពុងប្រព្រឹត្តទៅ ។
៣ថ្ងៃមុនឈានដល់ខួបលើកទី៤នៃសង្គ្រាមនោះ កងទ័ពរុស្ស៊ីបានបាញ់មីស៊ីលដល់៥០គ្រាប់ និងបញ្ចូ្នដ្រូនជិត៣០០គ្រឿងវាយប្រហារតំបន់អ៊ុយក្រែនជាច្រើន ។ បណ្ដាហេដ្ឋារចនាសម្ព័ន្ធថាមពលរបស់ប្រទេសនោះនៅតែជាគោលដៅសំខាន់នៃការវាយប្រហារ ក៏ដូចជាបណ្ដាទីតាំងភស្ដុភារ បណ្ដាញផ្លូវដែកព្រមទាំងបណ្ដាញផ្គត់ផ្គង់ទឹកក្នុងទីក្រុងជាច្រើន។ មនុស្ស១៥នាក់ រងរបួសហើយបុរសម្នាក់ស្លាប់ក្នុងការវាយប្រហារមួយរបស់រុស្ស៊ីលើតំបន់ក្រុងគៀវរួមទាំងរដ្ឋធានីផង ពេលសីតុណ្ហភាពធ្លាក់ដល់១០អង្សាសេក្រោមសូន្យ ពេលរដ្ឋធានីរងការវាយប្រហារនាពេលយប់ ។
តាមតេឡេក្រាមប្រមុខរដ្ឋបាលយោធាក្រុងគៀវលោកទីមួរធីកាឆេនកូថ្លែងថា សត្រូវបានវាយប្រហាររដ្ឋធានីដោយមីស៊ីលបាលីស្ទិក ។ លោកស្នើដេល់ប្រជាជនឲ្យស្ថិតក្នុងទីជម្រក។ តាមបណ្ដាញសង្គមប្រធានាធិបតិអ៊ុយក្រែនសរសេរថា តំបន់៧រងការវាយប្រហារ ក្នុងនោះ មានក្រុងគៀវនិងតំបន់ក្រុងនោះ តំបន់ក្រុងឌីនីប្រូ គីរ៉ូវ៉ួរ៉ាដ មីកូឡាអេវ អូដេសា ប៉ុលតាវ៉ា់និងស៊ូមី ។
ទន្ទឹមគ្នានេះដែរ នៅក្រុងមីកូឡាអ៊ីវ មនុស្ស១៦.០០០នាក់ ជួបការដាចភ្លើងពេលសីតុណ្ហភាពធ្លាក់ត្រជាក់ខ្លាំងបំផុត ក្រោយពីបណ្ដាហេដ្ឋារចនាសម្ព័ន្ធថាមពល រងការខូចខាតដោយការវាយប្រហារ ។ ការខូចខាតធ្ងន់ធ្ងរនិងភ្លើងឆាបឆេះខ្លាំង ក៏ត្រូវបានរាយណ៍ដែរ ដោយផ្នែកសង្គ្រោះបន្ទាន់អ៊ុយក្រែន ក្នុងបណ្ដាទីតាំងថាមពលនៅនៃតំបន់ក្រុងអូដេសា។ លោកបន្តថា ក្នុងសប្ដាហ៍បនេះរុស្ស៊ីវាយប្រហារអ៊ុយក្រែនដោយដ្រូនជាង១៣០០គ្រឿង។ ទន្ទឹមនឹងនេះដែរនាពេលយប់ ទីក្រុងLVIVភាគខាងលិចប្រទេស មនុស្ស២៥នាក់រងរបួសហើយមេប៉ូលិសក្រុងម្នាក់ស្លាប់ ដែលអាជ្ញាធរអ៊ុយក្រែនថាមកពីការវាយប្រហារភេរវកម្មមួយ។ តាមប៉ូលិសជាតិអ៊ុយក្រែនថា គ្រាបបែកច្នៃ២គ្រាប់ដែលដាក់ក្នុងធុងសម្រាមបានផ្ទុះពេលប៉ូលិសកំពុងធ្វើប្រតិបត្តិការ។
ម្យ៉ាងទៀតកងទ័ពអ៊ុយក្រែនកាលពីថ្ងៃទី២១កុម្ផៈ បានវាយប្រហារទីតាំងឧស្សាហកម្មរុស្ស៊ីមួយកន្លែង គឺរោងចក្រផលិតមិស៊ីលសំខាន់មួយរបស់រដ្ឋ បណ្ដាលឲ្យមនុស្ស១១នាក់រងរបួស។ សេនាធិការដ្ឋានកងទ័ពអ៊ុយក្រែនប្រកាសថា កងទ័ពខ្លួនបានវាយប្រហារ រោងចក្រមីស៊ីលសំខាន់មួយនៅជិតទីក្រុងវ៉ូតគីនស្ក៍ ដោយប្រើបណ្ដាមីស៊ីលបណ្ដែតFP-5 FLAMINGO ផលិតដោយអ៊ុយក្រែនខ្លួនឯង។ រោងចក្រវ៉ូតគីនស្ក៍នោះផលិតមីស៊ីលបាលីស្ទិកISKANDER ដែលជារឿយៗប្រើប្រាស់ ក្នុងការវាយប្រហារប្រឆាំងអ៊ុយក្រែន ព្រមទាំងមីស៊ីលបាលីស្ទិករំលងទ្វីបអាចផ្ទុកក្បាលគ្រាប់នុយក្លេអ៊ែរ មីស៊ីលសម្រាប់នាវាមុជទឹក ព្រមទាំងមីស៊ីលលឿនជាងសំឡេងKINZHAL ។
អំពីការចរចាសន្តិភាពដោយផ្ទាល់់រវាងរុស្ស៊ី និងអ៊ុយក្រែន ក្រោមអាជា្ញកណ្ដាលអាមេរិកដែលពេលនេះកំពុងជាប់គាំង បេសកជនពិសេសរបស់ប្រធានាធិបតីអាមេរិកលោកដូណាល់ត្រាំមិនបដិសេធឡើយលទ្ធភាពនៃការជួបគ្នាកំពូលមួយរវាងប្រធានាធិបតីរុស្ស៊ីលោកវ្ល៉ាឌីមៀរពូទីននិងសមភាគីអ៊ុយក្រែនលោកហ្សេឡេនស្គី ៕
ចែករំលែកព័តមាននេះ