រាជធានីភ្នំពេញ ៖ និស្សិតម្នាក់ បានជិះម៉ូតូក្នុងល្បឿនលឿន ហើយជ្រុលទៅបុកម៉ូតូកង់បីបត់ឆ្វេង ឆ្លងផ្លូវ ពេញទំហឹងបណ្ដាលឲ្យបោកក្បាលស្លាប់នៅនឹងកន្លែង ។ ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង៥និង៣០នាទីល្ងាចនៅថ្ងៃទី២៨…
រាជធានីភ្នំពេញ ៖ និស្សិតម្នាក់ បានជិះម៉ូតូក្នុងល្បឿនលឿន ហើយជ្រុលទៅបុកម៉ូតូកង់បីបត់ឆ្វេង ឆ្លងផ្លូវ ពេញទំហឹងបណ្ដាលឲ្យបោកក្បាលស្លាប់នៅនឹងកន្លែង ។
ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង៥និង៣០នាទីល្ងាចនៅថ្ងៃទី២៨ ខែមករា ឆ្នាំ២០២៦ នៅលើផ្លូវ១០១៩ ចំនុចមុខបរីពិភពថ្មី ស្ថិតនៅភូមិអ័រគីដេរ សង្កាត់អូរបែកក្អម ខណ្ឌសែនសុខ រាជធានីភ្នំពេញ ។
ជនរងគ្រោះ ដែលបានស្លាប់បាត់បង់ជីវិតឈ្មោះ ឃា រក្សា ភេទប្រុស អាយុ២៣ឆ្នាំ មុខរបរនិស្សិត ស្នាក់នៅភូមិសណ្តាន់ ឃុំចំណាក្រោម ស្រុកស្ទោង ខេត្តកំពង់ធំ បានស្លាប់នៅកន្លែងកើតហេតុ ជិះម៉ូតូ០១គ្រឿង ម៉ាក់ HONDA ពណ៌ខ្មៅ ស្លាកលេខ កំពង់ធំ 1Q 4445 ។
តាមសាក្សីបានឲ្យដឹងថា នៅមុនពេលកើតហេតុ គេឃើញជនរងគ្រោះបានជិះម៉ូតូ មួយគ្រឿង ធ្វើដំណើរ ក្នុងទិសដៅពីត្បូងទៅជើង។នៅពេលធ្វើដំណើរមកដល់ចំណុចកើតហេតុ ក៏បានបុកម៉ូតូកង់បីឥណ្ឌា ស្លាកលេខភ្នំពេញ 1GX 0676 ធ្វើដំណើរក្នុងទិលដៅពីជើងទៅត្បូងហើយ បត់ឆ្វេង បណ្ដាលឱ្យអ្នកបើកបរម៉ូតូជ្រុលទៅបុកពេញទំហឹង ដួលបោកក្បាលស្លាប់នៅនឹងកន្លែង។ បន្ទាប់ពីកើតហេតុអ្នកបើកបរម៉ូតូកង់បីឈ្មោះ ជា ធី ភេទប្រុស អាយុ៣៥ឆ្នាំ ស្នាក់នៅភូមិហ្មសែត សង្កាត់ប៉ាលហាល ក្រុងព្រះវិហារ ខេត្តព្រះវិហារ បើកបរម៉ូតូកង់បីឥណ្ឌា ត្រូវបានសមត្ថកិច្ចឃាត់ខ្លួនផងដែរ ។
តាមនគរបាលចរាចរណ៍ បានឲ្យដឹងថា មូលហេតុដែលបណ្ដាលឲ្យកើតមានគ្រោះថ្នាក់ចរាចរណ៍ ដោយសារតែជនរងគ្រោះ បើកបរក្នុងល្បឿនលឿន ទៅបុកម៉ូតូកង់បី ដែលបតឆ្វេង ឆ្លងផ្លូវ ខ្វះការប្រុងប្រយត្ន័ ។
បន្ទាប់ពីកើតមានគ្រោះថ្នាក់ នគរបាលមូលដ្ឋាន បានចុះទៅសម្រួលចរាចរណ៍ និងទាក់ទងនគរបាលចរាចរណ៍ នៃស្នងការនគបាលរាជធានីភ្នំពេញ ចុះមកវាស់វែង រួចនាំយកអ្នកបើកបរ និងម៉ូតូកង់បី បញ្ជូនទៅកាន់ការិយាល័យ ដើម្បីចាត់ការតាមច្បាប់ ៕
ចែករំលែកព័តមាននេះ