ខេត្តតាកែវ ៖ មូលហេតុដែលផ្ដើមអោយការសាងសង់ការ៉ាស់សាំងខុសច្បាប់បានដោយរលូនគឺផ្ដើមចេញពីការប្រព្រឹត្តអំពើពុករលួយរបស់ក្រុមមន្ត្រីពាក់ពន្ធ័យកទៅបំពេញមហិច្ឆតារៀងៗខ្លូនដោយមិនបានគិតផលប្រយោជន៏ជាតិជាធំ។
យោងតាមប្រភពច្បាស់ការណ៍បានអោយដឹងថាការ៉ាស់សាំងនៅឃុំព្រែកផ្ទោលស្រុកអង្គរបូរីសាងសង់ដោយគ្មានច្បាប់អនុញ្ញាតចំនួន៣កន្លែង តែក្រុមមន្ត្រីពាក់ពន្ធ័នឹងអាជ្ញាធរមូលដ្ឋានបែរជានាំគ្នាទៅគៀបសង្កត់ក្ដឹបកូនការ៉ាស់សាំងដ៏តូចមួយហើយនាំគ្នាការពារការ៉ាស់សាំងធំៗចំនួន២កន្លែងទៅវិញធ្វើអោយមហាជនដាក់ការសង្ស័យថាទំនងក្រុមមន្ត្រីទាំងនោះមិនបានប្រយោជន៏ពីក្ដឹបកូនការ៉ាស់សាំងហើយមើលទៅ។
បើយោងតាមប្រភពលោកឡេង ខូវ ប្រធានការិយាល័យស្រុកអង្គរបូរីបានអោយដឹងថាការ៉ាស់សាំងធំៗចំនួន២ទីតាំងស្ថិតនៅភូមិកំពង់ពោធ៏ឃុំព្រែកផ្ទោលគឺពិតជាគ្មានច្បាប់មែន ដោយកន្លងមកម្ចាស់ការ៉ាស់សាំងខាងលើបានពឹងពាក់គាត់គូរប្លង់តែក្រោយគូរប្លង់រួចរាល់បែរជាម្ចាស់មិនបានបំពេញបែបបទសុំច្បាប់តាមនីតិវិធីពីក្រសួងពាក់ពន្ធ័ឡើយ។
លោកឡេង ខូវបានបន្តទៀតថាក្នុងកំឡុងដែលលោកគូរប្លង់លោករស់ រត្ន័ អតីតចៅហ្វាយស្រុកស្ដីទីបានអោយលោកប្រាប់ម្ចាស់ការ៉ាស់សាំងយកលុយទៅអោយលោក១កន្លែង៦០០ដុល្លារសាងសង់លក់ដូរធម្មតាទៅ តែត្រូវលោកឡេង ខូវ បដិសេធ ព្រោះថាលោកមិនយក កទៅល អន្ទាក់នោះទេ។
ពាក់ពន្ធ័ករណីខាងលើអ្នកយកព័ត៏មានមិនអាចសុំកាបំភ្លឺពីលោករស់ រត្ន័ ចៅហ្វាយរងស្រុកអង្គរបូរីបានទេដោយលោកចៅហ្វាយស្រុករូបនេះមិនចេះនិយាយជាមួយអ្នកកាសែតតាមទូរសព្ទ័នោះទេលោកចេះនិយាយជាមួយអ្នកកាសែតតែក្នុងបន្ទប់របស់លោកនោះទេ។
តាមប្រភពច្បាស់ការចេញពីមន្ទីរ៉ែនិងថាមពលខេត្តតាកែវបានអោយដឹងថាពាក់ពន្ធ័ករណីការ៉ាស់សាំងអត់ច្បាប់ប្រចាំខេត្តតាកែវគឺលោកសោម ថុលប្រធានការិយាល័យថាមពលនិងប្រេងកាតទទួលបន្ទុកអគ្គីសនីនិងការ៉ាស់សាំងជាអ្នកដើរតួសម្របសម្រួលនិងរកសេដ្ឋកិច្ចអោយលោកសុច សាវឿនអនុប្រធានក្ដាប់រួមនៃមន្ទីរ៉ែនិងថាពលខេត្តតាកែវ។
ជុំវិញករណីខាងលើលោកសុច សាវឿន អនុប្រធានមន្ទីរ៉ែនិងថាមពលខេត្តតាកែវបានអោយដឹងថាលោកមិនអាចឆ្លើយបានទេចំពោះរឿងចោទថាលោកសោម ថុល ប្រធានការិយាយល័យថាមពលនិងប្រេងកាតដើរតួសម្របសម្រួលរកសេដ្ឋកិច្ចអោយលោកតែចំពោះការ៉ាស់សាំងដែលបានសាងសង់គ្មានច្បាប់នៅចំនុចខាងលើលោកនិងបើកការស៊ើបអង្កេត។
ព័ត៌មានបន្តនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ