រាជធានីភ្នំពេញ ៖ មន្ត្រីជាន់ខ្ពស់ក្រសួងព័ត៌មាន បានឲ្យដឹងថា នៅឆ្នាំ២០២៦នេះ ក្រសួងព័ត៌មាន បានរៀបចំសេចក្តីព្រាងច្បាប់ថ្មីមួយចំនួន ដូចជាសេចក្តីព្រាងច្បាប់ ស្តីពីការប្រឆាំងព័ត៌មានក្លែងក្លាយ សេចក្តីព្រាងច្បាប់…
រាជធានីភ្នំពេញ ៖ មន្ត្រីជាន់ខ្ពស់ក្រសួងព័ត៌មាន បានឲ្យដឹងថា នៅឆ្នាំ២០២៦នេះ ក្រសួងព័ត៌មាន បានរៀបចំសេចក្តីព្រាងច្បាប់ថ្មីមួយចំនួន ដូចជាសេចក្តីព្រាងច្បាប់ ស្តីពីការប្រឆាំងព័ត៌មានក្លែងក្លាយ សេចក្តីព្រាងច្បាប់ ស្តីពីសោតទស្សន៍ និងសេចក្តីព្រាង ច្បាប់ស្តីពីកម្មសិទ្ធិបញ្ញា ការពារការមាតិការបស់ទូរទស្សន៍ គ្រប់គ្រងខ្លឹមសារ និងការផ្សព្វផ្សាយពាណិជ្ជកម្មតាមប្រព័ន្ធអនឡាញ និងសេចក្តីព្រាងប្រកាសមួយចំនួនទៀត ។
ឯកឧត្តម ហួត ឃាងវេង រដ្ឋលេខាធិការក្រសួងព័ត៌មាន ក្នុងបទបង្ហាញពីស្តីពីការងារនីតិកម្ម គោលនយោបាយ និងយុទ្ធសាស្ត្រ របស់ក្រសួងព័ត៌ មាននាព្រឹកថ្ងៃទី២០ ខែមករា ឆ្នាំ២០២៦ នៅទីស្តី ការក្រសួងព័ត៌មាន បានលើកឡើងថា សេចក្តីព្រាងច្បាប់ថ្មីទាំងនេះត្រូវបានដាក់ឆ្លងរដ្ឋមន្ត្រីក្រសួងព័ត៌មាន រួចហើយ និងត្រៀមដាក់ស្នើទៅកាន់រាជរដ្ឋាភិបាល។ ក្រៅពីសេចក្តីព្រាងច្បាប់ថ្មីក្រសួងព័ត៌មានរៀបចំសេចក្តីព្រាងប្រកាសមួយចំនួនដូចជា ៖ សេចក្តីព្រាង ប្រកាសស្តីពីការរៀបចំ និងការប្រព្រឹត្តិទៅ នៃការិយាល័យចំណុះនាយកដ្ឋាន។ សេចក្តីព្រាងប្រកាសស្តីពីការបែងចែកបន្ទារហ្រេងកង់ស៍វិទ្យុសម្រាប់ប្រព័ន្ធផ្សព្វផ្សាយសោតទស្សន៍។ សេចក្តីព្រាងប្រកាស ស្តីពីការនាំចូល នាំចូលគ្រឿងសម្ភារៈ បរិក្ខាដែលបម្រើឲ្យវិស័យសោតទស្សន៍ និងស្តង់ដារបច្ចេកទេស ស្តីពីការប្រើប្រាស់បន្ទារហ្វ្រេកង់ស៍វិទ្យុ។ សេចក្តីព្រាងប្រកាសស្តីពីការគ្រប់គ្រងបោះពុម្ភគ្រឹះស្ថានបោះពុម្ភផ្សាយសេវាបោះពុម្ភ។ សេចក្តីព្រាងប្រកាសអន្តរក្រសួង ស្តីពីការផាកពិន័យ ដែលស្ថិតក្រោមសមត្ថកិច្ចរបស់ ក្រសួងព័ត៌មាន ជាមួយក្រសួងសេដ្ឋកិច្ច និងហិរញ្ញវត្ថុ និងសេចក្តីព្រាងប្រកាសស្តីពីការ ទារបំណុល ដែលវិស័យឯកជនជំពាក់ ខកខានមិនបានប់ជូនរដ្ឋ ។
ពាក់ព័ន្ធនឹងការងារវឌ្ឍនភាពប្រព័ន្ធផ្សព្វផ្សាយប្រពៃណី បច្ចុប្បន្ន និងការវិវត្តន៍ ឯកឧត្តមរដ្ឋលេខាធិការ បានឲ្យដឹងថា នៅឆ្នាំ២០២៥ ប្រព័ន្ធផ្សព្វផ្សាយបែបប្រពៃណី រួមមាន ស្ថានីយវិទ្យុ ទូរទស្សន៍ ទូរទស្សន៍ខ្សែកាប ទូរទស្សន៍ឌីជីថល Pay TV មានការថយចុះច្រើន បើប្រៀបធៀបនឹងឆ្នាំ២០២៤ ដូចខាងក្រោម ៖ វិទ្យុ AM កំពុងដំណើរការផ្សាយមានចំនួន ១ស្ថានីយ (នៅដដែល)។ វិទ្យុ FM កំពុងដំណើរការផ្សាយមានចំនួន ២៣៧ស្ថានីយ, នៅភ្នំពេញចំនួន ៤៣ស្ថានីយខេត្តចំនួន ១៩៤ ស្ថានីយ (ថយចុះចំនួន ៤៣ស្ថានីយ)។ ទូរទស្សន៍អាណាឡូក ផ្សាយកំពុងដំណើរការផ្សាយចំនួន ៨២ស្ថានីយ ផ្សាយផ្ទាល់នៅរាជធានីភ្នំពេញ ចំនួន១៤ស្ថានីយ ខេត្ត ៥ស្ថានីយ និងផ្សាយបន្តនៅតាមបណ្តាខេត្តចំនួន ៦៣ស្ថានីយ (ថយចុះចំនួន ៣៥ស្ថានីយ)។ ទូរទស្សន៍ឌីជីថល ផ្សាយតាមអ៊ីនធឺណិត មានចំនួន ៩ស្ថានីយ (នៅដដែល) ទូរទស្សន៍ឌីជីថល Pay TV ចំនួន ៤ស្ថានីយ, នៅភ្នំពេញចំនួន ២ស្ថានីយ ខេត្ត ២ស្ថានីយ (ថយចុះចំនួន ៧ស្ថានីយ) ទូរទស្សន៍ផ្កាយរណប មានចំនួន ៣ស្ថានីយ (នៅដដែល) ។ ប្រព័ន្ធផ្សព្វផ្សាយប្រភេទ OTT (Over-The-Top) ចំនួន ១២ស្ថានីយ (នៅដដែល) ទស្សន៍ខ្សែកាបមានចំនួន ៣០ស្ថានីយ (ថយចុះចំនួន ១៦ស្ថានីយ) ៕
ចែករំលែកព័តមាននេះ