យោងតាមការផ្សាយរបស់សារព័ត៌មានបរទេស ជំងឺខ្លាញ់រុំថ្លើម មិនមែនកើតឡើងតែចំពោះអ្នកដែលនិយមពិសាគ្រឿងស្រវឹងច្រើននោះទេ ប៉ុន្តែវាបានក្លាយជាបញ្ហាសុខភាពដ៏ធំមួយសម្រាប់មនុស្សសម័យថ្មី ដែលបណ្ដាលមកពីរបបអាហារប្រចាំថ្ងៃមិនមានតុល្យភាព។ នៅពេលដែលយើងទទួលទានអាហារដែលមានជាតិស្ករ និងជាតិខ្លាញ់មិនល្អច្រើនហួសប្រមាណ ថ្លើមដែលដើរតួជា “រោងចក្រ” ចម្រោះជាតិពុល…
យោងតាមការផ្សាយរបស់សារព័ត៌មានបរទេស ជំងឺខ្លាញ់រុំថ្លើម មិនមែនកើតឡើងតែចំពោះអ្នកដែលនិយមពិសាគ្រឿងស្រវឹងច្រើននោះទេ ប៉ុន្តែវាបានក្លាយជាបញ្ហាសុខភាពដ៏ធំមួយសម្រាប់មនុស្សសម័យថ្មី ដែលបណ្ដាលមកពីរបបអាហារប្រចាំថ្ងៃមិនមានតុល្យភាព។ នៅពេលដែលយើងទទួលទានអាហារដែលមានជាតិស្ករ និងជាតិខ្លាញ់មិនល្អច្រើនហួសប្រមាណ ថ្លើមដែលដើរតួជា “រោងចក្រ” ចម្រោះជាតិពុល និងបំប្លែងថាមពល នឹងមិនអាចបំពេញភារកិច្ចបានទាន់ពេលវេលាឡើយ រហូតបង្ខំចិត្តផ្ទុកថាមពលដែលលើសទាំងនោះជាទម្រង់ខ្លាញ់នៅជុំវិញកោសិកាថ្លើមផ្ទាល់តែម្ដង។ ស្ថានភាពនេះប្រសិនបើទុកចោលយូរទៅ អាចឈានទៅដល់ការរលាកថ្លើម ថ្លើមក្រិន ឬមហារីកថ្លើម ដែលជាគ្រោះថ្នាក់បំផុតសម្រាប់ជីវិត។
អាហារ “អន្ទាក់” ទាំង ៩ យ៉ាងដែលអ្នកគួរប្រុងប្រយ័ត្នបំផុតនោះ រួមមានភេសជ្ជៈផ្អែម និងទឹកផ្លែឈើកំប៉ុង ដែលសម្បូរទៅដោយជាតិស្ករ Fructose ព្រោះថ្លើមជាអ្នកទទួលខុសត្រូវចម្ងាយក្នុងការបំប្លែងស្ករប្រភេទនេះ ហើយបើយើងញ៉ាំច្រើនពេក វានឹងប្រែជាខ្លាញ់ភ្លាមៗ។ បន្ទាប់មកគឺអាហារបំពង និងអាហារដែលមានជាតិខ្លាញ់ Trans ដូចជាដំឡូងបារាំងបំពង ឬមាន់បំពង ដែលបង្កើនការរលាកដល់កោសិកាថ្លើមយ៉ាងខ្លាំង។ ចំពោះនំប៉័ងស និងអាហារធ្វើពីម្សៅសម្រិតវិញ វានឹងបំប្លែងទៅជាជាតិស្ករក្នុងឈាមលឿនបំផុត ដែលបង្កើនបន្ទុកដល់ថ្លើមទ្វេដង។ ការសេពគ្រឿងស្រវឹងក៏ជាមូលហេតុចម្បងដែលបំផ្លាញកោសិកាថ្លើមផ្ទាល់ និងបង្កើនការកកកុញជាតិខ្លាញ់យ៉ាងឆាប់រហ័សបំផុត។
ក្រៅពីនេះ សាច់កែច្នៃដូចជាសាច់ប៉ាតេ ឬហតដក ដែលសម្បូរទៅដោយជាតិអំបិល និងសារធាតុរក្សាទុកយូរ ក៏ដូចជាបង្អែម និងនំខេកដែលមានការរួមបញ្ចូលគ្នារវាងជាតិស្ករ និងខ្លាញ់ឆ្អែត សុទ្ធតែជាសត្រូវដ៏ធំរបស់ថ្លើម។ ជាតិប្រៃច្រើនពេកក្នុងអាហារ ក៏ធ្វើឱ្យរាងកាយរក្សាទឹក និងប៉ះពាល់ដល់មុខងារថ្លើមជារួម ចំណែកឯសាច់ក្រហមដែលមានខ្លាញ់ច្រើន ដូចជាសាច់គោ ឬសាច់ជ្រូកជាប់ខ្លាញ់ ក៏បង្កើនការកកកុញកូឡេស្តេរ៉ុលក្នុងថ្លើមផងដែរ។
សូម្បីតែអាហារសម្រន់ដែលមានជាតិផ្អែមខ្លាំង ឬធញ្ញជាតិស្រោបស្ករ ក៏ជាមូលហេតុបង្កជំងឺនេះដែរ។ ដើម្បីការពារថ្លើម លោកអ្នកគួរងាកមកទទួលទានបន្លែបៃតង ត្រី និងផ្លែឈើដែលមានជាតិស្ករទាបឱ្យបានច្រើន ព្រមទាំងហាត់ប្រាណឱ្យបានទៀងទាត់ដើម្បីដុតរំលាយខ្លាញ់ដែលលើស ចេញពីរាងកាយ និងថ្លើមវិញ ៕
ចែករំលែកព័តមាននេះ