សហរដ្ឋអាមេរិកលុបចោលបំរាមលក់អាវុធមកកម្ពុជា
- ភ្នំពេញ
លោក ខេស៊ី បាណេត ( Casey Barnett) ប្រធានសភាពាណិជ្ជកម្មអាមេរិកប្រចាំនៅកម្ពុជា បានអះ អាងថា កាលពីម្សិលមិញថ្ងៃទី០៣…
លោក ខេស៊ី បាណេត ( Casey Barnett) ប្រធានសភាពាណិជ្ជកម្មអាមេរិកប្រចាំនៅកម្ពុជា បានអះ អាងថា កាលពីម្សិលមិញថ្ងៃទី០៣ ខែកុម្ភៈ ឆ្នាំ២០២៦ សហរដ្ឋអាមេរិកបានលុបចោលបំរាមលក់អាវុធពីកម្ពុជាហើយ ។
លោកបានប្រកាសនៅលើបណ្តាញសង្គមរបស់លោកថា «ក្រសួងពាណិជ្ជកម្មសហរដ្ឋអាមេរិកបានលុបចោលការហាមឃាត់ចុងក្រោយនៃការលក់អាវុធមកឱ្យប្រទេសកម្ពុជា។ វាគឺជានិមិត្តរូបដ៏សំខាន់មួយនៃទំនុកចិត្តរបស់អាមេរិកចំពោះកម្ពុជា ហើយថាកម្ពុជាមានកិច្ចសហប្រតិបត្តិការលើបញ្ហាយោធា» ។
លោកបានបន្ថែមទៀតថា ការលុបចោលការហាមឃាត់ការលក់អាវុធនេះ បើកផ្លូវឱ្យកម្ពុជាទិញបច្ចេកវិទ្យាទំនើបៗរបស់អាមេរិក ។
លោកបានបន្ថែមទៀតថា លោកកំពុងតែស្ថិតនៅសិង្ហបុរី ដើម្បីជួបជាមួយក្រុមហ៊ុនអាកាសចរណ៍ និងក្រុមហ៊ុនលក់អាវុធអាមេរិក ដោយលើកទឹកចិត្តឱ្យលក់ផលិតផលដែលមានគុណភាពខ្ពស់របស់ពួកគេ ដើម្បីជួយសន្តិសុខ និងសេដ្ឋកិច្ចរបស់កម្ពុជា ។
ចែករំលែកព័តមាននេះ