ខេត្តកំពង់ស្ពឺ ៖ ករណីគ្រោះថ្នាក់ចរាចរណ៍ដ៏គួរឱ្យរន្ធត់មួយបានកើតឡើង នៅលើផ្លូវល្បឿនលឿន ភ្នំពេញ-ព្រះសីហនុ បណ្តាលឱ្យរថយន្តទំនើបមួយគ្រឿងរងការឆាបឆេះយ៉ាងសន្ធោសន្ធៅ និងធ្វើឱ្យអ្នកបើកបរបាត់បង់ជីវិត ។ ជាក់ស្តែង ស្នងការដ្ឋាននគរបាលខេត្តកំពង់ស្ពឺ…
ខេត្តកំពង់ស្ពឺ ៖ ករណីគ្រោះថ្នាក់ចរាចរណ៍ដ៏គួរឱ្យរន្ធត់មួយបានកើតឡើង នៅលើផ្លូវល្បឿនលឿន ភ្នំពេញ-ព្រះសីហនុ បណ្តាលឱ្យរថយន្តទំនើបមួយគ្រឿងរងការឆាបឆេះយ៉ាងសន្ធោសន្ធៅ និងធ្វើឱ្យអ្នកបើកបរបាត់បង់ជីវិត ។
ជាក់ស្តែង ស្នងការដ្ឋាននគរបាលខេត្តកំពង់ស្ពឺ នៅថៃ្ងទី២៨ ខែមករា ឆ្នាំ២០២៦ វេលាម៉ោងប្រមាណ ៧:៣០នាទីព្រឹក មានករណីគ្រោះថ្នាក់ចរាចរណ៍រថយន្ត មួយគ្រឿងបានបុកពីក្រោយរថយន្ដមួយគ្រឿងផ្សេងទៀត កំពុងតែរត់ខាងមុខ នៅលើផ្លូវល្បឿនលឿនចំណុច (PK 93+400 )ស្ថិតនៅក្នុងភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្ដកំពង់ស្ពឺ ។
តាមការបញ្ជាក់ពីលោកវរសេនីយ៍ទោ ជុន ចន្ទដេត អធិការនគរបាលស្រុកភ្នំស្រួចបានទទួលព័ត៌មាន ពីក្រុមការងារផ្លូវល្បឿនលឿនថា មានរថយន្ត១គ្រឿង ម៉ាក LEXUS LX570 ពណ៌ខ្មៅ មានផ្លាកលេខ ភ្នំពេញ 2BQ-6668 អ្នកបើកបរមិនស្គាល់អត្តសញ្ញាណ (មូលហេតុបានស្លាប់ក្នុងហេតុការណ៍ផ្ទុះឆេះនៅក្នុងរថយន្ត) រថយន្ដបើកបរក្នុងទីសដៅ ពីលិចទៅកើត(ព្រះសីហនុ-ភ្នំពេញ) លុះមកដល់ចំណុចខាងលើ បានបុកពីក្រោយរថយន្ត ម៉ាក SHACMAN ពណ៌ស-លឿង-បៃតង ពាក់ផ្លាកលេខ ភ្នំពេញ 3E-7040 មានសណ្តោងសឺមីរ៉ឺម៉ក ពាក់ផ្លាកលេខ ភ្នំពេញ 4A-3058 (ដឹកប្រេង) អ្នកបើកបរមិនស្គាល់អត្តសញ្ញាណ ក្រោយកើតហេតុគេចខ្លួន រថយន្ដទាំង២ បើកបរក្នុងទិសដៅស្របគ្នា ។
នៅកន្លែងកើតហេតុរថយន្តម៉ាក LEXUS LX570 ឆេះទាំងស្រុងនៅកន្លែង រីឯរថយន្តដឹកប្រេងមានការខូចខាតមួយផ្នែកខាងក្រោយកិច្ចអន្ដរាគមន៍របស់ក្រុមហ៊ុនផ្លូវល្បឿនលឿន បានចេញជួយ និងប្រើប្រាស់ទឹកអស់មួយរថយន្ដ ។ ចំណែកបច្ចុប្បន្នវត្ថុតាងទាំង២កំពុងចាត់ចែងយកចេញពីកន្លែងកើតហេតុ មកកាន់ទីតាំងសុវត្ថិភាព ៕
ចែករំលែកព័តមាននេះ