ខេត្តកំពត ៖ នៅថ្ងៃពេញបូណ៌មីខែមាជារៀងរាល់ឆ្នាំប្រជាពលរដ្ឋជាពុទ្ធបរិស័ទក្នុងខេត្តកំពតជាពិសេសក្នុងក្រុងកំពតក្រោមការដឹកនាំដោយផ្ទាល់ពីសំណាក់ឯកឧត្តមអភិបាលខេត្តមឯកឧត្តមប្រធានក្រុមប្រឹក្សាខេត្តបានដឹកនាំសហការជាមួយព្រះមន្ត្រីសង្ឃខេត្តមន្ទីរធម្មការនិងសាសនាខេត្តព្រមទាំងមន្ត្រីរាជការកងកំលាំងប្រដាប់អាវុធទាំងបីប្រភេទ តាមមន្ទីរស្ថាបន័នានាទូទាំងខេត្តបានប្រារព្ធធ្វើនៅថ្ងៃពេញបរមីលុះព្រឹកឡើងថ្ងៃ១រោជខែមាឃ និមន្តព្រះសង្ឃ 500 អង្គត្រាច់ចរបិណ្ឌបាតគួរជាទីជ្រះថ្លាក្រៃលែងនៃពុទ្ធបរិសទ័។
បុណ្យមាឃបូជាគឺជាពិធីបុណ្យដ៏សំខាន់មួយក្នុងព្រះពុទ្ធសាសនាដែលពុទ្ធសាសនិកជនខ្មែរតែងតែប្រារព្ធធ្វើឡើងនៅថ្ងៃ១៥កើតខែមាឃជារៀងរាល់ឆ្នាំ។
ពាក្យថា”មាឃបូជា” មានន័យថាការបូជាថ្វាយព្រះសម្មាសម្ពុទ្ធក្នុងខែមាឃដើម្បីរំលឹកដល់ព្រឹត្តិការណ៍អស្ចារ្យចំនួនពីរដែលបានកើតឡើងក្នុងសម័យពុទ្ធកាល។
១- ការធ្វើចតុរង្គសន្និបាត(គឺការជួបជុំប្រកបដោយអង្គ៨)) ព្រឹត្តិការណ៍នេះបានកើតឡើងនៅវត្តវេឡុវន័ក្នុងក្រុងរាជគ្រឹះដែលមានលក្ខណៈពិសេស៤ យ៉ាង÷ ព្រះសង្ឃ 1,250 អង្គនិមន្តមកជួបជុំគ្នាដោយមិនបានកំណត់ទុកជាមុន។
-ព្រះសង្ឃទាំងអស់សុទ្ធតែឯហិភិក្ខុ(អ្នកដែលព្រះពុទ្ធបំបួសឲ្យដោយផ្ទាល់)។
-ព្រះសង្ឃទាំងអស់សុទ្ធតែជាព្រះអរហន្តដែលសម្រេចអភិញ្ញា៦។
-ថ្ងៃនោះជាថ្ងៃពេញបូណ៌មីក្នុងខែមាឃ(ព្រះចន្ទពេញវង់)។
-ក្នុងឱកាសនោះព្រះពុទ្ធបានសំដែង”ឱវាទបតិមោក្ខ”ដែលជាបេះដូងនៃព្រះពុទ្ធសាសនា គឺការមិនធ្វើបាបទាំងពួង ការធ្វើកុសលឱ្យបរិបូរណ៍និងការធ្វើចិត្តរបស់ខ្លួនឲ្យស្អាតបរិសុទ្ធ។
២- ការដាក់អាយុសង្ខារ:
មឃៈបូជាក៏ជាថ្ងៃដែលព្រះសម្មាសម្ពុទ្ធទ្រង់សម្រេចព្រះទ័យ”ដាក់អាយុសង្ខារ”ពោលគឺកំណត់ ៣ ខែទៀតព្រះអង្គនិងយាងចូលបរិនិព្វាន(ស្លាប់)។ ការសម្រេចព្រះទ័យនេះធ្វើឡើងនៅបាវាលចេតិយ។
សេចក្តីសង្ខេបនៃអត្ថន័យបុណ្យមាឃបូជាគឺបុណ្យនេះរំលឹកឱ្យយើងទាំងអស់គ្នាយល់អំពី÷
១-សាមគ្គីភាព÷ ការជួបជុំគ្នានៃភិក្ខុសង្ឃយ៉ាងច្រើនកុះករ។
២-គោលការណ៍ជីវិត÷ ការប្រកាន់ខ្ជាប់នៅអំពើល្អនិងជម្រះចិត្តឲ្យសក្តិសិទ្ធិ។
៣-សេចក្តីមិនប្រមាថ÷ ការរំលឹកថាជីវិតមានកំណត់(តាមរយៈការដាក់អាយុសង្ខារ) ដូច្នេះត្រូវប្រញាប់សាងអំពើល្អ។
ជាមួយគ្នានេះ ការប្រារព្ធពិធីបុណ្យមាឃបូជានៅក្នុងបរិវេណសួនច្បារដើមពោធិ៍ ស្ថិតក្នុងសង្កាត់កំពង់កណ្តាលនៃទឹកដីក្រុងកំពតខេត្តកំពតដែលរៀបចំឡើងដោយថ្នាក់ដឹកនាំខេត្តនិងព្រះមន្ត្រីសង្ឃខេត្តនាសៀលថ្ងៃ១៥ កើតពេញបូណ៌មីខែមាឃ ត្រូវនឹងថ្ងៃទី០២ ខែកុម្ភៈឆ្នាំ ២០២៦នាពេលនេះព្រះសង្ឃបានសូត្រធម៌មាឃបូជាចម្រើនព្រះបរិត្តនិងសំដែងធម្មទេសនាពន្យល់អំពីអត្ថន័យនៃបុណ្យមាឃបូជាជូនពុទ្ធបរិសទ័ជាទីសណ្តាប់ដោយសេចក្តីជ្រះថ្លានៃព្រះធម៌ដ៏ក្រៃលែងផងដែរ។
លុះព្រឹកឡើងថ្ងៃ១រោជខែមាឃវេលាម៉ោង៩.៣០នាទីព្រឹកថ្ងៃីទី៣ខែឆ្នាំដដែលអង្គពិធីទាំងមូលបាននិមន្តព្រះសង្ឃមកពីគ្រប់វត្តក្នុងខេត្តចំនួន៥០០អង្គនិមន្តរាប់បាតជាកិច្ចឆ្លងបុណ្យមាឃបូជាក្រោមបរិយាកាសគគ្រឹកគគ្រេងដោយសេចក្តីជ្រះថ្លាយ៉ាងក្រៃលែងនិងអនុមោទនាបុណ្យ៕
ចែករំលែកព័តមាននេះ