ADផ្ទាំងផ្សព្វផ្សាយពាណិជ្ជកម្ម

អាជីវករលក់បន្លែ ផ្លែឈើលើដងផ្លូវជុំវិញផ្សារដើមគរចាស់ ពុំទាន់ទៅលក់នៅផ្សារដើមគរថ្មីឡើយ

2 ខែ មុន

ភ្នំពេញ
១៩ ខែ មករា ឆ្នាំ ២០២៦ ម៉ោង ១៤:០៦

រាជធានីភ្នំពេញ ៖ ទោះបីមានការអនុគ្រោះមិនយកថ្លៃតូបរយះពេល២ឆ្នាំនិងមិនយកថ្លៃ ទឹកភ្លើងនិងមានការចាប់បង្ខំដោយដាក់ប៉ារ៉ាស់បិទផ្លូវមិនអោយរថយន្តដឹកទំនិញចូលនិងហាមលក់លើដងមហាវិថីព្រៈមុនីរ៉េតនិងតាមដងផ្លូវនានាជុំវិញផ្សារដើមគរក៏ដោយ គេពុំទាន់ឃើញមានអាជីវករលក់បន្លែ ផ្លែ ឈើនាំគ្នាទៅលក់នៅ ផ្សារបោះដុំអាស៊ាន-អន្តរជាតិ ហៅ ផ្សារដើមគរថ្មីនៅឡើយ។…

តាមព័ត៌មានឱ្យដឹងថា នៅព្រឹកថ្ងៃទី១៩ ខែមករាឆ្នាំ ២០២៦នេះនៅទីតាំងផ្សារបោះដុំអាស៊ាន-អន្តរជាតិ ហៅ ផ្សារដើមគរថ្មីដែលស្ថិតនៅតាម មហាវិថីឈ្នះឈ្នះ ក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ គេសង្កេតឃើញមានសភាពស្ងាត់ជ្រងំ ដោយពុំមានអាជីវករនាំគ្នាចូលទៅលក់ដូរតាមការណែនាំរបស់រដ្ឋបាលរាជធានីភ្នំពេញឡើយដោយពួកគេខ្លាចលក់ដូរមិនដាច់និងម្យ៉ាងទៀតទីតាំងផ្សារដើមគរថ្មីស្ថិតនៅឆ្ងាយនិងពុំមែនជាទីប្រជុំជនឡើយ។

នៅព្រឹកនេះគេសង្កេតឃើញថា មានតែអាជីវករចំនួនពីរតូប(២ស្តង់)តែប៉ុណ្ណោះក្នុងចំណោមស្តង់លក់ដូរចំនួន៦០០០ស្តង់ បានបើកដំណើរការលក់ផ្លែឈើ។ទោះបីជាយ៉ាងណាគេពុំឃើញមានប្រជាពលរដ្ឋនាំគ្នាចូលទៅទិញឡើយ។

ដោយឡែកនៅព្រឹកថ្ងៃទី១៩ ខែមេសាឆ្នាំ ២០៣៦នេះដែរ តាមបណ្ដោយផ្លូវព្រះមុនីរ៉េតនិងតាមបណ្ដោយផ្លូវ ២៣០ ក្នុងសង្កាត់ផ្សារដើមគរ ក៏ដូចជាតាមដងផ្លូវនានាដែលពាក់ព័ន្ធ នៅជុំវិញផ្សារដើមគរនៅក្នុងខណ្ឌទួលគោកនិងខណ្ឌបឹងកេងកង គេសង្កេតឃើញអាជីវករមួយចំនួនតូចនៅតែបន្តលក់ដូរនៅតាមមុខផ្ទះរបស់ខ្លួនដែលជាម្ចាស់កម្មសិទ្ធិ ។ ទោះបីអាជ្ញាធរបានដាក់រនាំងដែកបិទផ្លូវព្រះមុនីរ៉េត,ផ្លូវ ២៣០និងផ្លូវមួយចំនួនទៀតព្រមទាំងរុះរើឈូសឆាយចិញ្ចើមផ្លូវ ដើម្បីរៀបចំជួសជុលកែលំអរចិញ្ចឹមផ្លូវយ៉ាងណាក៏ដោយ។

ការបិទផ្លូវទាំងយប់ទាំងថ្ងៃ ហាមលក់ដូរនិងហាមរថយន្តដឹកបន្លែចេញចូលនេះក៏បង្កឲ្យមានការកកស្ទះចរាចរណ៍និងប៉ះពាល់ដល់ការធ្វើអាជីវកម្មលក់ដូរ របស់អាជីវករលក់ដូរនៅផ្សារដើមគរ ព្រមទាំងមានការរិះគន់ពីអ្នកដំណើរផងដែរ ព្រោះមហាវិថីមុនី រ៉េតជាផ្លូវធំសម្រាប់ចរាចរណ៍។

គួរបញ្ជាក់ថា អាជីវករលក់បន្លែផ្លែឈើនៅលើដងផ្លូវនានាក្នុងខណ្ឌបឹងកេងកងនិងខណ្ឌទួលគោកជុំវិញផ្សារដើមគរបានផ្ទុះការតវ៉ាបិទផ្លូវព្រះមុនីរ៉េតតាំងពីយប់ថ្ងៃទី១៧ ខែមករាឆ្នាំ២០២៦និងបន្តរហូតដល់ព្រឹក និងយប់ ថ្ងៃទី១៨ ខែមកររាឆ្នាំ២០២៦។ដើម្បីទាមទារសុំសិទ្ធិបន្តលក់ដូរនៅលើដងផ្លូវខណៈពេលដែលអាជ្ញាធរបានប្រើកម្លាំងរៀបចំសណ្តាប់ធ្នាប់ និងរុះរើគ្រែលក់ដូរ កែលំអចិញ្ចើមផ្លូវ និងណែនាំឲ្យអាជីវករទៅលក់ដូរនៅផ្សារដើមគរថ្មី ក្នុងគោលបំណងដើម្បីរៀបចំសណ្ដាប់ធ្នាប់នៅតាមដងផ្លូវដើម្បីកាត់បន្ថយការកក់ផ្ទះចរាចរណ៍និងលើកកម្ពស់សោភ័ណភាពរាជធានីភ្នំពេញ។

នៅក្នុងការតវ៉ានោះ អាជីវករបានអោយដឹងថា ពួកគាត់មិនចង់ចាកចេញទៅលក់នៅផ្សារដើមគរថ្មីនោះទេ ដោយសារទីតាំងថ្មីមានចម្ងាយឆ្ងាយ ដែលអាចធ្វើឱ្យការលក់ដូរមិនដាច់ និងប៉ះពាល់ដល់ចំណូលប្រចាំថ្ងៃរបស់ពួកគាគាត់។ម្យ៉ាងទៀតអាជីវករខ្លះមិនមែនលក់បោះដុំឡើយលក់តាមកញ្ច្រែងតូចតាចតែប៉ុណ្ណោះ។

ទោះបីជាយ៉ាងណាការដាក់តាំងលក់នៅលើចិញ្ចើមផ្លូវ និងការរំលោ.ភយកផ្ទៃផ្លូវរហូតដល់ពាក់កណ្ដាលទ្រូងផ្លូវ នាពេលកន្លងមក បានធ្វើឱ្យបាត់បង់សណ្ដាប់ធ្នាប់សាធារណៈយ៉ាងធ្ងន់ធ្ងរ និងបង្កឱ្យមានការកកស្ទះចរាចរណ៍រៀងរាល់ថ្ងៃ នៅបណ្តោយផ្លូវនេះ ដែលធ្វើឱ្យប៉ះពាល់ដល់សិទ្ធិធ្វើដំណើររបស់ប្រជាពលរដ្ឋទូទៅ និងបាត់បង់សោភ័ណ្ឌភាពរាជធានីភ្នំពេញយ៉ាងធ្ងន់ធ្ង្ងរ ៕