យោងតាមការផ្សាយរបស់សារព័ត៌មានបរទេស ការដាំទឹកឱ្យពុះគឺជាវិធីសាស្ត្រដ៏ល្អដើម្បីសម្លាប់មេរោគ និងបរាសិត ប៉ុន្តែការរក្សាទុកទឹកឆ្អិនចោលច្រើនថ្ងៃ ឬទុកចោលមួយយប់ អាចបង្កហានិភ័យសុខភាពដែលយើងនឹកស្មានមិនដល់។ នៅពេលទឹកពុះ មីក្រូសារពាង្គកាយដែលងាប់នឹងក្លាយជាប្រភពអាហារដ៏ល្អសម្រាប់បាក់តេរីថ្មីៗពីមជ្ឈដ្ឋានខាងក្រៅចូលមកលូតលាស់ឡើងវិញយ៉ាងឆាប់រហ័ស។ លើសពីនេះ ការដែលទឹកឆ្អិនទុកចោលមួយយប់មានរសជាតិប្លែក ក៏ដោយសារតែកាបូនឌីអុកស៊ីតក្នុងខ្យល់រលាយចូលក្នុងទឹក ដែលទោះបីមិនបង្កគ្រោះថ្នាក់ភ្លាមៗ ប៉ុន្តែវាបញ្ជាក់ថាគុណភាពទឹកចាប់ផ្តើមប្រែប្រួល។
ដើម្បីធានាសុវត្ថិភាព អ្នកជំនាញណែនាំថាទឹកដែលដាំឆ្អិនហើយ គួរតែពិសារឱ្យអស់ក្នុងរយៈពេល ២៤ ម៉ោង និងមិនគួរចាក់ទឹកថ្មីបន្ថែមចូលទៅក្នុងធុងដែលមានទឹកចាស់សល់នោះទេ។ ការរក្សាទុកទឹកឆ្អិន ក៏គួរប្រើប្រាស់ដបកែវដែលមានអនាម័យ និងមានគម្របបិទជិតល្អ ជាជាងការប្រើប្រាស់ដបជ័រ ឬដបកែច្នៃដែលងាយឆ្លងមេរោគ។ ដូច្នេះ ការដាំទឹកក្នុងបរិមាណល្មមសម្រាប់ផឹកមួយថ្ងៃៗ គឺជាទម្លាប់ដ៏ល្អបំផុតដើម្បីការពារសុខភាពក្រុមគ្រួសារពីការឆ្លងមេរោគផ្សេងៗ៕
ចែករំលែកព័តមាននេះ