ប្រទេសឥណ្ឌូណេស៊ី ៖ អាជ្ញាធរឥណ្ឌូណេស៊ីរាយការណ៍ នាថ្ងៃទី១៨ មករា ថា បានរកឃើញហើយបំណែកយន្តហោះត្រួតពិនិត្យការនេសាទដែលបាត់ដាន ក្នុងខេត្តស៊ូឡាវេស៊ីខាងត្បូងធ្លាក់លើចង្កេះភ្នំមួយគ្របដណ្ដប់ដោយអ័ព្ឌ និងរកឃើញសាកសពមនុស្សម្នាក់ ក្នុងចំណោមមនុស្សទាំង១០នាក់ជិះក្នុងយន្តហោះនេះ…
ប្រទេសឥណ្ឌូណេស៊ី ៖ អាជ្ញាធរឥណ្ឌូណេស៊ីរាយការណ៍ នាថ្ងៃទី១៨ មករា ថា បានរកឃើញហើយបំណែកយន្តហោះត្រួតពិនិត្យការនេសាទដែលបាត់ដាន ក្នុងខេត្តស៊ូឡាវេស៊ីខាងត្បូងធ្លាក់លើចង្កេះភ្នំមួយគ្របដណ្ដប់ដោយអ័ព្ឌ និងរកឃើញសាកសពមនុស្សម្នាក់ ក្នុងចំណោមមនុស្សទាំង១០នាក់ជិះក្នុងយន្តហោះនេះ ។
យន្តហោះធុនATR-42-500 របស់ក្រុមហ៊ុនអាកាសចរណ៍ឥណ្ឌូណេស៊ីAIR TRANSPORT បានបាត់ការទាក់ទងជាមួយផ្នែកត្រួតពិនិត្យអាកាស កាលពីថ្ងៃទី១៧ មករា នាវេលាម៉ោង១៣ និង៣០នាទីម៉ោងក្នុងស្រុក នៅជិតតំបន់ម៉ារ៉ូសភាគខាងត្បូងកោះស៊ូឡាវេស៊ី ។ ក្នុងយន្តហោះនោះ មានសមាជិកក្រុមយានិក៧នាក់ និងអ្នកដំណើរ៣នាក់ ។ យន្តហោះនេះ ជួលដោយក្រសួងកិច្ចការសមុទ្រ និងនេសាទឥណ្ឌូណេស៊ី ដើម្បីបំពេញបេសកកម្មត្រួតពិនិត្យតាមអាកាសដល់ការនេសាទ ។ អ្នកដំណើរទាំង៣នាក់ ជាសមាជិកបុគ្គលិកនៃក្រសួងនោះ ។
អាជ្ញាធរដំបូងគូសបញ្ជាក់ថា ក្នុងយន្តហោះមានសមាជិកក្រុមយានិក៨នាក់ មុនពេលតួលេខនេះវិញ ។ យន្តហោះនេះ ធានាការហោះហើររវាងក្រុងយ៉ូសយ៉ាការតា និងក្រុងម៉ាកាស់សា ទីប្រជុំជនខេត្តស៊ូឡាវេស៊ីខាងត្បូង ពេលបាត់ដានពីអេក្រង់រ៉ាដា ។ នាព្រឹកថ្ងៃទី១៨ មករា បណ្ដាអ្នកសង្គ្រោះមូលដ្ឋានបានរកឃើញបំណែកយន្តហោះនៅតាមកន្លែងជាច្រើន ជុំវិញភ្នំBULUSARAUNG ក្នុងតំបន់ម៉ារ៉ូស ។ ភ្នំនោះ ស្ថិតនៅចម្ងាយប្រមាណជា១៥០០គីឡូម៉ែត ភាគឦសានរដ្ឋធានីហ្សាការតារ ។
នាព្រឹកថ្ងៃទី១៨មករាបំណែកសំខាន់ៗនៃយន្តហោះត្រូវបានរកឃើញ ហើយកន្ទុយយន្តហោះឃើញនៅជើងចង្កេះភ្នំនោះ ។ បណ្ដាអ្នកជួយសង្គ្រោះក៏រកឃើញដែរបំណែកដទៃៗទៀត ពិសេសម៉ាស៊ីន និងបណ្ដាកៅអីអ្នកដំណើរ ។ នារសៀលថ្ងៃទី១៨ មករា ពួកអ្នកជួយសង្គ្រោះបានរកឃើញសាកសពជនរងគ្រោះ ម្នាក់ នៅក្នុងជ្រោះមួយស្ថិតនៅចម្ងាយប្រមាណជា២០០ម៉ែត្រពីកំពូលភ្នំ ។ គេនៅមិនទាន់ដឹងនៅឡើយពីវាសនារបស់មនុស្ស៩នាក់ទៀត ជិះក្នុងយន្តហោះដែលពិតជាស្លាប់អស់ហើយ៕
ចែករំលែកព័តមាននេះ