សាធារណរដ្ឋប្រជាធិបតេយ្យកុងហ្គោ ៖ ការបាក់ដីដ៏ទារុណបំផុត ដែលកើតមានកាលពីចុងខែមករា នៅតំបន់រ៉ែរូប៊ីយ៉ា ស្ថិតនៅចម្ងាយជាង៧០គីឡូម៉ែត្រខាងលិចក្រុងហ្គោមេ ក្នុងតំបន់ពិបាកចូលទៅដល់របស់សាធារណរដ្ឋប្រជាធិបតេយ្យកុងហ្គោ ចាប់តាំងពីច្រើនថ្ងៃមកហើយនៅតែពិបាកកំណត់ ដោយអាជ្ញាធរមូលដ្ឋាននិយាយពីអ្នកស្លាប់ថា មានយ៉ាងតិច២០០នាក់…
សាធារណរដ្ឋប្រជាធិបតេយ្យកុងហ្គោ ៖ ការបាក់ដីដ៏ទារុណបំផុត ដែលកើតមានកាលពីចុងខែ
មករា នៅតំបន់រ៉ែរូប៊ីយ៉ា ស្ថិតនៅចម្ងាយជាង៧០គីឡូម៉ែត្រខាងលិចក្រុងហ្គោមេ ក្នុងតំបន់ពិបាកចូលទៅដល់របស់សាធារណរដ្ឋប្រជាធិបតេយ្យកុងហ្គោ ចាប់តាំងពីច្រើនថ្ងៃមកហើយនៅតែពិបាកកំណត់ ដោយអាជ្ញាធរមូលដ្ឋាននិយាយពីអ្នកស្លាប់ថា មានយ៉ាងតិច២០០នាក់ ហើយសង្គមស៊ីវិលលើកឡើងពីចំនួនអ្នកស្លាប់ថា មានដល់ជាង៤០០នាក់ ។
សាកសពមនុស្សច្រើនរយនាក់ នៅតែរកមិនឃើញកប់ក្នុងភក់ ។ បែបនេះ គេត្រូវប្រើពេលច្រើនថ្ងៃមុនអាចកំណត់បញ្ជីជនរងគ្រោះ ។
គួររំលឹកថា ការបាក់កូនភ្នំមួយ កាលពីថ្ងៃទី២៨ មករា កន្លងទៅ ក្រោយពីមានភ្លៀងធ្លាក់ខ្លាំង បណ្ដាលឲ្យមានការហូរភក់ និងការបាក់ដីសង្កត់លើទីតាំងរ៉ែLUWOWO ស្ថិតនៅក្បែរតំបន់រ៉ែរូប៊ីយ៉ារួច បន្ទាប់មកមានការបាក់ដីថ្មីមួយទៀតនៅទីនោះ។
កម្មករអណ្ដូងរ៉ែច្រើនពាន់នាក់ ធ្វើការរាល់ថ្ងៃក្នុងបណ្ដាអណ្ដូងរ៉ែនៅរូប៊ីយ៉ាក្នុងស្ថានភាពគ្រោះថ្នាក់និងគ្មានវិធានការសន្តិសុខ ៕
ចែករំលែកព័តមាននេះ