សហរដ្ឋអាមេរិក ៖ ពលរដ្ឋអាមេរិកច្រើនលាននាក់ កាលពីថ្ងៃទី២៦ មករា ជួបប្រទះរលកត្រជាក់ខ្លាំងបំផុត ហើយកាន់តែធ្ងន់ ដោយសារផលវិបាករបស់ព្យុះព្រិលមួយដែលបណ្ដាលឲ្យមនុស្សស្លាប់យ៉ាងតិច២១នាក់រួចហើយ ចំណែកមនុស្សជាង៨០០០០០គ្រួសាររងការប៉ះពាល់ដោយការដាច់ភ្លើង។ ក្នុងតំបន់បឹងធំភាគខាងជើងអាមេរិក…
សហរដ្ឋអាមេរិក ៖ ពលរដ្ឋអាមេរិកច្រើនលាននាក់ កាលពីថ្ងៃទី២៦ មករា ជួបប្រទះរលកត្រជាក់ខ្លាំងបំផុត ហើយកាន់តែធ្ងន់ ដោយសារផលវិបាករបស់ព្យុះព្រិលមួយដែលបណ្ដាលឲ្យមនុស្សស្លាប់យ៉ាងតិច២១នាក់រួចហើយ ចំណែកមនុស្សជាង៨០០០០០គ្រួសាររងការប៉ះពាល់ដោយការដាច់ភ្លើង។
ក្នុងតំបន់បឹងធំភាគខាងជើងអាមេរិក ប្រជាជនជួបប្រទះសីតុណ្ហភាពត្រជាក់បំផុតដល់២០អង្សាសេក្រោមសូន្យ ។ ហើយសីតុណ្ហភាពចុះដល់៣០អង្សាសេក្រោមសូន្យ ក្នុងតំបន់នានានៃរដ្ឋមីនីសូតានិងរដ្ឋវីស្កុនស៊ីន។ នេះបើតាមការប្រកាសរបស់ផ្នែកឧតុនិយមជាតិអាមេរិក ។ សីតុណ្ហភាពនៅបន្តធ្លាក់ថែមទៀត នាប៉ុន្មានថ្ងៃខាងមុខនេះ ក្រោមឥទ្ធិពលនៃខ្យល់ត្រជាក់អាក់ទិក ។ ពិសេស ក្នុងបណ្ដាតំបន់នាភាគកណ្ដាលប្រទេសសីតុណ្ហភាពអាចធ្លាក់ដល់៤៥អង្សាសេក្រោមសូន្យ ។
ក្នុងផ្ទៃប្រទេសព្រិលបានធ្លាក់យ៉ាងខ្លាំងដល់កម្រាស់ជាង៣០សង្ទីរម៉ែត្រ ក្នុងរដ្ឋអាមេរិក២០បណ្ដាលឲ្យមានការដាច់ភ្លើង។ នាព្រឹកថ្ងៃទី២៦ មករា មនុស្សប្រមាណ៨២០០០០គ្រួសារ នៅតែពុំទាន់មានភ្លើងប្រើវិញ ពិសេសនៅភាគខាងត្បូងសហរដ្ឋអាមេរិកដែលនៅទីនោះទឹកកកជាប់ខ្សែកាបធ្ងន់នាំឲ្យខ្សែកាបអគ្គិសនីដាច់ធ្លាក់។ ការដាច់ភ្លើងអាចមានច្រើនថ្ងៃទៀត ព្រោះអាជ្ញាធរនៅមិនទាន់អាចស្ដារបណ្ដាញភ្លើងឡើងវិញបានពេញលេញនៅឡើយ ៕
ចែករំលែកព័តមាននេះ