អាមេរិក-គុយបា ៖ ប្រធានាធិបតីអាមេរិក លោកដូណាល់ត្រាំ ថ្លែងទៅកាន់ក្រុមអ្នកកា សែត កាលពីយប់ថ្ងៃទី៣១ មករា ថា ក្រុងវ៉ាស៊ីនតោនចាប់ផ្ដើមពិភាក្សាជាមួយបណ្ដាមេដឹកនាំគុយបាហើយ…
អាមេរិក-គុយបា ៖ ប្រធានាធិបតីអាមេរិក លោកដូណាល់ត្រាំ ថ្លែងទៅកាន់ក្រុមអ្នកកា សែត កាលពីយប់ថ្ងៃទី៣១ មករា ថា ក្រុងវ៉ាស៊ីនតោនចាប់ផ្ដើមពិភាក្សាជាមួយបណ្ដាមេដឹកនាំគុយបាហើយ ។ រយៈពេលប៉ុន្មានសប្ដាហ៍ចុងក្រោយនេះ រដ្ឋការរបស់លោកបានបង្កើនការគាបសង្កត់លើគុយបា ដោយគំរាមចង់កាត់ផ្ដាច់ការផ្គត់ផ្កង់ប្រេងដល់ប្រទេសនោះ។
សេចក្ដីថ្លែងការបែបនេះ ធ្វើឡើងបន្ទាប់ពីការចាត់វិធានការមួយចំនួនរយៈពេលប៉ុន្មានសប្ដាហ៍ចុងក្រោយរបស់លោកត្រាំ ដើម្បីកាត់ផ្ដាច់ការផ្គត់ផ្គង់ប្រេងកាតមកពីវេណេស៊ុយអេឡា និងពីម៉ិចស៊ិចដល់គុយបា ។
លោកត្រាំអះអាងនាថ្ងៃទី៣១ មករា ថា លោកស្នើដល់ប្រទេសទាំង២នោះ បង្ខំគុយបាឲ្យមកអង្គុយក្នុងតុចរចា ។ តើការអង្គុយក្នុងតុចរចានោះដើម្បីចរចាពីអ្វីទៅ? បណ្ដាទិសដៅរបស់លោកដូណាល់ត្រាំចំពោះគុយបា មកទល់ពេលនេះនៅតែមិនច្បាស់លាស់ ។
លោកត្រាំផ្ដើមចាប់អារម្មណ៍លើគុយបា ក្រោយការចាប់ខ្លួនប្រធានាធិបតីវេណេស៊ុយអេឡាលោកនីកូឡាស់ម៉ាឌូរ៉ូ ហើយបង្ហាញពីការគំរាមខ្លាំងពេលលោកថ្លែងទៅកាន់ប្រជាជាតិថា តើនរណាខ្លះជាសត្រូវរបស់អាមេរិក ។ លោកត្រាំព្យាករណ៍ថា រដ្ឋាភិបាលគុយបាត្រៀមតែដួលរលំ ។
លោកថា យើងទើបចាប់ផ្ដើមនិយាយពីគុយបា ។ កាលពីសប្ដាហ៍មុនប្រធានាធិបតីអាមេរិកបានចុះហត្ថលេខាលើក្រិត្យមួយ ពីការបង្កើនពន្ធគយលើផលិតផលនាំចូលពីប្រទេសទាំងឡាយណាដែលលក់ ឬផ្ដល់ប្រេងដល់គុយបា ជាវិធានការដែលគាបសង្កត់លើម៉ិចស៊ិក ។ គុយបាក្លាយជាអ្នកចំណុះប្រទេសនេះ ក្នុងការផ្ដល់ប្រេងបន្ទាប់ពីលោកត្រាំកាត់ផ្ដាច់ការផ្គត់ផ្គង់ប្រេងវេណេស៊ុយឡាដល់ខ្លួនមក ៕
ចែករំលែកព័តមាននេះ