រកឃើញពងអណ្តើកហ្លួងនៅឆ្នេរខ្សាច់ចំនួន២៥គ្រាប់ក្នុងខេត្តកោះកុង
- ភ្នំពេញ
រាជធានីភ្នំពេញ ៖ មន្ត្រីជំនាញអភិរក្សនៃរដ្ឋបាលជលផល និងអង្គការ WCS នៅថ្ងៃទី១២ ខែកុម្ភៈ ឆ្នាំ២០២៦ បានរកឃើញសំបុកអណ្តើកហ្លួង២ទីតាំង មានគ្រាប់ពងសរុប…
រាជធានីភ្នំពេញ ៖ មន្ត្រីជំនាញអភិរក្សនៃរដ្ឋបាលជលផល និងអង្គការ WCS នៅថ្ងៃទី១២ ខែកុម្ភៈ ឆ្នាំ២០២៦ បានរកឃើញសំបុកអណ្តើកហ្លួង២ទីតាំង មានគ្រាប់ពងសរុប ២៥គ្រាប់ នៅឆ្នេរខ្សាច់ចំណុចឈើទាលនៃព្រែកកំពង់លើ ក្នុងប្រព័ន្ធព្រែកស្រែអំបិល ។ បច្ចុប្បន្ន ក្រុមការងារកំពុងការពារសំបុកទាំងនោះ និងតាមដានការញាស់ ដើម្បីធានាអត្រាគង់វង្សខ្ពស់ ។
អណ្តើកហ្លួង ត្រូវបានចាត់ជាប្រភេទឧរង្គសត្វនិមិ្មតរូបនៃព្រះរាជាណាចក្រកម្ពុជា ដោយព្រះ រាជក្រឹត្យ នស/រកត/០៣០៥/១៤៩ ចុះថ្ងៃទី២១ ខែមីនា ឆ្នាំ២០០៥ និងត្រូវបានចាត់ជាប្រភេទកំពុងរងគ្រោះថ្នាក់ ដោយអនុក្រឹត្យលេខ១២៣ របស់រាជរដ្ឋាភិបាល ចុះថ្ងៃទី២៣ ខែសីហា ឆ្នាំ២០០៩ ។ ប្រភេទនេះ ក៏ត្រូវបានចាត់ជាប្រភេទជិតផុតពូជក្នុងបញ្ជីក្រហមនៃអង្គការ IUCN និងស្ថិតក្នុងឧបសម្ព័ន្ធ១នៃអនុញ្ញាសាយតេសផងដែរ។
ប្រព័ន្ធព្រែកស្រែអំបិល គឺជាកន្លែងការពារ និងអភិរក្សដ៏សំខាន់បំផុតនៅកម្ពុជា ព្រោះជាកន្លែងតែមួយគត់ដែលអណ្តើកហ្លួងរស់នៅនិងពងកូន ។ ដូចនេះ រដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ សហការជាមួយអង្គការ WCS រដ្ឋបាលខេត្តកោះកុង និងព្រះសីហនុ អាជ្ញាធរមូលដ្ឋាន និងសហគមន៍នេសាទ បានយកចិត្តទុកដាក់ការរពារប្រភេទនេះ ចាប់ពីឆ្នាំ២០០០ តាមរយៈការថែរក្សាប្រព័ន្ធអេកូឡូស៊ីក្នុងប្រព័ន្ធព្រែកស្រែអំបិល ការពង្រឹងការអនុវត្តច្បាប់ ការអប់រំផ្សព្វផ្សាយ និងការបង្កាត់ភ្ញាស់និងលែង ដើម្បីធានានិរន្តរភាពនៃប្រភេទនេះក្នុងដែនទឹកធម្ម
ជាតិ ៕
ចែករំលែកព័តមាននេះ