សង្គ្រាមអ៊ុយក្រែន ៖ វិមានក្រឹមឡាំងវាយតម្លៃ កាលពីថ្ងៃទី១៥ មករា ថា ពេលវេលាកាន់តែខើចហើយសម្រាប់អ៊ុយក្រែន ប្រសិនបើមិនព្រមរកច្រកចេញតាមការចរចាមួយចំពោះសង្គ្រាមប្រឆាំងរុស្ស៊ី ក្រោយច្រើនសប្ដាហ៍នៃការចរចាផ្ដួចផ្ដើមឡើងដោយលោកដូណាល់ត្រាំ មិនទទួនបានផលទេនោះ…
សង្គ្រាមអ៊ុយក្រែន ៖ វិមានក្រឹមឡាំងវាយតម្លៃ កាលពីថ្ងៃទី១៥ មករា ថា ពេលវេលាកាន់តែខើចហើយសម្រាប់អ៊ុយក្រែន ប្រសិនបើមិនព្រមរកច្រកចេញតាមការចរចាមួយចំពោះសង្គ្រាមប្រឆាំងរុស្ស៊ី ក្រោយច្រើនសប្ដាហ៍នៃការចរចាផ្ដួចផ្ដើមឡើងដោយលោកដូណាល់ត្រាំ មិនទទួនបានផលទេនោះ ។
អ្នកនាំពាក្យវិមានក្រឹមឡាំង លោកឌីមីឌ្រីប៉េស្កូវ ក្នុងសន្និសីទសារព័ត៌មានមួយថ្លែងថា សភាពការណ៍ធ្លាក់ដុនដាបពីមួយថ្ងៃទៅមួយថ្ងៃ សម្រាប់របបក្រុងគៀវ ហើយបង្អួចរបស់ខ្លួនសម្រាប់ធ្វើការសម្រេចចិត្តកាន់តែរួមតូចទៅ ។ ដល់់ពេលដែលលោកហ្សេឡេស្គីត្រូវប្រកាន់យកការទទួលខុសត្រូវ និងធ្វើការសម្រេចចិត្តដោយសមស្របហើយ ។
គួររំលឹកថា ក្រុងម៉ូស្គូទាមទារជាពិសេស ឲ្យក្រុងគៀវលះបង់ទាំងស្រុងតំបន់ដុនបាស់ទាំងស្រុងឲ្យដល់រុស្ស៊ីដែលកាន់កាប់តំបន់នោះស្ទើរទាំងមូលរួចហើយ។ ប្រធានាធិបតីរុស្ស៊ីលោកវ្លា់ឌីមៀរពូទីន ធ្លាប់លើកកាលពីដំណាច់ឆ្នាំ២០២៥ថា រុស្ស៊ីនឹងធ្វើឲ្យសម្រេចទិសដៅរបស់ខ្លួននៅអ៊ុយក្រែនតាមផ្លូវយោធា ប្រសិនបើការចរចាបរាជ័យ។
នៅលើរណសិរ្សកងទ័ពរុស្ស៊ីដែលមានកម្លាំងច្រើនជាង បន្តវាយរុលទៅមុខយឺតៗក្នុងតំបន់មួយចំនួន ទោះជារងការបាត់បង់ធ្ងន់ធ្ងរ។ កងទ័ពអាកាសអ៊ុយក្រែនប្រកាសថា តំបន់ក្រុងគៀវ ក្រុងខាគៀវ ក្រុងហ្សាប៉ូរីហ្ស៊ីយ៉ា និងក្រុងឌីនីប្រូប៉េក្រូវស្ក៍កាលពីថ្ងៃទី១៣មក រងការវាយប្រហារនាពេលយប់ ដោយគ្រាប់មីស៊ីល២៥គ្រាប់និងដ្រូន២៩៣គ្រឿង។
ក្រសួងថាមពលអ៊ុយក្រែនរៀបរាប់ពីការដាច់ភ្លើងថ្មីក្នុងរដ្ឋធានីគៀវនិងតំបន់ជុំវិញ មកពីការវាយប្រហារលើបណ្ដាហេដ្ឋារចនាសម្ព័ន្ធអគ្គិសនី ក្នុងពេលដែលលក្ខខណ្ឌឧតុនិយមកំពុងអាក្រក់បំផុត ៕
ចែករំលែកព័តមាននេះ