ខេត្តស្វាយរៀង ៖ សមត្ថកិច្ចនគរបាលក្រុងបាវិត ឃាត់ខ្លួនជនសង្ស័យ ០៣នាក់ បន្ទាប់ពីបានធ្វើសកម្មភាពឆក់ទូរសព្ទពីជនជាតិចិន ចំនួន០២គ្រឿង បានសម្រេច ក៏ប៉ុន្តែត្រូវសមត្ថកិច្ចបង្ក្រាបបានភ្លាមៗ ។…
ខេត្តស្វាយរៀង ៖ សមត្ថកិច្ចនគរបាលក្រុងបាវិត ឃាត់ខ្លួនជនសង្ស័យ ០៣នាក់ បន្ទាប់ពីបានធ្វើសកម្មភាពឆក់ទូរសព្ទពីជនជាតិចិន ចំនួន០២គ្រឿង បានសម្រេច ក៏ប៉ុន្តែត្រូវសមត្ថកិច្ចបង្ក្រាបបានភ្លាមៗ ។
បើតាមសមត្ថកិច្ចបានអោយដឹងថា ជនសង្ស័យមាន០៣នាក់ ៖
ទី១.ឈ្មោះ ង្វៀង ត្រឿងណាម ភេទប្រុស អាយុ៣៥ឆ្នាំ ជនជាតិវៀតណាម មុខរបរមិនពិតប្រាកដ មានទីលំនៅទីក្រុងហូជីមិញ(អ្នកធ្វើសកម្មភាពឆក់) ។
ទី២.ឈ្មោះ លឿង ទឹងអាញ់ ភេទប្រុស អាយុ១៦ឆ្នាំជនជាតិវៀតណាម មុខរបរមិនពិតប្រាកដ មានទីលំនៅស្រុកតឹងហុង ខេត្តដុងថាប់ប្រទេសវៀតណាម (បក្ខពួក) ។
និងទី៣.ឈ្មោះ លឿង ហ្វាកសាង ភេទប្រុស អាយុ២០ឆ្នាំជនជាតិវៀតណាម មុខរបរមិនពិតប្រាកដ មានទីលំនៅស្រុកឡុងសៀង ខេត្តអាងយ៉ាង (បក្ខពួក) ។
ចំណែកជនរងគ្រោះមានឈ្មោះ ឈិន វៃជា (CHEN WEIJIE) ភេទប្រុស អាយុ៤៧ឆ្នាំ ជនជាតិចិន មុខរបរមេការសំណង់ មានទីលំនៅខេត្តហ្គងតុង ប្រទេសចិន បច្ចុប្បន្នស្នាក់នៅបន្ទប់ជួល ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ។
សមត្ថកិច្ចបញ្ជាក់ថា កាលពីថ្ងៃទី៣១ ខែមករា ឆ្នាំ២០២៦ វេលាម៉ោង១០និង៥០នាទីព្រឹក ប៉ុស្តិ៍នគរបាលរដ្ឋបាលបាវិត បានទទួលពាក្យបណ្តឹង០១ច្បាប់ ពីជនរងគ្រោះឈ្មោះ ឈិន វៃជា (CHEN WEIJIE) ភេទប្រុស អាយុ៤៧ ឆ្នាំជនជាតិចិន មុខរបរមេការសំណង់ មានទីលំនៅខេត្តហ្គងតុង ប្រទេសចិន បច្ចុប្បន្នស្នាក់នៅបន្ទប់ជួល ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង បានប្តឹងចោទប្រកាន់ទៅលើជនសង្ស័យ (មិនស្គាល់អត្តសញ្ញាណ ភេទប្រុស) ដែលបានធ្វើសកម្មភាពឆក់ទូរសព្ទរបខ្លួនចំនួន០២ គ្រឿង(ម៉ាក IPHONE 17 ពណ៌ទឹកក្រូច និង IPHONE 16 ពណ៌ខ្មៅ) កាលពីវេលាម៉ោង១០និង៣០នាទីព្រឹក ថ្ងៃទី៣១ ខែមករា ឆ្នាំ២០២៦ នៅត្រង់ចំនុចផ្សាររាត្រី១ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
ក្រោយពីទទួលបានបណ្តឹងភ្លាម សមត្ថកិច្ច បានចុះទៅដល់កន្លែងកើតហេតុ ដើម្បីធ្វើការស្រាវជ្រាវកំណត់មុខសញ្ញាជនសង្ស័យ ។
យោងការពិនិត្យតាមប្រព័ន្ធកាមេរ៉ាសុវត្ថិភាព នៅជុំវិញកន្លែងកើតហេតុ សមត្ថកិច្ចក៏បានកំណត់មុខសញ្ញាជនសង្ស័យ និងបក្ខពួក លុះរហូតដល់វេលាម៉ោង៥និង៣០នាទីល្ងាច សមត្ថកិច្ចជំនាញប្រទះឃើញមុខសញ្ញាជនសង្ស័យទាំងបីនាក់ នៅជាមួយគ្នា រួមនឹងម៉ូតូ (ធ្វើសកម្មភាព) នៅត្រង់ចំណុចខាងក្រោយផ្សារអន្តរជាតិ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ក៏បានឃាត់ រួចនាំមកកាន់ប៉ុស្តិ៍នគរបាលរដ្ឋបាលបាវិត ដើម្បីធ្វើការសាកសួរ ។
នៅចំពោះមុខសមត្ថកិច្ច សង្ស័យឈ្មោះ ង្វៀង ត្រឿងណាម បានឆ្លើយសារភាពថា ខ្លួនពិតជាបានធ្វើសកម្មភាពឆក់ទូរសព្ទចំនួន០២គ្រឿង ពីជនរងគ្រោះប្រាកដមែន ហើយខ្លួនបានយកទៅទុកនៅបន្ទប់ជួល នៅខាងម្តុំកាស៊ីណូសៀងហៃ ( ស្រុកចន្ទ្រា) ខេត្តស្វាយរៀង ។
ផ្អែកតាមចម្លើយសារភាពរបស់ជនសង្ស័យ សមត្ថកិច្ចយើងបានសុំគោលការណ៍ពីលោកអធិការ ដើម្បីគម្លាតដែនសមត្ថកិច្ច សហការជាមួយកម្លាំងប៉ុស្តិ៍នគរបាលសំរោង ដើម្បីស្វែងរកវត្ថុតាង(ទូរសព្ទ) ។
សម្ភារៈដែលសមត្ថកិច្ចយើងដកហូតរួមមាន ៖ ទូរសព្ទ I Phone 17 ពណ៌ទឹកក្រូច ចំនួន០១គ្រឿង ទូរស័ព្ទ I Phone 16 ពណ៌ខ្មៅ ចំនួន០១គ្រឿង។ បច្ចុប្បន្នជនសង្ស័យ និងវត្ថុតាងសមត្ថកិច្ចបានកសាងសំណុំរឿងបញ្ជូនមកអយ្យការអមសាលាដំបូងចាត់ការតាមនីតិវិធី៕
ចែករំលែកព័តមាននេះ