រាជធានីភ្នំពេញ ៖ សូមឈប់ដុតសំរាម ! ដើម្បីសុខភាព និងបរិស្ថានយើងទាំងអស់គ្នា ។ ការដុតសំរាមបញ្ចេញផ្សែងពុល ដែលផ្តល់ផលវិបាកយ៉ាងធ្ងន់ធ្ងរដល់ជីវិត និងសហគមន៍ដូចជា…
រាជធានីភ្នំពេញ ៖ សូមឈប់ដុតសំរាម ! ដើម្បីសុខភាព និងបរិស្ថានយើងទាំងអស់គ្នា ។ ការដុតសំរាមបញ្ចេញផ្សែងពុល ដែលផ្តល់ផលវិបាកយ៉ាងធ្ងន់ធ្ងរដល់ជីវិត និងសហគមន៍ដូចជា ៖ ផលប៉ះពាល់ដ៏គួរឱ្យព្រួយបារម្ភ។ នេះបើយោងតាមក្រសួងបរិស្ថានបានប្រកាសនាថ្ងៃទី១៧ ខែមករានេះ ។
-បំផ្លាញសួត និងបេះដូង៖ បង្កឱ្យមានជំងឺផ្លូវដង្ហើមរ៉ាំរ៉ៃ និងប៉ះពាល់ដល់ចរន្តឈាម។
-ប៉ះពាល់ដល់កុមារ៖ រារាំងការលូតលាស់ផ្នែកបញ្ញា ស្មារតី និងសុខភាពរាងកាយរបស់ក្មេងៗ។
-បំពុលបរិស្ថាន ៖ ធ្វើឱ្យខូចគុណភាពខ្យល់អាកាស ដីកសិកម្ម និងប្រភពទឹកប្រើប្រាស់។
-ឡើងកម្ដៅផែនដី៖ ជំរុញឱ្យមានការប្រែប្រួលអាកាសធាតុ កាន់តែធ្ងន់ធ្ងរ។
-ខាតបង់ថវិកា៖ បង្កើនចំណាយលើការព្យាបាលជំងឺ និងការសម្អាតបរិស្ថានដែលខូចខាត ។
+គ្រោះថ្នាក់បំផុត៖ ការដុតប្លាស្ទិក ថ្មពិល និងគ្រឿងអគ្គិសនី បញ្ចេញសារធាតុគីមីកាចសាហាវដែលបង្កឱ្យកើតជំងឺមហារីក ។
អ្វីដែលអ្នកអាចចូលរួមបាននៅថ្ងៃនេះ៖
១. កុំដុតសំរាម ៖ ជៀសវាងការដុតសំរាមគ្រប់ប្រភេទនៅតាមទីវាល គេហដ្ឋាន តាមភូមិ និងក្នុងសហគមន៍។
២. ញែកសំរាមឱ្យបានត្រឹមត្រូវ ៖ បែងចែកសំណល់ដែលអាចកែច្នៃ និងប្រើប្រាស់ឡើងវិញបាន ។
៣. ធ្វើជីកំប៉ុស ៖ ទុកសំណល់សរីរាង្គ (សំណល់ផ្ទះបាយ) ធ្វើជាជីកំប៉ុសសម្រាប់ដាក់ដំណាំ ។
៤. គាំទ្រការកែច្នៃ ៖ ចូលរួម និងលើកទឹកចិត្តដល់សកម្មភាពកែច្នៃសំណល់ឡើងវិញ។
៥. គាំទ្រសេវាដឹកសំរាម ៖ ប្រើប្រាស់ ឬស្នើឱ្យមានសេវាដឹកជញ្ជូនសំរាមនៅតាមមូលដ្ឋានរបស់អ្នក។
ត្រូវចាំថា ៖ ខ្យល់ស្អាត បរិស្ថានស្អាត គឺជាការទទួលខុសត្រូវរបស់យើងទាំងអស់គ្នា!៕
ចែករំលែកព័តមាននេះ