រាជធានីភ្នំពេញ ៖ ករណីឆ្លងចរន្តអគ្គីភ័យឆាបឆេះផ្ទះឈើប្រក់ដំបូងសង្ក័សីរបស់ប្រជាពលរដ្ឋប្រកបរបរតម្បាញក្រមាខ្មែរអស់ទាំងសុងហើយកម្លាំងអន្តរាគមន៍របស់រថយន្តបង្ការពន្លត់អគ្គីភ័យស្នងការដ្ឋាននគរបាលរាជធានីភ្នំពេញបានខិតខំចេញរថយន្តឡើងឆ្លងកំពង់ដរដើម្បីចុះទៅដល់ទីតាំងកើតហេតុណ៍បានត្រឹមតែទប់ស្កាត់មិនរាលដល់ផ្ទះជិតខាង ។
ហេតុការណ៍ខាងលើនេះបង្កការភ្ញាក់ផ្អើល កើតឡើងកាលវេលាម៉ោង១និង០០នាទីរំលងអាធ្រាតឈានចូលថ្ងៃទី៤ ខែ កុម្ភ: ឆ្នាំ ២០២៦ នៅចំណុចផ្ទះគ្មានលេខ តាមផ្លូវបេតុង ក្រុម១ ស្ថិតនៅភូមិក្បាលកោះ សង្កាត់ កោះដាច់ ខណ្ឌជ្រោយចង្វារ រាជធានីភ្នំពេញ ។
ម្ចាស់ផ្ទះឈ្មោះ ភី សុភាព ភេទស្រី អាយុ៥៥ឆ្នាំ មុខរបរតម្បាញ ស្នាក់នៅផ្ទះកើតហេតុខាងលើ ។
យោងតាមការិយាល័យបង្ការពន្លត់អគ្គីភ័យស្នងការដ្ឋាននគរបាលរាជធានីភ្នំពេញ បានបញ្ជាក់ថាក្រោយពីទទួលបានព័ត៍មានពីនគរបាលខណ្ឌជ្រោយចង្វារសុំរថយន្តពន្លត់អគ្គិភ័យមកជាបន្ទាន់ដើម្បីបាញ់ពន្លត់ផ្ទះប្រជាពលរដ្ឋកំពុងឆាបឆេះយ៉ាងសន្ធោសន្ធៅនៅសង្កាត់កោះដាច់ភ្លាមៗ ទទួលបទបញ្ជាពីលោកនាយការិយាល័យបានចេញរថយន្តពីគោលដៅទី២រួមជាមួយរថយន្តរបស់រដ្ឋបាលសាលាខណ្ឌជ្រោយចង្វារដើម្បីឆ្លងដរ១តង់ទើបអាចឡើងលើគោកបន្តដំណើរទៅដល់គោលដៅដែលឆេះផ្ទះប្រជាពលរដ្ឋ ។
ពេលទៅដល់គឺអណ្ដាតភ្លើងបានលេបត្របាក់ផ្ទះប្រជាពលរដ្ឋសង់អំពីឈើដំបូលប្រក់សង្ក័សីមានទំហំ៦ម៉ែត្រគុណ៧ម៉ែត្រអស់ទាំងសុង មូលហេតុតាមការសន្និដ្ឋាននិងបំភ្លឺម្ចាស់ផ្ទះករណីឆ្លងចរន្តអគ្គិសនី ។
យ៉ាងណាមិញ សមត្ថកិច្ចយើងបានខិតខំព្យាយាមតែនៅតែមិនទាន់គ្រាន់តែបានទប់ស្កាត់មិនឆេះរាលដាលដល់ផ្ទះជិតខាងការគ្រប់គ្រងបាននៅម៉ោង១និង៣០នាទីរំលងអាធ្រាតថ្ងៃខែឆ្នាំដដែល ៕
ចែករំលែកព័តមាននេះ