ខេត្តព្រះសីហនុ ៖ បុរស វ័យ៦៦ឆ្នាំម្នាក់ មុខរបរជាសន្តិសុខយាមរោងចក្រ បានដេកស្លាប់នៅលើកៅអីក្នុងប៉ុស្តិ៍យាម ដែលខ្លួនធ្វើការ ហើយការស្លាប់នេះ ត្រូវបានសមត្ថកិច្ចជំនាញ បានបញ្ចាក់ជាបឋមថា…
ខេត្តព្រះសីហនុ ៖ បុរស វ័យ៦៦ឆ្នាំម្នាក់ មុខរបរជាសន្តិសុខយាមរោងចក្រ បានដេកស្លាប់នៅលើកៅអីក្នុងប៉ុស្តិ៍យាម ដែលខ្លួនធ្វើការ ហើយការស្លាប់នេះ ត្រូវបានសមត្ថកិច្ចជំនាញ បានបញ្ចាក់ជាបឋមថា ដោយសារគាំងបេះដូង ។
ហេតុការណ៍នេះ បានបង្កការភ្ញាក់ផ្អើលឡើងនៅវេលាម៉ោង០៥និង៣០នាទីព្រឹកថ្ងៃទី០៥ កុម្ភៈ ២០២៦ នៅចំណុចប៉ុស្តិ៍សន្តិសុខយាមE01 មុខរោងចក្រ ចាស្រម៉ាវេលើស នៅតំបន់សេដ្ឋកិច្ចពិសេស ចេជាងជើងគោ ស្ថិតនៅភូមិត្រពាំងមូល ឃុំជើងគោ ស្រុកព្រៃនប់ ខេត្តព្រះសីហនុ ។
បើតាមសមត្ថកិច្ចបានឲ្យដឹងថា ជនរងគ្រោះឈ្មោះ អេន សំអុល ភេទប្រុស អាយុ៦៦ឆ្នាំ ជនជាតិខ្មែរ មុខរបរ សន្តិសុខយាមរោងចក្រ មានស្រុកកំណើតភូមិដីក្រហម ឃុំត្រពាំងរាំងស្រុក ឈូកខេត្តកំពត បច្ចុប្បន្នស្នាក់នៅបន្ទប់ជួល ភូមិត្រពាំងគា ឃុំជើងគោស្រុកព្រៃនប់ខេត្តព្រះសីហនុ ។ ជនរងគ្រោះបានដេកលើកៅអី(ស្លាប់) ខណៈពេលអង្គុយយាមក្នុងប៉ុស្តិ៍យាមខាងលើ ។
តាមការបំភ្លឺរបស់ឈ្មោះ វ៉ន ចិត្រ ភេទប្រុសអាយុ ៥៨ឆ្នាំ ជនជាតិខ្មែរ ត្រូវជាសន្តិសុខដូចគ្នា (ជាអ្នកឃើញហេតុការណ៍) បានអោយដឹងថា មុនពេលកើតហេតុ ខ្លួនបានចេញពីបន្ទប់ជួល ដើម្បីមកប្តូរវេនយាម ជាមួយជនរងគ្រោះ ពេលទៅដល់ រូបគាត់បានឃើញជនរងគ្រោះដេកអង្គុយនៅលើកៅអីក្នុងប៉ុស្តិ៍យាម ខ្លួនក៏និយាយថា ដល់ម៉ោងប្តូរវេនហើយ កាលទៅផ្ទះ0x017d7 ប៉ុន្តែជនរងគ្រោះមិនបានឆ្លើយតបទេ ហើយខ្លួនក៏យកដៃទៅអង្រួនគាត់ ទើបដឹងថា គាត់បានដាច់ខ្យល់ស្លាប់បាត់ទៅហើយ រួចខ្លួនក៏រាយការណ៍ជូនខាងរដ្ឋបាលរោងចក្រ និងសមត្ថកិច្ចតែម្តង ។
ឆ្លងតាមការត្រួតពិនិត្យទីកន្លែងកើតហេតុ និងការសាកសួរបំភ្លឺ និងពិនិត្យលើសាកសព សមត្ថកិច្ចជំនាញ សន្និដ្ឋានបានថា ជនរងគ្រោះស្លាប់សង្ស័យអាចបណ្តាលមកពី(គាំងបេះដូង) ។
បច្ចុប្បន្ន សពបានប្រគល់ជូនដល់សាច់ញាតិ មកទៅធ្វើបុណ្យតាមប្រពៃណី នៅផ្ទះកូន នៅឯទីរួមខេត្តពោធិ៍សាត់ ៕
ចែករំលែកព័តមាននេះ