រាជធានីភ្នំពេញ ៖ ក្រុមក្មេងទំនើងរហ័សនាមក្រុមអេលៀន(ALIAN)ត្រូវ បានកម្លាំងនគរបាលការិយាល័យព្រហ្មទណ្ឌកំរិត ស្រាលនៃស្នងការនគរបាលរាជធានីភ្នំពេញសហការជាមួយនគរបាលខណ្ឌមានជ័យនិងអធិការដ្ឋានក្រុងតាខ្មៅស្រាវជ្រាវឃាត់ខ្លួនបន្តបន្ទាប់បន្ទាប់ពីបទបង្កហិង្សាដោយចេតនា មានស្ថានទំនង់ទោស បណ្តាលអោយខូចខាត ។ ជនសង្ស័យដែលត្រូវ ឃាត់ខ្លួនរួមមាន…
រាជធានីភ្នំពេញ ៖ ក្រុមក្មេងទំនើងរហ័សនាមក្រុមអេលៀន(ALIAN)ត្រូវ បានកម្លាំងនគរបាលការិយាល័យព្រហ្មទណ្ឌកំរិត ស្រាលនៃស្នងការនគរបាលរាជធានីភ្នំពេញសហការជាមួយនគរបាលខណ្ឌមានជ័យនិងអធិការដ្ឋានក្រុងតាខ្មៅស្រាវជ្រាវឃាត់ខ្លួនបន្តបន្ទាប់បន្ទាប់ពីបទបង្កហិង្សាដោយចេតនា មានស្ថានទំនង់ទោស បណ្តាលអោយខូចខាត ។
ជនសង្ស័យដែលត្រូវ ឃាត់ខ្លួនរួមមាន ១-ឈ្មោះ ម៉ាល់ មាសភារក្ស ហៅ តឿ ភេទប្រុស អាយុ ១៧ឆ្នាំ ,២-ឈ្មោះ ណន ដារ៉ារត្ន័ ភេទប្រុស អាយុ ១៧ឆ្នាំ ,៣-ឈ្មោះ ចិន លីន ហៅ ពេជ្យ ភេទប្រុស អាយុ ១៧ឆ្នាំ
,៤-ឈ្មោះ យ៉ែម សៀងហុី ភេទប្រុស អាយុ ១៧ ឆ្នាំ ,៥-ឈ្មោះ រ៉េត សុវណ្ណារាជ ភេទប្រុស អាយុ ១៧ឆ្នាំ ,៦-ឈ្មោះ ផល សម្បូរ ហៅ បូ ភេទប្រុស អាយុ ១៧ឆ្នាំ ,៧-ឈ្មោះ បូរាយ បូរីភេទប្រុស អាយុ ១៧ឆ្នាំ ,៨-ឈ្មោះ ជួបរតនះដេតវិសាល ភេទប្រុស អាយុ១៨ឆ្នាំ និង៩-ឈ្មោះ ម៉ែន ណារ៉ាក់ ភេទប្រុស អាយុ ១៧ឆ្នាំ ។
តាមនគរបាល ព្រហ្មទណ្ឌ កំរិតស្រាលនៃស្នងការនគរបាល រាជធានីភ្នំពេញបានអោយ ដឹងថា ដោយអនុវត្តតាមបទបញ្ជា ឧត្តមសេនីយ៍ ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៥ខែ មករា ឆ្នាំ២០២៦កម្លាំង នគរបាលការិយាល័យនគរបាលព្រហ្មទណ្ឌកំរិតស្រាលក្រោមការបញ្ជារពីរ លោកស្នងការរង ប៊ុន សត្យា ទទួលផែនការងារព្រហ្មទណ្ឌ រាជធានីភ្នំពេញនិងលោកវរៈសេនីយ៍ឯក ម៉ម សាវន ប្រធានការិយាល័យ បានដឹកនាំកំលាំងចុះសហការជាមួយ កំលាំងជំនាញព្រហ្មទណ្ឌខណ្ឌមានជ័យ និង កំលាំងអធិការដ្ឋានក្រុងតាខ្មៅបានធ្វើការស្រាវជ្រាវឃាត់ខ្លួនជនសង្ស័យជាក្រុមក្មេងទំនើងចំនួន ៩នាក់ ដកហូតដាវចំនួន២ដេីម ។
តាមនគរបាលបានអោយដឹងទៀតថា ជនសង្ស័យទាំង ៩ នាក់ជាក្រុមក្មេងទំនើង ក្រុម អេលៀន(ALIAN) ដែលបានបង្ក ហិង្សាដោយចេតនាមានស្ថានទម្ងន់ទោស បណ្តាល ខូចខាត នៅចំណុច ហាងកាហ្វេ ផ្លូវបេតុង ភូមិព្រែកតាឡុង២ ក្រុម១៥ សង្កាត់ចាក់អង្រែក្រោមរាជធានីភ្នំពេញកាល វេលាម៉ោងប្រហែល ១៩និង ៤០នាទី ថ្ងៃទី២០ ខែមករាឆ្នាំ ២០២៦។
តាមនគរបាលបានឲ្យដឹងទៀតថា ជនសង្ស័យមានបក្សពួកជាច្រើន នៅសេស សល់សមត្ថកិច្ចនឹងតាមឃាត់ខ្លួន ឲ្យដល់ឬសគល់ដោយមិនយោគយល់នោះឡើយ។
បច្ចុប្បន្នជនសង្ស័យ និងវត្ថុតាងខាងលើ កម្លាំងជំនាញការិយាល័យ កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
ចែករំលែកព័តមាននេះ