រាជធានីភ្នំពេញ ៖ ពេទ្យកែសម្ភស្សយីហោ «អឹម» ឆាបឆេះមួយប៉ប្រិចភ្នែក ផ្អើលអស់ពលរដ្ឋ នឹងសមត្ថកិច្ចជួយអន្តរាគមន៍ ។ ហេតុការណ៍នេះកើតឡើងកាលពីវេលាម៉ោង ១០…
រាជធានីភ្នំពេញ ៖ ពេទ្យកែសម្ភស្សយីហោ «អឹម» ឆាបឆេះមួយប៉ប្រិចភ្នែក ផ្អើលអស់ពលរដ្ឋ នឹងសមត្ថកិច្ចជួយអន្តរាគមន៍ ។
ហេតុការណ៍នេះកើតឡើងកាលពីវេលាម៉ោង ១០ នឹង ២៥នាទីព្រឹកថ្ងៃទី ០៦ ខែកុម្ភៈ ឆ្នាំ២០២៦ នៅចំណុចពេទ្យកែសម្ផស្ស យីហោ «អឹម» ទល់មុខរដ្ឋសភា តាមបណ្តោយផ្លូវ រដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៍មានពីប្រជាពលរដ្ឋបានអោយដឹងថា មុនកើតហេតុ គេបានឃើញផ្សែងខ្មៅ លាយលំអណ្តាតភ្លើង ហ៊ុយចេញពីចំណុចស្លាកយីហោ «អឹម» បង្កអោយភ្ញាក់ផ្អើលដល់ ពលរដ្ឋ នឹងបុគ្គលិក រត់ចេញមកក្រៅ ។ ភ្លាមៗ ពលរដ្ឋបានរាយការណ៍ជូនសមត្ថកិច្ចមូលដ្ឋាន ដើម្បីបន្តទាក់ទងទៅមន្ត្រីជំនាញពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ មកជួយអន្តរាគមន៍ពន្លត់ជៀសវាងមានការរាលដាលកាន់តែខ្លាំង ។
អគ្គិភ័យនេះដែរ បានបង្កការខូចខាតនូវស្លាកយីហោ មួយផ្នែកតូច តែមិនបង្កអោយនរណារងរបួសនោះឡើយ ។ ក្នុងនោះរថយន្តពន្លត់អគ្គិភ័យ របស់ ស្នងការដ្ឋាននគរបាលរាជធានីភ្នំពេញ នឹងរថយន្តជំនួយទីក្រុងកោះពេជ្រ មកដល់ទីតាំងចំនួន ៥ គ្រឿង ប្រើប្រាស់អស់ចំនួន ១គ្រឿងបាញ់អោយរលត់ជាស្ថាពរ ។ ចំពោះមូលហេតុ ពលរដ្ឋបានដាក់ការសង្ស័យថា ប្រហែលបណ្តាលមកពីឆ្លងចរន្តអគ្គិភ័យ បង្កអោយកើតជាអគ្គិភ័យ ៕
ចែករំលែកព័តមាននេះ