ខេត្តកំពង់ឆ្នាំង ៖ លោកដូវ គឹមស៊ីន អភិបាលស្រុកជលគីរី ដឹកនាំក្រុមការងារចុះរៀបចំសណ្ដាប់ធ្នាប់រុះរើតូបដែលអាជីវករនៅតែបន្តនៃការលក់ដូរនៅតាមចិញ្ចើមផ្លូវ និងតាមគម្របលូសាធារណៈ ដែលជាហេតុបង្កឲ្យមានការកកស្ទះ ខូចសណ្តាប់ធ្នាប់សាធារណៈ ដល់ការធ្វើដំណើររបស់បងប្អូនប្រជាពលរដ្ឋ…
ខេត្តកំពង់ឆ្នាំង ៖ លោកដូវ គឹមស៊ីន អភិបាលស្រុកជលគីរី ដឹកនាំក្រុមការងារចុះរៀបចំសណ្ដាប់ធ្នាប់រុះរើតូបដែលអាជីវករនៅតែបន្តនៃការលក់ដូរនៅតាមចិញ្ចើមផ្លូវ និងតាមគម្របលូសាធារណៈ ដែលជាហេតុបង្កឲ្យមានការកកស្ទះ ខូចសណ្តាប់ធ្នាប់សាធារណៈ ដល់ការធ្វើដំណើររបស់បងប្អូនប្រជាពលរដ្ឋ ។ កិច្ចការនេះ បានធ្វើឡើងនៅថ្ងៃទី០២ និងទី០៣ ខែកុម្ភៈ ឆ្នាំ២០២៦ ស្ថិតនៅភូមិសាស្ត្រ ស្រុកជលគិរី ខេត្តកំពង់ឆ្នាំង ។
សូមរំលឹកថា មុនពេលឈានដល់ការចុះអនុវត្តកិច្ចការនេះ រដ្ឋបាលស្រុកជលគិរី បានធ្វើសេចក្ដីជូនដំណឹងចែកជូនប្រជាពលរដ្ឋដែលលក់ដូរនៅទីតាំងខាងលើ ព្រមទាំងបានរៀបចំនូវប៉ាណូសេចក្ដីជូនដំណឹងស្ដីអំពីលក់ដូរនៅទីតាំងនេះឱ្យបញ្ឈប់នៃការលក់ដូរ នៅទីតាំង តាមដងផ្លូវសាធារណៈ និងលើគម្របលូ នៅចំណុចដែលបានរៀបរាប់ខាងលើ ត្រូវរុះរើ រួមមានគ្រែលក់ដូរ តូបលក់ដូ ចេញពីទីតាំងឲ្យចប់សព្វគ្រប់នៅមុនថ្ងៃទី៣១ ខែមករា ឆ្នាំ២០២៦ ជាកំហិត ។
ប៉ុន្តែប្រជាពលរដ្ឋ ដែលលក់ដូរនៅទីតាំងនេះ នៅតែបន្តក្នុងការលក់ដូរ ហេតុដូចនេះ រដ្ឋបាលស្រុកបានចាត់វិធានការ ធ្វើការរុះរើប្រមូលនៃសម្ភារៈលក់ដូរនានា មកអធិការនគរបាលស្រុក ដើម្បីណែនាំនិងរៀបចំកិច្ចសន្យាបញ្ឈប់នេះ ការលក់ដូរនៃទីតាំងចំណុចផ្លូវបំបែកនៅតាមចិញ្ចើមផ្លូវ តាមគម្របលូ ឲ្យទៅលក់ដូរនៅទីតាំងដែលរដ្ឋបាលស្រុកបានរៀបចំគឺនៅផ្សារថ្មីចំនួនមួយកន្លែង នៅចំណុចកំពង់ពោធ៍ ភូមិព្រៃគ្រីជើង ឃុំព្រៃគ្រី ស្រុកជលគិរី ដែលទីតាំងនេះ គម្រោងរៀបចំផ្សារបានអនុវត្តចប់សព្វគ្រប់ នៅថ្ងៃទី០១ ខែកញ្ញា ឆ្នាំ២០២៥ កន្លងទៅរួចមកហើយ និងមានប្រជាពលរដ្ឋមួយចំនួនធំបានចូលលក់ដូរយ៉ាងច្រើនកុះករ ។
ដោយឡែក តែប្រជាពលរដ្ឋមួយចំនួនតូចដែលគាត់បានបន្តនៃការលក់ដូរនៅតាមចិញ្ចើមផ្លូវ និងគម្របលូ ។ លោក ដូវ គឹមស៊ីន ក្នុងនាមរដ្ឋបាលស្រុកជលគិរី សង្ឃឹមយ៉ាងម៉ុតមាំងក្រោយពីអប់រំណែនាំ និងធ្វើកិច្ចសន្យាប្រជាពលរដ្ឋដែលលក់ដូរនៅទីតាំងដែលបានហាមឃាត់ ទៅលក់ដូនៅទីតាំងផ្សារថ្មី (ចំណុចកំពង់ពោធ៍) វិញ ៕
ចែករំលែកព័តមាននេះ