វេណេស៊ុយអេឡា ៖ យោងតាមគម្រោងច្បាប់មួយដែលសភាអនុម័ត កាលពីថ្ងៃទី២២ មករា ថា វេណេស៊ុយអេឡានឹងបើកពេញលេញការធ្វើអាជីវកម្មប្រេងដល់ផ្នែកឯកជនហើយ ពេលកំពុងមានការខិតចូលជិតគ្នាជាមួយសហរដ្ឋអាមេរិក កាលពីថ្ងៃទី២២ មករានោះ…
វេណេស៊ុយអេឡា ៖ យោងតាមគម្រោងច្បាប់មួយដែលសភាអនុម័ត កាលពីថ្ងៃទី២២ មករា ថា វេណេស៊ុយអេឡានឹងបើកពេញលេញការធ្វើអាជីវកម្មប្រេងដល់ផ្នែកឯកជនហើយ ពេលកំពុងមានការខិតចូលជិតគ្នាជាមួយសហរដ្ឋអាមេរិក កាលពីថ្ងៃទី២២ មករានោះ បានតែងតាំងភារធារីថ្មីមួយរូបប្រចាំប្រទេសនេះ ។ ប្រេងវេណេស៊ុយអេឡាធ្លាប់តែត្រូវរដ្ឋក្ដោបក្ដាប់ទាំងស្រុង ។
ការកែទម្រង់សំខាន់នោះ ដែលត្រូវអនុម័តជាលើកទី២ទៀត កើតមាន៣សប្ដាហ៍ បន្ទាប់ពីកងទ័ពអាមេរិក ធ្វើអន្តរាគមន៍ចាប់ខ្លួនប្រធានាធិបតីវេណេស៊ុយអេឡា លោកនីកូឡាស់ម៉ាឌូរ៉ូ ហើយលោកស្រីដែលសីុរ៉ូឌ្រីហ្គាសជាអនុប្រធានាធិបតីត្រូវបានជ្រើសតាំងជាប្រធានាធិបតីស្ដីទី ។
ការអនុម័តជាស្ថាពររង់ចាំប៉ុន្មានថ្ងៃទៀត ក្នុងសភាប្រទេសដែលគណបក្សកាន់អំណាចមានសំឡេងភាគច្រើនដាច់ស្រាប់ ក្រោយការធ្វើពហិការរបស់ពួកប្រឆាំងក្នុងការបោះឆ្នោតសភាកាលពីឆ្នាំ២០២៥ ។
ការកែទម្រង់នោះ ហាក់ដូចជាជំហានថ្មីមួយឆ្ពោះទៅរកការធ្វើឲ្យមានប្រក្រតីភាពឡើងវិញនៃទំនាក់ទំនងរវាងសហរដ្ឋអាមេរិក និងវេណេស៊ុយអេឡា ក្រោយការកាត់ផ្ដាច់ពីឆ្នាំ២០១៩មក ។ លោកស្រីរ៉ូឌ្រីហ្គេសបានផ្ដល់ការរួមសហការជាមួយប្រធានាធិបតីអាមេរិកលោកដូណាល់ត្រាំ ដែលមិនបានលាក់លៀមឡើយ ពីការចង់បានប្រយោជន៍ពីធនធានប្រេងរបស់វេណេស៊ុយអេឡា ដែលមានច្រើនជាងគេបំផុតនៃពិភពលោក ។
ប៉ុន្តែលោកស្រីរ៉ូឌ្រីហ្គេសពេលនេះកំពុងស្ថិតក្រោមការដាក់ទណ្ឌកម្មរបស់អាមេរិកនៅឡើយ ដោយទ្រព្យសម្បត្តិលោកស្រីត្រូវបានបង្កក ។ ទោះបីយ៉ាណា លោកស្រីត្រូវបានសេតវិមានអញ្ជើញមកជួបលោកត្រាំនាពេលខាងមុខនេះ ៕
ចែករំលែកព័តមាននេះ