រាជធានីភ្នំពេញ ៖ កម្ពុជា-អាមេរិក ពង្រឹងកិច្ចសហប្រតិបត្តិការយោធា ក្នុងដំណើរទស្សនកិច្ចនាវាចម្បាំង USS CINCINNATI នៅមូលដ្ឋានសមុទ្ររាម ។ ជាក់ស្តែងក្រសួងការពារជាតិ…
រាជធានីភ្នំពេញ ៖ កម្ពុជា-អាមេរិក ពង្រឹងកិច្ចសហប្រតិបត្តិការយោធា ក្នុងដំណើរទស្សនកិច្ចនាវាចម្បាំង USS CINCINNATI នៅមូលដ្ឋានសមុទ្ររាម ។
ជាក់ស្តែងក្រសួងការពារជាតិ បានប្រកាសនាព្រឹកថ្ងៃទី២៧ខែមករា ឆ្នាំ២០២៦នេះថា ៖ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ទទួលស្វាគមន៍ ឯកឧត្តមនាយឧត្តមនាវី Samuel Paparo មេបញ្ជាការនៃបញ្ជាការដ្ឋានឥណ្ឌូ-ប៉ាស៊ីហ្វិក នៃសហរដ្ឋអាមេរិក ក្នុងជំនួបសម្តែងការគួរសម និងពិភាក្សាការងារ និងឡើងទស្សនកិច្ចលើនាវាចម្បាំងអាមេរិក USS CINCINNATI (LCS 20) ដែលបានចូលសំចតនៅមូលដ្ឋានសមុទ្ររាម ខេត្តព្រះសីហនុ ពីថ្ងៃទី២៤ ដល់ថ្ងៃទី២៨ ខែមករា ឆ្នាំ២០២៦ ដើម្បីលើកកម្ពស់ទំនាក់ទំនង និងកិច្ចសហប្រតិបត្តិការរវាងកងទ័ពជើងទឹកកម្ពុជា-អាមេរិក ដែលប្រព្រឹត្តទៅនៅ មូលដ្ឋានសមុទ្ររាម។
សូមថ្លែងអំណរគុណសហរដ្ឋអាមេរិក ដែលនៅតែបន្តយកចិត្តទុកដាក់ចំពោះស្ថានការណ៍ព្រំដែនកម្ពុជា-ថៃ និងការអនុវត្តតាមស្មារតីនៃសេចក្ដីថ្លែងការណ៍រួមទីក្រុងគូឡាឡាំពួ ជាពិសេសជំរុញការងារក្រុមអ្នកសង្កេតការណ៍អាស៊ាន (AOT) ព្រមទាំងគាំទ្រដល់ការពន្លឿនដំណើរការ JBC ក្នុងការវាស់វែង និងខណ្ឌសីមាព្រំដែននៃប្រទេសទាំងពីរ ៕
ចែករំលែកព័តមាននេះ