រាជធានីភ្នំពេញ ៖ បុរសជាជនជាតិវៀតណាម្នាក់ បានឡើងតោងបង្កាន់ដៃស្ពានអាកាស ៧មករា ប៉ុនប៉ងលោតសម្លាប់ខ្លួន តែពុំបានសម្រេច ត្រូវសមត្ថកិច្ច ក៏ដូចប្រជាពលរដ្ឋលួងលោមឃាត់ទាន់ ។…
រាជធានីភ្នំពេញ ៖ បុរសជាជនជាតិវៀតណាម្នាក់ បានឡើងតោងបង្កាន់ដៃស្ពានអាកាស ៧មករា ប៉ុនប៉ងលោតសម្លាប់ខ្លួន តែពុំបានសម្រេច ត្រូវសមត្ថកិច្ច ក៏ដូចប្រជាពលរដ្ឋលួងលោមឃាត់ទាន់ ។
ហេតុការណ៍នេះបង្កឲ្យមានការភ្ញាក់ផ្អើល នាវេលាម៉ោង០១និង២០នាទីរសៀលថ្ងៃទី១០ ខែកុម្ភៈ ឆ្នាំ២០២៦ នៅលើស្ពានអាកាស ៧មករា ហៅស្ពានមន្ទីរពេទ្យលោកសង្ឃ ក្នុងភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
បុរសរូបនោះគេពុំស្គាល់អត្តសញ្ញាណឡើយ ជាជនជាតិវៀតណាម មានទីលំនៅក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។
តាមសាក្សី បានអោយដឹងថា នៅមុនពេលកើតហេតុ គេឃើញជនជាតិវៀតណាមរូបនោះ បានធ្វើដំណើរដោយថ្មើរជើង តាមមហាវិថីសហព័ន្ធរុស្ស៊ី ក្នុងទិសដៅពីលិចទៅកើត។ នៅពេលធ្វើដំណើរឡើងស្ពានអាកាស ៧មករាបានបន្តិចក៏ឈប់ រួចទៅតោងបង្កាន់ដៃស្ពានឡើងឈរ តោងបង្គោលភ្លើង រួចក៏ទម្លាក់ខ្លួនទៅខាងក្រៅ ។ ភ្លាមៗ បង្កឲ្យមានការភ្ញាក់ផ្អើលដល់អ្នកដំណើរ ហើយទាក់ទងទៅសមត្ថកិច្ច ដើម្បីមកជួយអន្តរាគមន៍។
តាមព័ត៌មាន ឱ្យដឹងទៀតថា នៅវេលានោះ បង្កឲ្យមានការភ្ញាក់ផ្អើល និងកកស្ទះចរាចរណ៍នៅលើស្ពានអាកាស ៧មករា យ៉ាងខ្លាំង។ នគរបាលមូលដ្ឋាន រួមនិងប្រជាពលរដ្ឋ ក៏បានលួងលោមអស់រយៈពេលប្រមាណជាង១ម៉ោង ដើម្បីកុំឲ្យបុរសរូបនោះគិតខ្លី ព្រមទាំងទាក់ទងទៅក្រុមគ្រួសារផងដែរ។ លុះក្រោយមក សមត្ថកិច្ច និងប្រជាពលរដ្ឋ ក៏នាំគ្នាចាប់ទាញចុះពីលើបង្កាន់ដៃស្ពានវិញ។ ទោះបីជាយ៉ាងណា គេពុំដឹងថា បុរសរូបនោះ មានវិបត្តិអ្វីឡើយ បានជាប៉ុនប៉ងលោតសម្លាប់ខ្លួន ពីលើស្ពានបែបនេះ ។
តាមព័ត៌មានបានឲ្យដឹងថា នៅមុនពេលកើតហេតុ បុរសរូបនោះបានទាក់ទងទៅក្រុមគ្រួសារថា មានគេចាប់ជំរិតខ្លួន ហើយស្ត្រីជាប្រពន្ធ ក៏បានទៅដាក់ពាក្យបណ្ដឹងនៅក្នុងមូលដ្ឋានខណ្ឌព្រែកព្នៅ ក្រោយមក ក៏មានការភ្ញាក់ផ្អើលបុរសនោះមកប៉ុនប៉ុងលោតសម្លាប់ខ្លួន ពីលើស្ពាន តែពុំបានសម្រេច។ គេមានការសង្ស័យថា បុរសរូបនោះទំនងជាអាចប្រើប្រាស់គ្រឿងញៀន ឬក៏មានបញ្ហាអ្វីមួយបានមកតោងបង្កាន់ដៃស្ពានប្រុងលោត តែពុំដាច់ចិត្ត។ បើតាមសមត្ថកិច្ចមូលដ្ឋាន បានអោយដឹងថា បុរសរូបនោះប្រចណ្ឌប្រពន្ធ ៕
ចែករំលែកព័តមាននេះ