ខេត្តកែប ៖ សត្វអូទ្រីស គឺជាសត្វមួយប្រភេទមានកម្ពស់ខ្ពស់ជាងសត្វស្លាបដទៃ ហើយចិញ្ជឹមជាទូទៅច្រើនតែនៅប្រទេសប៉ែកអឺរ៉ុប តែអ្នកគ្រូបង្រៀនម្នាក់នៅសង្កាត់ព្រៃធំក្រុងកែប ខេត្តកែបបានចិញ្ចឹមសត្វអូទ្រីស ។ អ្នកគ្រូរូបនេះបានឱ្យដឹងកាលពីព្រឹកថ្ងៃទី ២១…
ខេត្តកែប ៖ សត្វអូទ្រីស គឺជាសត្វមួយប្រភេទមានកម្ពស់ខ្ពស់ជាងសត្វស្លាបដទៃ ហើយចិញ្ជឹមជាទូទៅច្រើនតែនៅប្រទេសប៉ែកអឺរ៉ុប តែអ្នកគ្រូបង្រៀនម្នាក់នៅសង្កាត់ព្រៃធំក្រុងកែប ខេត្តកែបបានចិញ្ចឹមសត្វអូទ្រីស ។
អ្នកគ្រូរូបនេះបានឱ្យដឹងកាលពីព្រឹកថ្ងៃទី ២១ ខែមករា ឆ្នាំ ២០២៦ នេះថា សត្វអូទ្រីសនេះវាពិបាកថែទាំណាស់ និងសំខាន់ផ្ដោតទៅលើអាកាសធាតុ ។ ហើយកន្លងមកសត្វអូរទ្រីសរបស់គាត់ចិញ្ចឹមមិនច្រើនក្បាលទេ ប៉ុន្មានខែមុននោះសត្វរបស់គាត់មួយក្បាលមានទម្ងន់ ១៥០គីឡូក្រាមបានងាប់ ដោយសាតែស្លាក់ស្រូវ ហើយសែងគ្នាបីនាក់ទើបយកទៅកប់ចោលបាន ។
អ្នកគ្រូបានបន្តថា ការចិញ្ចឹមសត្វអូទ្រីសនេះគ្មានបំណងចង់លក់ពងលក់អ្វីទេ តែក្រោយមកមានគេសុំទិញពងជាហូហែធ្វើឱ្យពងសត្វអូទ្រីសមានតម្លៃរហូតដល់ ១គ្រាប់ ២០ដុល្លារ ។ អ្នកគ្រូបានបន្តទៀតថា សត្វអូទ្រីចិញ្ចឹមតែរយៈពេលពី ៨ ទៅ ៩ខែ បើឱ្យចំណីដិតដល់វានឹងពង ហើយ ១ឆ្នាំពងចំនួន ២ដងក្នុងរដូវពងម្តងៗមានចំនួនពី ៦ ទៅ៧គ្រាប់ ។
ទោះបីជាសត្វអូទ្រីសនេះពិបាកក្នុងការចិញ្ចឹម តែគេចាត់ទុកថា នេះជាលើកដំបូងដែលពលរដ្ឋនៅសង្កាត់ព្រៃធំ ក្នុងខេត្តកែប ចិញ្ចឹមសត្វអូទ្រីសយកពងលក់ ៕
ចែករំលែកព័តមាននេះ