រាជធានីភ្នំពេញ ៖ អង្គភាពស៊ីម៉ាក់បានបញ្ជាក់ថា សត្វសុនខហិតមីនបានពឹងផ្អែកលើបរទេសជួយគាំទ្របច្ចេកទេសទាំងស្រុង១០០% ប៉ុន្តែបច្ចុប្បន្នកាលនេះ កម្ពុជា(អង្គភាពCMAC) ម្ចាស់ការទាំងស្រុង១០០% និងអាចចែករំលែកដល់អន្តរជាតិទៀតផង ។ យោងតាមបណ្តាញសង្គម…
រាជធានីភ្នំពេញ ៖ អង្គភាពស៊ីម៉ាក់បានបញ្ជាក់ថា សត្វសុនខហិតមីនបានពឹងផ្អែកលើបរទេសជួយគាំទ្របច្ចេកទេសទាំងស្រុង១០០% ប៉ុន្តែបច្ចុប្បន្នកាលនេះ កម្ពុជា(អង្គភាពCMAC) ម្ចាស់ការទាំងស្រុង១០០% និងអាចចែករំលែកដល់អន្តរជាតិទៀតផង ។
យោងតាមបណ្តាញសង្គម នៅថ្ងៃទី២៨ ខែមករា ឆ្នាំ២០២៦ ឯកឧត្តម ហេង រតនា អគ្គនាយកអង្គភាពស៊ីម៉ាក់បានឲ្យដឹងថា នៅថ្ងៃទី២៧-២៨ ខែមករា ឆ្នាំ២០២៦ អង្គភាពCMAC និងតំណាង JICA ក៏ដូចជាក្រុមប្រឹក្សាផ្តល់យោបល់ជប៉ុន បានជួបពិភាក្សាគ្នា ដើម្បីបន្តពង្រឹងកិច្ចសហប្រតិបតិ្តការរវាងមណ្ឌលសុនខCMAC និងដៃគូនានា ដើម្បីហ្វឹកហ្វឺនអ្នកកាន់សុនខអន្តរជាតិនៅកម្ពុជា និងនាំយកសុនខជំនាញពីកម្ពុជាទៅប្រតិបត្តិការនៅបណ្តាប្រទេសនានាដែលរងផលប៉ះពាល់ដោយសំណល់យុទ្ធភណ្ឌសង្គ្រាម ។
ប្រភពបានបញ្ជាក់ថា កាលពីជាង២០ឆ្នាំមុននេះ កម្មវិធីសុនខបានពឹងផ្អែកលើបរទេសជួយគាំទ្របច្ចេកទេសទាំងស្រុង១០០% ប៉ុន្តែបច្ចុប្បន្នកាលនេះ កម្ពុជា (អង្គភាពCMAC) ម្ចាស់ការទាំងស្រុង១០០%និងអាចចែករំលែកដល់អន្តរជាតិទៀតផង ។
ជាមួយគ្នានោះដែរ ឯកឧត្តម ហេង រតនា បានលើកឡើងថា កូនខ្មែរត្រូវតែប្រឹងប្រែង ហ្មត់ចត់ម៉ឺងម៉ាត់ និងមានស្មារតីឆន្ទៈម្ចាស់ការ ដើម្បីសម្រេចបានគោលដៅប្រកបដោយនិរន្តភាពសម្រាប់សង្គមជាតិរបស់យើង ៕
ចែករំលែកព័តមាននេះ