បុរសម្នាក់ជួបគ្រោះអកុស.លលើផ្លូវដែក
- ព្រះសីហនុ
ខេត្តព្រះសីហនុ ៖ មានករណីបុរសម្នាក់ដើរឆ្លងកាត់លើផ្លូវដែក ត្រូវរថភ្លើងបុកស្លាប់ នៅថ្ងៃទី០៨ កុម្ភៈ ឆ្នាំ២០២៦ វេលាម៉ោង ១២និង២០នាទីថ្ងៃត្រង់ លើដងផ្លូវដែក…
ខេត្តព្រះសីហនុ ៖ មានករណីបុរសម្នាក់ដើរឆ្លងកាត់លើផ្លូវដែក ត្រូវរថភ្លើងបុកស្លាប់ នៅថ្ងៃទី០៨ កុម្ភៈ ឆ្នាំ២០២៦ វេលាម៉ោង ១២និង២០នាទីថ្ងៃត្រង់ លើដងផ្លូវដែក ចន្លោះគីឡូម៉ែត្រលេខ ២១៨+៤៨៥ ស្ថិតក្នុងភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ។
ជនរងគ្រោះឈ្មោះ កម វីរៈ ភេទប្រុស អាយុ២៤ឆ្នាំ មានទីលំនៅភូមិសំរុង ឃុំសំរុង ស្រុកព្រៃនប់ ខេត្តព្រះសីហនុ (ជនរងគ្រោះមានសតិមិនប្រក្រតី) ។
តាមប្រភពព័ត៌មានបានឱ្យដឹងថា មុនពេលកើតហេតុ ជនរងគ្រោះបានដើរដោយថ្មើរជើង ក្នុងទិសដៅពីត្បូងទៅជើង លុះមកដល់ចំណុចខាងលើ អ្នកបិទបើកប៉ារ៉ាស់ផ្លូវបានដាក់ប៉ារ៉ាសបិទបើក ហើយអ្នកថ្មើរជើងបានដើរលើផ្លូវដែក ខណៈពេលនោះមានរថភ្លើង ០១ខ្សែរ (ប្រភេទដឹកអ្នកដំណើរ) ពណ៌ខៀវលាយទឹកប្រាក់ បិតលេខសម្គាល់ 183-1555 ដែលមានទិសដៅពីរាជធានីភ្នំពេញ ឆ្ពោះទៅ ខេត្តព្រះសីហនុ (ក្នុងទិសដៅស្របគ្នា) បើកបរដោយឈ្មោះ ហេង ប៊ុនធឿន ភេទប្រុស អាយុ៤៦ឆ្នាំ បើកបររថភ្លើង មានទីលំនៅភូមិព្រៃបឹង សង្កាត់កំបូល ខណ្ឌពោធិ៍សែនជ័យ រាជធានីភ្នំពេញ បានបុកអ្នកថ្មើរជើងពីក្រោយតែម្ដង ។
ករណីគ្រោះថ្នាក់ចរាចរណ៍ខាងលើនេះបណ្ដាលអោយ អ្នកថ្មើរជើង (ស្លាប់នៅនឹងកន្លែងកើតហេតុ) ។
បច្ចុប្បន្ន សាកសពត្រូវបានក្រុមគ្រួសារយកទៅធ្វើបុណ្យតាមប្រពៃណី ចំណែករថភ្លើងបានបន្ដទៅដំណើរទៅស្ថានីយ៍ខេត្តព្រះសីហនុ ៕
ចែករំលែកព័តមាននេះ