ខេត្តសៀមរាប ៖ នាថ្ងៃទី១៨ ខែ មករា ឆ្នាំ២០២៦ ព្រឹត្តិការណ៍សរសេរតាមអានជាសាធារណៈលើកទី៣ «សំណេរអង្គរ» បានប្រារព្ធធ្វើឡើងនៅលើស្ពានហាលខាងលិច នៃប្រាសាទអង្គរវត្ត…
ខេត្តសៀមរាប ៖ នាថ្ងៃទី១៨ ខែ មករា ឆ្នាំ២០២៦ ព្រឹត្តិការណ៍សរសេរតាមអានជាសាធារណៈលើកទី៣ «សំណេរអង្គរ» បានប្រារព្ធធ្វើឡើងនៅលើស្ពានហាលខាងលិច នៃប្រាសាទអង្គរវត្ត ក្រោមអធិបតីភាពដ៏ខ្ពង់ខ្ពស់ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និង កីឡា និងឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមប្រឹក្សាភិបាលមូលនិធិម៉ានី ដោយមានការអញ្ជើញចូលរួមពីសំណាក់ឯកឧត្តមបណ្ឌិត ហង់ ពៅ អគ្គនាយកនៃអាជ្ញាធរជាតិអប្សរា ឯកឧត្តមអភិបាលនៃគណៈអភិបាលខេត្តសៀមរាប និងឯកឧត្តម លោកជំទាវ លោក លោកស្រីតំណាងក្រសួងស្ថាប័នពាក់ព័ន្ធនានា។
«សំណេរអង្គរ» លើកទី៣ គឺជាផ្នែកមួយនៃការលើកកម្ពស់អក្សរសាស្ត្រខ្មែរ ដែលឆ្នាំនេះមានបេក្ខជន បេក្ខនារី និងបេក្ខសមណ សរុបចំនួន ១៨៦០ អង្គ/នាក់ បានមកប្រកួត ប្រជែងយ៉ាងច្រើនកុះករ ផងដែរ៕
ចែករំលែកព័តមាននេះ