ខេត្តស្ទឹងត្រែង ៖ កម្លាំងជំនាញរដ្ឋបាលព្រៃឈើ សហការជាមួយកម្លាំងនគរបាល បានចុះប្រតិបត្តិការបង្ក្រាបទីតាំងសិប្បកម្មកែច្នៃផលអនុផលព្រៃឈើដែលគ្មានច្បាប់អនុញ្ញាតមួយកន្លែងស្ថិតក្នុងភូមិសាស្ត្រស្រុកសេសាន កាលពីថ្ងៃទី០៤ ខែកុម្ភៈ ឆ្នាំ២០២៦ ។ យោងតាមរបាយការណ៍ពីក្រុមការងារចុះអនុវត្តផ្ទាល់…
ខេត្តស្ទឹងត្រែង ៖ កម្លាំងជំនាញរដ្ឋបាលព្រៃឈើ សហការជាមួយកម្លាំងនគរបាល បានចុះប្រតិបត្តិការបង្ក្រាបទីតាំងសិប្បកម្មកែច្នៃផលអនុផលព្រៃឈើដែលគ្មានច្បាប់អនុញ្ញាតមួយកន្លែងស្ថិតក្នុងភូមិសាស្ត្រស្រុកសេសាន កាលពីថ្ងៃទី០៤ ខែកុម្ភៈ ឆ្នាំ២០២៦ ។
យោងតាមរបាយការណ៍ពីក្រុមការងារចុះអនុវត្តផ្ទាល់ បានឱ្យដឹងថា ប្រតិបត្តិការនេះដឹកនាំដោយខណ្ឌរដ្ឋបាលព្រៃឈើស្ទឹងត្រែង សហការជាមួយកម្លាំងការិយាល័យប្រឆាំងបទល្មើសសេដ្ឋកិច្ច និងកម្លាំងប៉ុស្តិ៍នគរបាលរដ្ឋបាលក្បាលរមាស ក្នុងភូមិក្បាលរមាស ឃុំក្បាលរមាស ស្រុកសេសាន ។
ពាក់ព័ន្ធក្នុងករណីខាងលើ នៅពេលកម្លាំងសមត្ថកិច្ចចុះទៅដល់ទីតាំងកើតហេតុ ម្ចាស់សិប្បកម្មមិនបាននៅក្នុងទីតាំងនោះទេ (បានគេចខ្លួនបាត់)។ ទោះជាយ៉ាងណា សមត្ថកិច្ចបានធ្វើការដកហូតវត្ថុតាង និងសម្ភារគ្រឿងចក្រមួយចំនួន រួមមាន ៖
-ផល-អនុផលព្រៃឈើ ៖ ឈើអារប្រភេទលេខ១ (ផ្ចឹក និងឈ្លីក) ចំនួន ១៧៧ ដុំ/សន្លឹក (កំពុងស្ថិតក្នុងដំណាក់កាលវាស់វែង)។ គ្រាក់ឈ្លីក ប្រវែង ១ ម៉ែត្រ ។
-តាបឈូសឈើ ៖ ០១ គ្រឿងម៉ាស៊ីនភ្លើង ០១ គ្រឿង ម៉ូទ័រឈូស០២ គ្រឿងម៉ូទ័រកាត់ ០១ គ្រឿង ម៉ូទ័រខាត់ ០៣ គ្រឿង។
បច្ចុប្បន្ន វត្ថុតាងទាំងអស់ត្រូវបានរក្សាទុកជាបណ្តោះអាសន្ន ដើម្បីបន្តនីតិវិធីច្បាប់។ ទន្ទឹមនឹងនេះ ក្រុមការងារជំនាញ កំពុងធ្វើការស្រាវជ្រាវយ៉ាងយកចិត្តទុកដាក់ ដើម្បីស្វែងរកអត្តសញ្ញាណម្ចាស់ទីតាំង និងជនសង្ស័យដែលពាក់ព័ន្ធ យកមកអនុវត្តទោសតាមច្បាប់ស្តីពីព្រៃឈើជាធរមាន៕
ចែករំលែកព័តមាននេះ