ខេត្តកំពត ៖ ក្រោយមានរឿងអាស្រូវជាបន្តបន្ទាប់ករណីឧកញ៉ាជាច្រើនទិញដីលក់ដីពលរដ្ឋនៅក្នុងទឹកដីខេត្តកំពត ដោះស្រាយមិនទាន់ចេញផង ឥឡូវធ្លាយរឿងថ្មីមួយករណីទៀតហើយ គឺរឿងទិញដីអោយលុយមិនគ្រប់ ក្រុមឈ្មួញចង់ច្បាមយកដីពលរដ្ឋទទេ ស្ថិតនៅក្នុងភូមិព្រៃខ្ចាយ ឃុំកញ្ឆិត ស្រុកជុំគីរី…
ខេត្តកំពត ៖ ក្រោយមានរឿងអាស្រូវជាបន្តបន្ទាប់ករណីឧកញ៉ាជាច្រើនទិញដីលក់ដីពលរដ្ឋនៅក្នុងទឹកដីខេត្តកំពត ដោះស្រាយមិនទាន់ចេញផង ឥឡូវធ្លាយរឿងថ្មីមួយករណីទៀតហើយ គឺរឿងទិញដីអោយលុយមិនគ្រប់ ក្រុមឈ្មួញចង់ច្បាមយកដីពលរដ្ឋទទេ ស្ថិតនៅក្នុងភូមិព្រៃខ្ចាយ ឃុំកញ្ឆិត ស្រុកជុំគីរី ។
យោងតាមប្រភពពីពលរដ្ឋជាង ៣០គ្រួសារស្ថិតនៅភូមិឃុំខាងលើបានអោយដឹងថា មានក្រុមអ្នកចុះមកទិញដីរបស់ពួកគាត់សរុបជាង ៤០ហិកតា ដោយប្រាប់ថា ទិញអោយទៅក្រុមហ៊ុន តែគេមិនប្រាប់ឈ្មោះក្រុមហ៊ុននោះឈ្មោះអ្វីទេ គឺគេទិញដើម្បីធ្វើការអភិវឌ្ឃន៏ដោយក្នុង ១ម៉ែត្រការ៉េ ៤ដុល្លារ បើពលរដ្ឋណាចង់លក់ត្រូវទទួលលុយកក់ ៣០ភាគរយមុន ដោយមិនចាំបាច់ប្រគល់ប្លង់ទេ តែបើពលរដ្ឋណាព្រមប្រគល់ប្លង់ដីអោយក្រុមអ្នកទិញ គឺទទួលបានលុយ ៧០ភាគរយមុន ។
ក្រុមប្រជាពលរដ្ឋបានអោយដឹងទៀតថា ពួកគាត់ខ្លះយល់ព្រមលក់ដោយខ្លះទទួលយក ៣០ភាគរយមុន តែបើក្រុមអ្នកទិញចង់បានប្លង់ គឺត្រូវតែប្រគល់លុយគ្រប់ចំនួន ទើបប្រគល់ប្លង់ឱ្យ ។ ចំពោះពលរដ្ឋខ្លះទៀតយល់ព្រមទទួលលុយ ៧០ភាគរយ និងព្រមប្រគល់ប្លង់អោយទៅក្រុមអ្នកទិញយកទៅរក្សាទុក គឺទុករហូតតែម្តង ដូចមកបោកស្រស់ៗ ។
ពលរដ្ឋបានបញ្ជាក់ទៀតថា ក្រុមអ្នកដើរប្រមូលទិញដីរបស់ពួកគាត់ចាប់តាំងពីពាក់កណ្ដាលឆ្នាំ២០២៥ មកម្លេះ រហូតមកដល់ពេលនេះលុយកក់ថ្លៃដី ៣០ភាគរយ ក៏មិនបានឃើញលុយពលរដ្ឋទទួលបាន ៧០ភាគរយដោយនៅខ្វះ ៣០ភាគរយទៀត ក៏នៅលើដៃក្រុមអ្នកទិញដដែលអត់ឱ្យគ្រប់នៅឡើយទេ ហើយដីរបស់ពួកគាត់ក៏គេចាក់ឈូសថែមទៀត ។ ពេលពួកគាត់តវ៉ាក៏លេចមុខក្រុមអ្នកទិញបានមកធ្វើកិច្ចសន្យាខ្យល់នៅសាលាឃុំកញ្ឆិត ដោយមានលោក គយ រុន មេឃុំជាសាក្សីតែកិច្ចសន្យាហួសរាប់ខែទៅហើយក៏មិនឃើញមានដំណោះស្រាយអ្វីទាំងអស់ ដូចគេមកបោកយកដីពលរដ្ឋ ហើយឱ្យលុយមិនគ្រប់ក៏បាត់មុខអស់ទៅ ។
ពាក់ពន្ធ័ករណីខាងលើលោក គយ រុន មេឃុំកញ្ឆិតបានអោយដឹងថា ពលរដ្ឋរស់នៅភូមិព្រៃខ្ចាយ គឺពិតជាបានលក់ដីអោយទៅក្រុមហ៊ុនមែនតែលោកក៏មិនស្គាល់ក្រុមហ៊ុននោះឈ្មោះអីដែរនឹងគឺរាល់ការលក់ទិញមានកិច្ចសន្យាលិខិតស្នាមត្រឹមចូលរួមតែពលរដ្ឋលោកជាមេឃុំ និងក្រុមអ្នកដើរទិញតែមិនមានឈ្មោះក្រុមហ៊ុនទេហើយអ្នកដើរប្រមូលទិញ (ហៅថាក្រុមគួកជេ) គេគ្រាន់តែនិយាយថា ទិញអោយក្រុមហ៊ុនរបស់អ្នកធំ គឺអត់ប្រាប់ឈ្មោះទេ ។
នៅពេលដែរអ្នកកាសែតសួរទៅលោកមេឃុំខាងលើថា ចុះប្រសិនជាអ្នកដើរទិញបោកប្រាស់ពលរដ្ឋវិញ តើលោកមេឃុំគិតយ៉ាងមេចលោកឆ្លើយថា លោកនឹងនាំពលរដ្ឋដាក់ពាក្យបណ្ដឹងតែនៅពេលអ្នកកាសែតសួរប្ដឹងយ៉ាងមេច បើលោកមេឃុំមិនស្គាល់ឈ្មោះក្រុមហ៊ុនផងលោកមេឃុំឆ្លើយថា លោកនឹងនាំពលរដ្ឋប្ដឹងអ្នកដែលដើរប្រមូលទិញ ។ អ្នកកាសែតក៏សួរទៀតថា ចុះបើអ្នកដើរប្រមូលទិញរត់បាត់លោកមេឃុំយកដៃអេះក្បាលហើយក៏ស្ងៀមបាត់មាត់ទៅ ។
ចំណែកលោកស្រី គឹម សុធារី ចៅហ្វាយស្រុកជុំគីរី ក្រោយពេលដឹងថា អ្នកកសែតសួរតាមទូរសព្ទ័លោកស្រីបែរជានិយាយថ្នមៗថាលោកស្រីជាប់ប្រជុំ ។ ជាចុងក្រោយពលរដ្ឋដែលរងគ្រោះបានសំណូមពរដល់លោក ម៉ៅ ធនិន្ទ ចៅហ្វាយខេត្តកំពត ជួយបើកការស៊ើបអង្កេតចំពោះក្រុមដែលដើរប្រមូលទិញដី និងឈ្មោះក្រុមហ៊ុនដែលក្រុមពួកអ្នកគួកជេលើកឡើងថា ទិញអោយក្រុមហ៊ុននោះឈ្មោះអ្វីហើយមានទីតាំងនៅកន្លែងណាអោយពិតប្រាកដ ។ យើងគិតថា ជាមួយខេត្តកំពត ប្រាកដជាបកស្បែកក្រុមហ៊ុនខ្យល់នេះមិនខានឡើយ ៕
ព័ត៌មានបន្តនឹងមានផ្សាយនៅលើកាសែតកោះសន្តិភាព
ចែករំលែកព័តមាននេះ