ប្រទេសវេណេស៊ុយអេឡា ៖ រដ្ឋបាលរបស់លោកដូណាល់ត្រាំ ប្រកាសនាថ្ងៃទី២៩ មករាថា ខ្លួននឹងសម្រាលទណ្ឌកម្មមួយចំនួនប្រឆាំងឧស្សាហកម្មប្រេងរបស់ប្រទេសនេះ និងបើកដែនអាកាសពាណិជ្ជកម្មកាត់ពីលើវេណេស៊ុយអេឡា ។ វិធានការនោះរបស់អាមេរិកបង្ហាញពីដំណាក់កាលថ្មីមួយ ក្នុងការខិតខំប្រឹងប្រែងរបស់ក្រុងវ៉ាស៊ីនតោន…
ប្រទេសវេណេស៊ុយអេឡា ៖ រដ្ឋបាលរបស់លោកដូណាល់ត្រាំ ប្រកាសនាថ្ងៃទី២៩ មករាថា ខ្លួននឹងសម្រាលទណ្ឌកម្មមួយចំនួនប្រឆាំងឧស្សាហកម្មប្រេងរបស់ប្រទេសនេះ និងបើកដែនអាកាសពាណិជ្ជកម្មកាត់ពីលើវេណេស៊ុយអេឡា ។
វិធានការនោះរបស់អាមេរិកបង្ហាញពីដំណាក់កាលថ្មីមួយ ក្នុងការខិតខំប្រឹងប្រែងរបស់ក្រុងវ៉ាស៊ីនតោន ដើម្បីធ្វើឲ្យមានប្រក្រតីភាពឡើងវិញនៃទំនាក់ទំំនងជាមួយក្រុងការ៉ាកាស់ក្រោយកងទាហានអាមេរិក ចាប់ខ្លួនប្រធានាធិបតីប្រទេសនោះលោកនីកូឡាស់ ម៉ាឌូរ៉ូនាំទៅកាត់ទោសនៅអាមេរិកពីបទរត់ពន្ធគ្រឿងញៀន ។
សេចក្ដីសម្រេចនោះ កើតមានបន្ទាប់ពីសភាវេណេស៊ុយអេឡា អនុម័តច្បាប់កែទម្រង់វិស័យប្រេងវេណេស៊ុយអេឡា អនុញ្ញាតឲ្យបរទេសបោះទុនវិនិយោគធ្វើអាជីវកម្មប្រេងរបស់ប្រទេសនេះដែលពីដើមរៀងមកត្រូវរដ្ឋក្ដាប់ក្នុងដៃ ។
ក្រោមការគាបសង្កត់របស់អាមេរិក សភាវេណេស៊ុយអេឡាបានអនុម័តកាលពីថ្ងៃទី២៩ មករា ការកែទម្រង់ច្បាប់ស្ដីពីប្រេងកាត ដោយបើកឲ្យផ្នែកឯកជនចូលរកស៊ី និងកាត់បន្ថយពន្ធ ។ នាបណ្ដាម៉ោងខាងមុខក្រោយការបន្ថយទណ្ឌកម្មនេះ ឧស្ម័នធម្មជាតិរបស់វេណេស៊ុយអេឡាអាចនាំចេញបានវិញ ហើយប្រេងក៏នឹងអាចនាំចេញវិញបានដែរក្រោយការឡោមព័ទ្ធ ៕
ចែករំលែកព័តមាននេះ