រដ្ឋាភិបាលកំណត់ទីតាំងរៀបចំផ្ទះជូនបងប្អូនជនភៀសសឹកហើយ
- ភ្នំពេញ
រាជធានីភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី ២៦ ខែមករា ឆ្នាំ២០២៦ នេះ…
រាជធានីភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី ២៦ ខែមករា ឆ្នាំ២០២៦ នេះ បានដឹកនាំកិច្ចប្រជុំពិភាក្សា ដើម្បីមានការឯកភាពគ្នាក្នុងការកំណត់តំបន់ដែលបានសិក្សារួច ដើម្បីជ្រើសរើសទីតាំងរៀបចំផ្ទះជូនបងប្អូនជនភៀសសឹកតាមបណ្តោយព្រំដែន ។
ប្រភពមិនបានបញ្ជាក់អំពីទីតាំងនៃដីដែលនឹងត្រូវរៀបចំផ្ទះជូនបងប្អូនជនភៀសសឹកនៅឡើយទេ ប៉ុន្តែបានបញ្ជាក់ថា ក្រសួងបានកំពុងតែធ្វើកិច្ចការនេះ ក្រោមការសហការជាមួយនឹងគណៈកម្មាធិការជាតិគ្រប់គ្រងគ្រោះមហន្តរាយ ក្រសួងសេដ្ឋកិច្ច និងហិរញ្ញវត្ថុ និងមន្ទីររៀបចំដែនដី នគរូបនីយកម្ម សំណង់ និងសុរិយោដី៥ខេត្ត រួមមានខេត្តបាត់ដំបង បន្ទាយមានជ័យ ពោធិសាត់ ឧត្តរមានជ័យ និងព្រះវិហារ ។
តាមរបាយការណ៍របស់ក្រសួងមហាផ្ទៃបានឲ្យដឹងថា គិតដល់ព្រឹកថ្ងៃទី២៦ ខែមករា នេះ ពលរដ្ឋភៀសសឹកដែលបានរត់រកកន្លែងមានសុវត្ថិភាពអំឡុងពេលយោធាថៃបានបើកការឈ្លានពានមកលើដែនអធិបតេយ្យភាពកម្ពុជាពីថ្ងៃទី០៧ ដល់ថ្ងៃទី២៧ ខែធ្នូ ឆ្នាំ២០២៥ នៅសល់តាមជំរុំសុវត្ថិភាពជាង១១ម៉ឺននាក់ ។
ចែករំលែកព័តមាននេះ