ប្រទេសកូរ៉េខាងជើង ៖ មេដឹកនាំកូរ៉េខាងជើង លោកគីម ជុងអ៊ុន បានដកតំណែងឧបនាយករដ្ឋមន្ត្រីមួយរូប ពេលលោកទៅបំពេញទស្សនកិច្ចក្នុងប្លុកឧស្សាហកម្មមួយ ដោយបន្ទោសថា អសមត្ថភាពខាងសេដ្ឋកិច្ច ។…
ប្រទេសកូរ៉េខាងជើង ៖ មេដឹកនាំកូរ៉េខាងជើង លោកគីម ជុងអ៊ុន បានដកតំណែងឧបនាយករដ្ឋមន្ត្រីមួយរូប ពេលលោកទៅបំពេញទស្សនកិច្ចក្នុងប្លុកឧស្សាហកម្មមួយ ដោយបន្ទោសថា អសមត្ថភាពខាងសេដ្ឋកិច្ច ។ នេះបើតាមសេចក្ដីរាយការណ៍កាលពីថ្ងៃទី២០ មករា របស់ទីភ្នាក់ងារព័ត៌មានរដ្ឋKCNA ។
KCNAគូសបញ្ជាក់ថា លោកគីម ជុងអ៊ុន បានដកតំណែងលោកយ៉ាងស៊ុងហ៊ូ ឧបនាយករដ្ឋមន្ត្រីដោយចាត់ទុកថា លោកគ្មានសមត្ថភាពក្នុងការកាន់តំណែងជាអ្នកទទួលខុសត្រូវជាន់ខ្ពស់ ។ តាមលោកគីម ជុងអ៊ុន ថា និយាយដោយខ្លីមក វាដូចជាការយកពពែមួយមកអូសរទេះ ដែលវាជាការខុសឆ្គងមួយ ក្នុងដំណើរការនៃការតែងតាំងបណ្ដាអ្នកទទួលខុសត្រូវរបស់យើង ។ លោកបន្តថា លើកក្រោយ គេត្រូវយកក្របីមកទឹម ដើម្បីអូសរទេះ មិនមែនពពែទៀតទេ ។
លោកគីម ជុងអ៊ុន បានចុះទៅពិនិត្យគម្រោងទំនើបកម្មមួយនៃប្លុកឧស្សាហកម្មរីយ៉ុងសុង្មនោះ ស្ថិតនៅជាយក្រុងព្យុងយ៉ាង ។ ដោយសារបណ្ដាមន្ត្រីទទួលបន្ទុកសេដ្ឋកិច្ចគ្មានសមត្ថភាព ទើបដំណាក់កាលដំបូងនៃការធ្វើទំនើបកម្មនោះជូបប្រទះការលំបាកនានា មកពីអ្នកដឹកនាំ ៕
ចែករំលែកព័តមាននេះ