រាជធានីភ្នំពេញ ៖ ដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ នាយកដ្ឋាននគរបាលព្រហ្មទណ្ឌ បង្ក្រាបករណីជំរិតទារប្រាក់ តាមដីការបស់តុលាការ នៅថ្ងៃទី២០…
រាជធានីភ្នំពេញ ៖ ដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិ នាយកដ្ឋាននគរបាលព្រហ្មទណ្ឌ បង្ក្រាបករណីជំរិតទារប្រាក់ តាមដីការបស់តុលាការ នៅថ្ងៃទី២០ ខែមករា ឆ្នាំ២០២៦ ដោយទទួលបានបទបញ្ជាពីលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, នាយកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ត្រី ព្រំ សារឿន អនុប្រធាននាយកដ្ឋាន បានស្រាវជ្រាវករណី ចាប់ឃុំឃាំង និងបង្ខាំងដោយខុសច្បាប់មានស្ថានទម្ងន់ទោស(ជំរិតទារប្រាក់) ទៅលើឈ្មោះ ZHU XUELIN ភេទប្រុស អាយុ២៨ឆ្នាំ ជនជាតិចិន ចាប់ខ្លួនបានជនសង្ស័យជាបន្តបន្ទាប់សរុប ចំនួន០៨នាក់ ដូចខាងក្រោម ៖
១.ឈ្មោះ DENG CHAO ភេទប្រុស ជនជាតិចិន ។
២.ឈ្មោះ XUE JIAN ភេទប្រុស ជនជាតិចិន ។
៣.ឈ្មោះ KAMAL PRASAD PATHAK ភេទប្រុស ជនជាតិនេប៉ាល់ ។
៤.ឈ្មោះ DINESH GURUNG ភេទប្រុស ជនជាតិនេប៉ាល់ ។
៥.ឈ្មោះ KARMA WANGEL THING ភេទប្រុស ជនជាតិនេប៉ាល់ ។
៦.ឈ្មោះ DEEPAK KUMAR THAPA ភេទប្រុស ជនជាតិនេប៉ាល់ ។
៧.ឈ្មោះ SURENDRA BK ភេទប្រុស ជនជាតិនេប៉ាល់ ។
៨.ឈ្មោះ GU WUNAN ភេទប្រុស ជនជាតិចិន ។
យោងតាមប្រភពពីនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ បានឲ្យដឹងថា ដល់ថ្ងៃទី២១ ខែមករា ឆ្នាំ២០២៦ នាយកដ្ឋាននគរបាលព្រហ្មទណ្ឌ បានរំដោះជនរងគ្រោះចេញពីក្នុងក្រុមហ៊ុនអនឡាញ ស្ថិតនៅខេត្តមណ្ឌលគិរី។
នាយកដ្ឋាននគរបាលព្រហ្មទណ្ឌ បានបញ្ជាក់ថា កាលពីថ្ងៃទី១៦ ខែមករា ឆ្នាំ២០២៦ ឈ្មោះ Deng Chao បានចាប់ខ្លួនឈ្មោះ ZHU XUELIN ពីអាកាសយានដ្ឋានអន្តរជាតិថ្មី យកទៅឃុំទុក នៅក្នុងផ្ទះវីឡាមួយកន្លែង ក្នុងខណ្ឌច្បារអំពៅ រាជធានីភ្នំពេញ ហើយក្រុមជនសង្ស័យមានជនជាតិចិន ជនជាតិនេប៉ាល់ និងជនជាតិខ្មែរ ដែលមានអត្តសញ្ញាណខាងលើ បានគម្រាមកំហែងជំរិតទារប្រាក់ពីជនរងគ្រោះចំនួន ៥០,០០០$ ជាថ្នូរនឹងការដោះលែង។ បន្ទាប់ពីឃុំខ្លួនជនរងគ្រោះរយៈពេល០៤ថ្ងៃ នៅថ្ងៃទី២០ ខែមករា ឆ្នាំ២០២៦ ក្រុមជនសង្ស័យខាងលើ បានយកជនរងគ្រោះទៅលក់ឲ្យក្រុមហ៊ុនអនឡាញខុសច្បាប់ នៅខេត្តមណ្ឌលគិរី។
ក្រោយពីការសួរនាំជនសង្ស័យទាំង០៨នាក់ខាងលើ បានឆ្លើយសារភាពថា ពួកខ្លួនពិតជាបានចាប់ខ្លួនជនរងគ្រោះ ទៅឃុំទុកនៅក្នុងផ្ទះវិឡាមួយកន្លែង ជំរិតទារប្រាក់ចំនួន ៥០,០០០$ រួចយកជនរងគ្រោះទៅលក់បន្តឲ្យក្រុមហ៊ុនអនឡាញខុសច្បាប់ ពិតប្រាកដមែន ៕
ចែករំលែកព័តមាននេះ