រាជធានីភ្នំពេញ ៖ លោកជំទាវបណ្ឌិតសភាចារ្យរដ្ឋមន្ត្រី ទទួលជួបតំណាងអង្គការយូណេស្កូ ទើបតែង តាំងថ្មីប្រចាំព្រះរាជាណាចក្រកម្ពុជា ហើយភាគីទាំងពីរនឹងបន្ដកិច្ចសហប្រតិបត្តិការនានា និងថ្មីៗបន្ថែមទៀតនាពេលអនាគត ។ នេះបើយោងតាមក្រសួង…
រាជធានីភ្នំពេញ ៖ លោកជំទាវបណ្ឌិតសភាចារ្យរដ្ឋមន្ត្រី ទទួលជួបតំណាងអង្គការយូណេស្កូ ទើបតែង តាំងថ្មីប្រចាំព្រះរាជាណាចក្រកម្ពុជា ហើយភាគីទាំងពីរនឹងបន្ដកិច្ចសហប្រតិបត្តិការនានា និងថ្មីៗបន្ថែមទៀតនាពេលអនាគត ។
នេះបើយោងតាមក្រសួង ក្រសួងវប្បធម៌ និងវិចិត្រសិល្ប: បានប្រកាសនាថ្ងៃទី២២ ខែមករានេះថា ៖ នាថ្ងៃទី២១ ខែមករា ឆ្នាំ២០២៦ លោកជំទាវបណ្ឌិតសភាចារ្យរដ្ឋមន្ត្រី ក្រសួងវប្បធម៌ និងវិចិត្រសិល្បៈ ទទួលជួប ឯកឧត្តម Flavio Bonetti តំណាងអង្គការយូណេស្កូទើបតែងតាំងថ្មីប្រចាំព្រះរាជាណាចក្រកម្ពុជា ដើម្បីសម្តែងការគួរសម និងពិភាក្សាការងារ នៅទីស្ដីការក្រសួង។
លោកជំទាវបណ្ឌិតសភាចារ្យរដ្ឋមន្ត្រី បានសម្តែងនូវការស្វាគមន៍ និងអបអរសាទរចំពោះ ឯកឧត្តម Flavio Bonetti តំណាងអង្គការយូណេស្កូប្រចាំព្រះរាជាណាចក្រកម្ពុជា ដែលទើបតែងតាំងថ្មី ។
ក្នុងជំនួបពិភាក្សានេះដែរ លោកជំទាវបណ្ឌិតសភាចារ្យរដ្ឋមន្ត្រី ក៏បានថ្លែងអំណរគុណអង្គការយូណេស្កូប្រចាំព្រះរាជាណាចក្រកម្ពុជា សម្រាប់កិច្ចសហប្រតិបត្តិការលើការងារវប្បធម៌ទាំងរូបី និងអរូបីនាពេលកន្លងមក។ ទន្ទឹមនោះផងដែរ ភាគីទាំងពីរនឹងបន្ដកិច្ចសហប្រតិបត្តិការនានា និងថ្មីៗបន្ថែមទៀតនាពេលអនាគត ៕
ចែករំលែកព័តមាននេះ