ប្រទេសអ៊ីរ៉ង់ ៖ វ៉េបសាយព័ត៌មានមួយរបស់ពួកប្រឆាំង IRAN INTERNATIONAL បានចេញផ្សាយកាលពីថ្ងៃទី២៣ មករា របាយការណ៍មួយដែលថា មេដឹកនាំកំពូលអ៊ីរ៉ង់ លោកអាយ៉ាតុលាអាលីខាមេនី…
ប្រទេសអ៊ីរ៉ង់ ៖ វ៉េបសាយព័ត៌មានមួយរបស់ពួកប្រឆាំង IRAN INTERNATIONAL បានចេញផ្សាយកាលពីថ្ងៃទី២៣ មករា របាយការណ៍មួយដែលថា មេដឹកនាំកំពូលអ៊ីរ៉ង់ លោកអាយ៉ាតុលាអាលីខាមេនី ត្រូវបាននាំទៅកាន់រូងក្រោមដីមួយនៃប្រព័ន្ធរូងក្រោមដីអ៊ីរ៉ង់ ។ សេចក្ដីសម្រេចនោះ ធ្វើឡើងបន្ទាប់ពីការព្រមាននានា របស់បណ្ដាអ្នកទទួលខុសត្រូវ យោធា និងសន្តិសុខអាមេរិក ទាក់ទិននឹងលទ្ធភាពកាន់តែខ្ពស់នៃការវាយបប្រហារអ៊ីរ៉ង់់នាពេលឆាប់ៗខាងមុខនេះ ។
លោកម៉ាស៊ូដខាមេនីកូនប្រុសទី៣របស់លោកខាតាមី ជាអ្នកទទួលខុសត្រូវក្នុងកិច្ចការពារបិតាលោកនិងជាអ្នកទទួលរ៉ាប់រងការងារប្រចាំថ្ងៃរបស់លោកខាតាមី ក្លាយជាតួរអង្អសំខាន់នៃរដ្ឋអំណាចប្រតិបត្តិរបស់អ៊ីរ៉ង់ ។
ទន្ទឹមនឹងនេះដែរ អ៊ីរ៉ង់ស្វែងរកនាពេលនេះ បង្ហាញសមត្ថភាពយោធារបស់ខ្លួន ។ មេបញ្ជាការកងទ័ពជើងគោកអ៊ីរ៉ង់ ឧត្ដមសេនីយអាលីហ្សាហានអាលីគូសបញ្ជាក់ថា កងទ័ពសំខាន់ណាស់ក្នុងការបំបាក់សត្រូវ ក្នុងករណីមានវិបត្តិ ដោយលោកទទូចដើម្បីការពារប្រទេស ។ លោកថា សម្រាប់កងទ័ពធ្វើសកម្មភាពដូចមនុស្សតែមួយ ។ កងទ័ពជើងគោកនឹងការពារដែនដីអ៊ីរ៉ង់ រួមគ្នាជាមួយកងឆ្មាំបដិវត្តន៍ដោយលោកអះអាងថា ត្រៀមធ្វើរាល់ពលីកម្មដើម្បីការពារប្រទេសរហូតដល់ជីវិតចុងក្រោយ ។
ការអះអាងនោះធ្វើឡើងពេលមានព័ត៌មាននានាពីលទ្ធភាពនៃការវាយប្រហាររបស់អាមេរិកប្រឆាំងរបបអ៊ីរ៉ង់ បន្ទាប់ពីប្រធានាធិបតីអាមេរិកលោកដូណាល់ត្រាំ អះអាងកាលពីសប្ដាហ៍មុនថា ការជ្រើសរើសនោះត្រូវបានបោះបង់ចោលវិញ ដោយលោកពោលថា ការសម្លាប់មនុស្សទាក់ទិននឹងការបង្ក្រាបបាតុកម្មបានចុះថយវិញ ហើយការប្រហារជីវិតពួកបាតុករដែលចាប់ខ្លួនក៏មិនមានដែរ ។
ប៉ុន្តែសភាពការណ៍មានការផ្លាស់ប្ដូរដោយឆាប់រហ័សដោយលោកត្រាំប្រកាសថា អាមេរិកកំពុងតែបញ្ជូននាវាចម្បាំងដ៏ច្រើនទៅកាន់អ៊ីរ៉ង់ហើយលោកសម្ដែងក្ដីសង្ឃឹមថា យើងនឹងមិនប្រើវាយប្រហារឡើយ ។ អ្នកទទួលខុសត្រូវជាន់ខ្ពស់អ៊ីរ៉ង់ម្នាក់ថ្លែងថា អ៊ីរ៉ង់ចាត់ទុករាល់ការវាយប្រហារថា ជាសង្គ្រាមទាំងស្រុងមួយប្រឆាំងយើង ។ ចំណែកប្រធានាធិបតីអ៊ីរ៉ង់លោកម៉ាស់ស៊ូដប៉េហ្សេស្គីយ៉ាន់ថ្លែងរួចហើយថា រាល់ការវាយប្រហាររបស់អាមេរិកសំដៅលោកខាតាមី ស្មើនឹងសង្គ្រាមទាំងស្រុងប្រឆាំងប្រជាជាតិអ៊ីរ៉ង់ ។
នៅអ៊ីស្រាអែលទូរទស្សន៍មួយរាយការណ៍នាថ្ងៃទី២៥ មករា ពីការភ័យខ្លាចកាន់តែខ្លាំង លើការវាយប្រហារបង្ការមួយរបស់អ៊ីរ៉ង់ ។ ទូរទស្សន៍នោះគូសបញ្ជាក់ថា អ៊ីស្រាអែលកំពុងតែពង្រឹងប្រព័ន្ធការពារអាកាសរបស់ខ្លួន និងសមត្ថភាពវាយលុកហើយជឿជាក់ថា ការជ្រើសរើសខាងយោធារបស់អាមេរិកប្រឆាំងអ៊ីរ៉ង់នៅតែមាន និងថា ក្រុងវ៉ាស៊ីនតោនរង់ចាំតែឱកាសសមស្របដើម្បីវាយប្រហារ។
តាមទូរទស្សន៍នោះថា កងទ័ពអាមេរិកត្រៀមបង្ហើយការប្រមូលកម្លាំងយោធា ក្នុងតំបន់ប៉ុន្មានថ្ងៃទៀត ពិសេសជាមួយការដាក់ពង្រាយនាវាផ្ទុកយន្តហោះមួយ បណ្ដានាវាប្រយុទ្ធ កងយន្តហោះប្រដេញនិងប្រព័ន្ធស្ទាក់ចាប់មីស៊ីល។ អំពីការបង្ក្រាបពួកបាតុករបះបោរទស្សនាវដ្ដីTIME លាតត្រដាងតួលេខពីចំនួនមនុស្សស្លាប់តាមដងវិថីនៅអ៊ីរ៉ង់គិតតែថ្ងៃទី៨ និងទី៩ មករា ថា មានរហូតដល់៣០.០០០នាក់ឯណោះ ៕
ចែករំលែកព័តមាននេះ