រាជធានីភ្នំពេញ ៖ កម្លាំងគណៈបញ្ជាការឯកភាពរដ្ឋបាលខណ្ឌ៧មករា បានបើកយុទ្ធនាការចុះរៀបចំសណ្ដាប់ធ្នាប់ និងរបៀបរៀបរយសាធារណៈ នៅតាមបណ្ដោយផ្លូវសំខាន់ៗមួយចំនួន រួមមានផ្លូវលេខ ១៦៩, ផ្លូវលេខ ១២៨…
រាជធានីភ្នំពេញ ៖ កម្លាំងគណៈបញ្ជាការឯកភាពរដ្ឋបាលខណ្ឌ៧មករា បានបើកយុទ្ធនាការចុះរៀបចំសណ្ដាប់ធ្នាប់ និងរបៀបរៀបរយសាធារណៈ នៅតាមបណ្ដោយផ្លូវសំខាន់ៗមួយចំនួន រួមមានផ្លូវលេខ ១៦៩, ផ្លូវលេខ ១២៨ (មហាវិថីសហព័ន្ធរុស្ស៊ី) និងផ្លូវលេខ ១០៧ ក្នុងភូមិសាស្ត្រខណ្ឌ។
ជាក់ស្តែងបើយោងតាមផេកស្នងការដ្ឋាននគរបាលរាជធានីភ្នំពេញ បានប្រកាស នាថ្ងៃទី២៦ ខែមករា ឆ្នាំ២០២៦នេះថា ៖ នាព្រឹកថ្ងៃទី២៦ ខែមករា ឆ្នាំ២០២៦ កម្លាំងគណៈបញ្ជាការឯកភាពរដ្ឋបាលខណ្ឌ៧មករា ចុះរៀបចំសណ្ដាប់ធ្នាប់ តាមបណ្ដោយផ្លូវលេខ១៦៩, ១២៨, ១០៧ ដោយបានណែនាំម្ចាស់អាជីវកម្មលក់ដូរឱ្យតាំងលក់១/៣ នៃចិញ្ចើមផ្លូវ ជាបណ្តោះអាសន្ន និងបានណែនាំអ្នកលក់ដូរឱ្យដាក់តាំងលក់ មានសណ្ដាប់ធ្នាប់របៀបរៀបរយ ។
សូមបញ្ជាក់ថា ការចុះរៀបចំនេះធ្វើឡើង ក្នុងគោលបំណងលើកកម្ពស់សោភ័ណភាពរាជធានីភ្នំពេញឱ្យកាន់តែមានរបៀបរៀបរយ និងកាត់បន្ថយគ្រោះថ្នាក់ចរាចរណ៍ដែលបង្កឡើងដោយការលក់ដូររំលោភលើចិញ្ចើមផ្លូវ ។ ជាមួយគ្នានោះដែរ បងប្អូនអាជីវករត្រូវបានណែនាំឱ្យរៀបចំសម្ភារឱ្យមានសណ្ដាប់ធ្នាប់ និងចូលរួមថែរក្សាអនាម័យបរិស្ថាននៅជុំវិញទីតាំងលក់ដូររបស់ខ្លួនផងដែរ ៕
ចែករំលែកព័តមាននេះ