ខេត្តតាកែវ ៖ ជនដៃដល់ដែលយកពូថៅកាប់ទៅលើសាច់ញាតិខ្លួនឯង បណ្តាលឱ្យស្លាប់២នាក់ កាលពី២ថ្ងៃមុននោះ ត្រូវកំលាំងកងរាជអាវុហត្ថខេត្តចាប់ខ្លួនបានហើយ ខណៈ:ពេលដែលជនដៃដល់រូបនេះជិះម៉ូតូ១គ្រឿងដើម្បីរត់គេចខ្លួន។ ករណីចាប់ខ្លួនជនដៃដល់នេះបានធ្វើឡើងកាលពីថ្ងៃទី១៩ កុម្ភៈ ឆ្នាំ២០២៦នេះ…
ខេត្តតាកែវ ៖ ជនដៃដល់ដែលយកពូថៅកាប់ទៅលើសាច់ញាតិខ្លួនឯង បណ្តាលឱ្យស្លាប់២នាក់ កាលពី២ថ្ងៃមុននោះ ត្រូវកំលាំងកងរាជអាវុហត្ថខេត្តចាប់ខ្លួនបានហើយ ខណៈ:ពេលដែលជនដៃដល់រូបនេះជិះម៉ូតូ១គ្រឿងដើម្បីរត់គេចខ្លួន។
ករណីចាប់ខ្លួនជនដៃដល់នេះបានធ្វើឡើងកាលពីថ្ងៃទី១៩ កុម្ភៈ ឆ្នាំ២០២៦នេះ ស្ថិតនៅចំណុចក្បែរក្លោងទ្វាវត្តអង្គជុំ ក្នុងភូមិអង្គគគីរ ឃុំពពេល ស្រុកត្រាំកក់ ខេត្តតាកែវ។
លោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវបានអោយដឹងថា ក្នុងករណីចាប់ខ្លួនជនសង្ស័យខាងលើនេះ មានការសម្របសម្រួលនីតិវិធីដោយលោកឯក ឆេងហូត ព្រះរាជអាជ្ញា អមសាលាដំបូងខេត្តតាកែវផងនោះ លោកបានចាត់កម្លាំងមន្ទីរស្រាវជ្រាវ និងបង្ក្រាបបទល្មើស សហការជាមួយកម្លាំងមូលដ្ឋានកងរាជអាវុធហត្ថស្រុកត្រាំកក់ ដឹកនាំដោយលោកវរសេនីយ៍ឯក កែន វណ្ណៈ មេបញ្ជាការរង ទទួលការងារនគរបាលយុត្តិធម៌។
លោកឧត្ថមសេនីយ៍សេង មហា បានបន្តទៀតថា ជាលទ្ធផល កម្លាំងសមត្ថកិច្ចបានចាប់ខ្លួនជនសង្ស័យ ឈ្មោះប៉ាង សុបិន ភេទប្រុស អាយុ៣៤ឆ្នាំ មុខរបរជាងសំណង់ រស់នៅភូមិត្រាវអែម ឃុំពពេល ស្រុកត្រាំកក់ ខេត្តតាកែវ ដែលជាជនដៃដល់ ក្នុងករណីឃាតកម្ម ដោយយកពូថៅកាប់ជនរងគ្រោះស្លាប់ ចំនួនពីរនាក់ ប្រុសម្នាក់ ស្រីម្នាក់ កាលពីវេលាម៉ោង២០និង០៥នាទី ថ្ងៃទី១៧ ខែកុម្ភៈ ឆ្នាំ២០២៦ នៅភូមិត្រាវអែម ឃុំពពេល ស្រុកត្រាំកក់ ខេត្តតាកែវ។
វត្ថុតាងចាប់យក៖
– ម៉ូតូ១គ្រឿង ម៉ាកC១២៥ ពណ៌ខ្មៅ ផលិតឆ្នាំ២០១៨ ស្លាកលេខ តាកែវ 1Q-៦៥៤៨
– ទូរសព្ទដៃចំនួន៣គ្រឿង
– ប្រាក់ចំនួន៥.៤០០រៀល
លោកវរសេនីយ៍ឯកកែន វណ្ណ: មេបញ្ជាការរងកងរាជអាវុធហត្ថខេត្តបានអោយដឹងថា ពេលនេះកម្លាំងជំនាញកំពុងកសាងសំណុំរឿងដើម្បីបញ្ជូនជនសង្ស័យ និងវត្ថុតាងទៅតុលាការ ដើម្បីផ្តន្ទាទោសតាមច្បាប់ ។
សូមរំលឹកឡើងវិញថា ស្ត្រីម្នាក់នឹងកូនប្រុសម្នាក់បានស្លាប់យ៉ាងអាណោចអាធ័ម ដែលបង្កឡើងបុរសម្នាក់ត្រូវជាប្អូននឹងជាឪពុកមាបង្កើតបានយកពូថៅកាប់សម្លាប់ដោយមិនប្រណីសោះឡើយ ខណៈ:ពេលដែលគ្រាន់តែមានទំនាស់នឹងគ្នាបន្តិចបន្ទួចតែប៉ុណ្ណោះ។
ករណីឃាតកម្មខាងលើនេះ បានបង្កការភ្ញាក់ផ្អើលកើតឡើងកាលពីវេលាម៉ោង៨និង៥នាទីយប់ថ្ងៃទី១៧ ខែកុម្ភៈ ឆ្នាំ ២០២៦ នៅចំណុចភូមិត្រាវអែម ឃឃុំពពេល ស្រុកត្រាំកក់ ខេត្តតាកែវ ។
លោកវរសេនីយ៍ឯកឌុក ធីយ៉ា អធិការនគរបាលស្រុកត្រាំកក់បានអោយដឹងថាករណីនេះបង្កឡើងដោយជនសង្ស័យ០១នាក់ឈ្មោះប៉ាង សុបិន ភេទប្រុស អាយុ៣៥ឆ្នាំ ទីលំនៅភូមិត្រាវអែម ឃុំពពេលប្រដាប់ដោយពូថៅដងឈើទំហំផ្លែ ៨១៦ សង្ទីម៉ែត្រ ប្រវែងដង៧សង្ទីម៉ែត្រ បានធ្វើសកម្មភាពកាប់ទៅលើជនរងគ្រោះចំនួន០២នាក់រួមមាន÷ ១-ឈ្មោះប៉ាង សុខុម ភេទស្រី អាយុ៤៧ឆ្នាំ នៅភូមិត្រាវអែម ឃុំពពេល ស្រុកត្រាំកក់ ដែលត្រូវជាបងស្រីបង្កើតរបស់ខ្លួនត្រូវចំនួន៤កន្លែង រួមមាន ចំណុចផ្នែកលើក្បាលខាងឆ្វេងរបួសជ្រៅដល់លលាដ៍ក្បាល។
ចំណុចផ្នែកលើក្បាលខាងឆ្វេងមានស្នាមរបួសទំហំ៩២សង្ទីម៉ែត្រ ជម្រៅធ្លាយខួរ។ ចំណុចពីលើក្បាលដាច់រយះសាច់ស្បែកក្បាលជម្រៅដល់លលាដ៏ក្បាល។ ចំណុចផ្នែកបំពង់កមានស្នាមរបួសមុតចូលក្នុងដាច់សរសៃឈាមធំជម្រៅដល់បំពង់ក បណ្ដាលឱ្យស្លាប់នៅនិងកន្លែងកើតហេតុភ្លាមៗ។
២-ឈ្មោះម៉ោង សីម៉ា ភេទប្រុស អាយុ២៣ឆ្នាំ នៅភូមិត្រាវអែម ឃុំពពេល ស្រុកត្រាំកក់ ដែលត្រូវជាក្មួយបង្កើតរបស់ខ្លួនចំនួន៤កន្លែងរួមមាន ចំណុចលើសៀតផ្កាខាងឆ្វេងមានស្នាមរបួសជ្រៅធ្លាយខួរ។
ចំណុចលើក្បាលចំហៀងខាងឆ្វេងមានស្នាមរបួសជ្រៅធ្លាយដល់ខួរ ។ ចំណុចកញ្ចឹងកខាងឆ្វេងមានឆ្នាំរបួសជ្រៅដល់ឆ្អឹងបំពង់ក(ដាច់សរសៃឈាមធំ)។
ចំណុចដើមកខាងឆ្វេងមានស្នាមរបួសទំហំ៥គុណ៣សង្ទីម៉ែត្រ ជម្រៅដល់ឆ្អឹងករបណ្ដាលឲ្យស្លាប់នៅកន្លែងកើតហេតុភ្លាមៗ។
ក្រោយពេលធ្វើសកម្មភាពរួចជនសង្ស័យក៏បានជិះម៉ូតូគេចខ្លួនបាត់។
មូលហេតុ : ទំនាស់ពាក្យសម្ដីនិងគ្នាហើយជនសង្ស័យជាមនុស្សប្រើប្រាស់នូវសារធាតុញៀន(បែកថ្នាំ)
ក្រោយពេលទទួលបានព័ត៌មានខាងលើ និងមានបទបញ្ជាពីលោកឧត្តមសេនីយ៍ទោស្នងការព្រមទាំងដឹកនាំសម្របសម្រួលនីតិវិធីដោយឯកឧត្តម ឯក ឆេងហួត កម្លាំងផ្នែកជំនាញនៃអធិការដ្ឋាននគរបាលស្រុកត្រាំកក់បានសហការនឹងកម្លាំងផ្នែកជំនាញការិយាល័យបច្ចេកទេសវិទ្យាសាស្ត្រ កម្លាំងផ្នែកជំនាញការិយាល័យកម្រិត(ធ្ងន់)និង(ស្រាល)បានបង្កើតជាគណៈកម្មការពិនិត្យទៅលើសាកសព នឹងមានការបំភ្លឺពីសាក្សីត្រូវជាប្អូនបង្កើតនៃសព ទើបកម្លាំងជំនាញសនិដ្ឋានបានថា ពិតជាករណីឃាតកម្មពិតប្រាកដមែន និងបានធ្វើការស្រាវជ្រាវពិនិត្យតារកជនបង្កដើម្បីកសាងសំណុំរឿងទៅតាមនីតិវិធីច្បាប់ ។
ក្រោយរត់គេចខ្លួនបាន២ថ្ងៃ ជនដៃដល់ត្រូវបានកម្លាំងជំនាញឃាត់ខ្លួន និងកសាងសំណុំរឿង ដើម្បីបញ្ជូនជនសង្ស័យ និងវត្ថុតាងទៅតុលាការ ផ្តន្ទាទោសតាមច្បាប់ ៕
ចែករំលែកព័តមាននេះ