ប្រទេសលីប៊ី ៖ លោកសេអ៊ីវអាល់អ៊ិស្លាមកាដាហ្វី កូនប្រុសម្នាក់ក្នុងចំណោមកូនប្រុសអតីតមេដឹកនាំលីប៊ីដែលត្រូវគេផ្ដួលរំលំនិងសម្លាប់ ត្រូវបានធ្វើឃាតកាលពីថ្ងៃទី៣ កុម្ភៈ នៅភាគខាងលិចលីប៊ី ដោយកងកុំម្ម៉ង់ដូប្រដាប់អាវុធមិនស្កាល់អត្តសញ្ញាណ១ក្រុម ។ កូនប្រុសលោកកាដាហ្វីរូបនោះ…
ប្រទេសលីប៊ី ៖ លោកសេអ៊ីវអាល់អ៊ិស្លាមកាដាហ្វី កូនប្រុសម្នាក់ក្នុងចំណោមកូនប្រុសអតីតមេដឹកនាំលីប៊ីដែលត្រូវគេផ្ដួលរំលំនិងសម្លាប់ ត្រូវបានធ្វើឃាតកាលពីថ្ងៃទី៣ កុម្ភៈ នៅភាគខាងលិចលីប៊ី ដោយកងកុំម្ម៉ង់ដូប្រដាប់អាវុធមិនស្កាល់អត្តសញ្ញាណ១ក្រុម ។ កូនប្រុសលោកកាដាហ្វីរូបនោះ ជាមនុស្សដែលតុលាការព្រហ្មទណ្ឌអន្តរជាតិ CPI តាមរកចាប់ខ្លួនពីបទឧក្រិដ្ឋប្រឆាំងមនុស្សជាតិ ។
មេធាវីរបស់កូនប្រុសលោកកាដាហ្វីរូបនោះថ្លែងថា លោកសេអ៊ីវអាល់អ៊ិស្លាមកាដាហ្វី ត្រូវសម្លាប់នាវេលាម៉ោង១៤ម៉ោងក្នុងស្រុកថ្ងៃទី៣ កុម្ភៈ នៅក្រុងហ្សេនតេន ក្នុងផ្ទះរបស់លោក ដោយកុំម៉ង់ដូ១ក្រុមមានគ្នា៤នាក់ ។ ចាប់តាំងពីយូរមកហើយត្រូវគេមើលឃើញថា ជាអ្នកបន្តវេនពីឪពុកមុនការដួលរលំរបបលោកកាដាហ្វីកាលពីឆ្នាំ២០១១ បុរសមានវ័យ៥៣ឆ្នាំរូបនោះ ត្រូវបានគេមើលឃើញថា ជាមនុស្សកណ្ដាលនិយមនិងជាអ្នកកែទម្រង់ ។ កេរ្ត៍ឈ្មោះរបស់លោកអាប់ឱនដោយលោក សន្យាបង្ក្រាបបង្ហូរឈាមពេលចាប់ផ្ដើមការបះបោរ។
លោកអាប់ឌុលឡាហ៍អូតម៉ាន់អាប់ឌូរ៉ាហ៊ីមទីប្រឹក្សារបស់លោករៀបរាប់ថា មនុស្ស៤នាក់បានសម្រុកចូលក្នុងផ្ទះលោក កាលពីថ្ងៃទី៣ កុម្ភៈ បន្ទាប់ពីកម្ទេចកាមេរ៉ាត្រួតពិនិត្យ បន្ទាប់មកសម្លាប់លោក ។ សម្រាប់ពេលនេះ គេនៅមិនទាន់ដឹងនៅឡើយថា តើពួកប្រដាប់អាវុធនោះជាមនុស្សរបស់ក្រុមណានៅឡើយ ។
ទោះបីយ៉ាងណា កាលពី១០ថ្ងៃមុននេះ មនុស្សជំំនិតម្នាក់របស់កូនប្រុសលោកកាដាហ្វីរូបនោះបាននិយាយថា មានបញ្ហាចោទលើសុវត្ថិភាពរបស់លោក ។ ប្រមុខកុលសម្ព័ន្ធរបស់លោកកាដាហ្វី បានទូរស័ព្ទប្រាប់ដល់លោកសេអីុវថា នឹងបញ្ជូនមនុស្សមកជួយការពារសន្តិសុខតែលោកសេអ៊ីវបានបដិសេធ។
ត្រូវបានតុលាការCPI តាមរកចាប់ខ្លួនពីបទឧក្រិដ្ឋប្រឆាំងមនុស្សជាតិ លោកសេអីុវត្រូវចាប់ខ្លួនកាលពីឆ្នាំ២០១១ នៅភាគខាងត្បូងលីប៊ី។ ជាប់ឃុំឃាំងអស់រយៈពេលយូរនៅក្រុងហ្សេនតេន លោកត្រូវកាត់ទោសប្រហារជីវិតក្នុងឆ្នាំ២០១៥ ក្រោយសវនាការមួយមុនពេលទទួលបានការលើកលែងទោស ៕
ចែករំលែកព័តមាននេះ