ខេត្តកំពង់ស្ពឺ ៖ កម្លាំងការិយាល័យនគរបាលប្រឆាំងបទល្មើសសេដ្ឋកិច្ច សហការជាមួយសាខាក.ប.ប.ខេត្តកំពង់ស្ពឺ ចុះត្រួតពិនិត្យទីតាំងហាងលក់វត្ថុអនុស្សាវរីយ៍ និងសម្ភារៈប្រើប្រាស់មួយកន្លែងដែលមានស្លាកយីហោ «ហាងកាដូ» ដកហូតផលិតផលហួសសុពលភាពមួយចំនួន កាលព្រឹកថ្ងៃទី៣ ខែកុម្ភៈ…
ខេត្តកំពង់ស្ពឺ ៖ កម្លាំងការិយាល័យនគរបាលប្រឆាំងបទល្មើសសេដ្ឋកិច្ច សហការជាមួយសាខាក.ប.ប.ខេត្តកំពង់ស្ពឺ ចុះត្រួតពិនិត្យទីតាំងហាងលក់វត្ថុអនុស្សាវរីយ៍ និងសម្ភារៈប្រើប្រាស់មួយកន្លែងដែលមានស្លាកយីហោ «ហាងកាដូ» ដកហូតផលិតផលហួសសុពលភាពមួយចំនួន កាលព្រឹកថ្ងៃទី៣ ខែកុម្ភៈ ឆ្នាំ២០២៦ ។
មន្ត្រីនគរបាលខេត្តកំពង់ស្ពឺបាននិយាយឱ្យដឹងថា ការចុះត្រួតពិនិត្យទីតាំងហាងលក់វត្ថុអនុស្សាវរីយ៍ និងសម្ភារៈប្រើប្រាស់មួយកន្លែងដែលមានស្លាកយីហោ «ហាងកាដូ» ដកហូតផលិតផលហួសសុពលភាពមួយចំនួន ដោយបានការបញ្ជាដឹកនាំដ៏ខ្ពង់ខ្ពស់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កម្លាំងការិយាល័យនគរបាលប្រឆាំងបទល្មើសសេដ្ឋកិច្ច បានកិច្ចសហការជាមួយសាខា ក.ប.ប.ខេត្តកំពង់ស្ពឺ ចុះត្រួតពិនិត្យទីតាំងហាងលក់វត្ថុអនុស្សាវរីយ៍ និងសម្ភារៈប្រើប្រាស់មួយកន្លែងស្លាកយីហោ«ហាងកាដូ» ស្ថិតនៅក្នុងភូមិទួលគក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។
មន្ត្រីនគរបាលខេត្តកំពង់ស្ពឺបានបន្តឱ្យដឹងថា ក្នុងការចុះប្រតិបត្ដិការ សមត្ថកិច្ចជំនាញបានរកឃើញផលិតផលមួយចំនួនមានកាលបរិច្ឆេទហួសសុពលភាពប្រើប្រាស់រួមមាន៖
-ម្សៅម៉ាក Phaesaj ចំនួន១០៥កំប៉ុង ស្មើនឹង២១kg
-ផលិតផលលុញក្លៀក ម៉ាក Dove ចំនួន៥៨ដប និងម៉ាកNivea ចំនួន១២ដប។ វិធានការរបស់សមត្ថកិច្ចជំនាញ ៖ ផលិតផលហួសសុពលភាពប្រើប្រាស់ខាងលើ ត្រូវបានសាខា ក.ប.ប ខេត្តកំពង់ស្ពឺ ដកហូតដើម្បីយកទៅដុតបំផ្លាញចោល។
មន្ត្រីនគរបាលខេត្តកំពង់ស្ពឺបានបញ្ជាក់ថា ជាការសំណូមពរ របស់ក្រុមការងារស្នើសុំដល់អាជីវករ អ្នកលក់ដូរ មេត្ដានាំគ្នាបញ្ឈប់ការលក់ ឬចែកចាយផលិតផលដែលមិនមានប្រភពច្បាស់លាស់ ទំនិញខុសច្បាប់ និងជិតហួសសុពលភាពដែលនាំឱ្យអ្នកប្រើប្រាស់ខាតបង់ប្រាក់កាស និងប៉ះពាល់ធ្ងន់ធ្ងរដល់សុខភាពប្រជាពលរដ្ឋលើសពីការអនុវត្ដច្បាប់កើតឡើងធ្វើឱ្យខាតបង់ពេលវេលា និងមានទោសទណ្ឌផ្លូវច្បាប់៕
ចែករំលែកព័តមាននេះ