សង្គ្រាមអ៊ីស្រាអែលនិងហាម៉ាស់ ៖ សហរដ្ឋអាមេរិកនាពេលនេះ បានប្រកាសហើយដំណាក់កាលទី២នៃផែនការសន្តិភាពរបស់លោកដូណាល់ត្រាំ នៅជ្រោយហ្គាហ្សា គឹការបង្កើតរដ្ឋបាលប៉ាឡេស្ទីនមួយដែលមានតែបណ្ដាអ្នកបច្ចេកទេស និងការឆ្លងកាត់មួយសម្រាប់ដែនដីនោះ ។ ប្រធានាធិបតីអាមេរិក លោកដូណាល់ត្រាំថ្លែងនាថ្ងៃទី១៥…
សង្គ្រាមអ៊ីស្រាអែលនិងហាម៉ាស់ ៖ សហរដ្ឋអាមេរិកនាពេលនេះ បានប្រកាសហើយដំណាក់កាលទី២នៃផែនការសន្តិភាពរបស់លោកដូណាល់ត្រាំ នៅជ្រោយហ្គាហ្សា គឹការបង្កើតរដ្ឋបាលប៉ាឡេស្ទីនមួយដែលមានតែបណ្ដាអ្នកបច្ចេកទេស និងការឆ្លងកាត់មួយសម្រាប់ដែនដីនោះ ។
ប្រធានាធិបតីអាមេរិក លោកដូណាល់ត្រាំថ្លែងនាថ្ងៃទី១៥ មករា ថា ក្រុមប្រឹក្សាសនិ្តភាពមួយសម្រាប់ហ្គាហ្សា ត្រូវបានបង្កើតឡើងដោយចាត់ទុកថា នោះជាដំណាក់កាលសំខាន់នៃផែនការអាមេរិកសម្រាប់ដែនដីប៉ាឡេស្ទីននេះ ។ ប្រធានាធិបតីអាមេរិកបញ្ជាក់ថា សមាជិកក្រុមប្រឹក្សានោះដែលលោកជាអ្នកដឹកនាំ នឹងប្រកាសនាពេលខាងមុខនេះ ។
តាមបណ្ដាញសង្គមTRUTH SOCIAL លោកត្រាំសរសេរថា ខ្ញុំមានមហាកិត្តិយសប្រកាសថា ក្រុមប្រឹក្សាសន្តិភាពត្រូវបានបង្កើតហើយ រួចសមាជិកក្រុមប្រឹក្សានះនឹងបង្ហាញនាពេលខាងមុខឆាប់ៗ ។ ក្រុមប្រឹក្សានោះមានតួនាទីត្រួតពិនិត្យលើរដ្ឋបាលបណ្ដោះអាសន្នប៉ាឡេស្ទីន ។
ចលនាប៉ាឡេស្ទីនផ្សេងៗបានព្រមព្រៀងគ្នា ហើយនៅទីក្រុងគែរលើសមាសភាពនៃរដ្ឋបាលនោះ ហៅគណៈកម្មាធិការប៉ាឡេស្ទីនបណ្ដោះអាសន្ន មានសមាជិក១៥រូប ។ ប្រមុខរបស់រដ្ឋបាលនោះដែលទទួលបន្ទុកគ្រប់គ្រងជ្រោយហ្គាហ្សា គឹអតីតអនុរដ្ឋមន្ត្រីមួយរូបលោកអាលីសាអាដដែលជាវិស្វករស៊ីវិល ហើយសមាជិកក្រៅពីនេះនៅមិនទាន់ច្បាស់លាស់នៅឡើយថាមាននរណាខ្លះ ។
ក្រុមហាម៉ាស់ពេលនេះ បានយល់ព្រមគោរពកិច្ចព្រមព្រៀង ។ នេះជាការអះអាងរបស់នាយករដ្ឋមន្ត្រីអ៊ីស្រាអែលលោកបេនចាមីននេតាន់យ៉ាហ៊ូ ។ សម្រាប់អាមេរិកទិសដៅសំខាន់នៃដណាក់កាលទី២នៃកិច្ចព្រមព្រៀងគឹការរំសាយអាវុធពីក្រុមហាម៉ាស់ដោយគំរាមក្រុមនេះថា បើមិនព្រមទេនោះនឹងរងនូវផលវិបាកធ្ងន់ធ្ងរបំផុត ។
សមាជិកក្រុមប្រឹក្សាសន្តិភាពក៏មានជាពិសេសមនុស្សមកពីអង់គ្លេស អាលឺ្លម៉ង់ បារាំង អ៊ីតាលី អារ៉ាប៊ីសាអូឌីត កាតា អេហ្ស៊ីប និងតួកគី។ ដំណាក់កាលទី២នៃផែនការសន្តិភាពត្រូវចូលជាធរមានពីថ្ងៃទី១៤ មករា ទៅ ដោយមានភារៈជាពិសេស កសាងជ្រោយហ្គាហ្សាឡើងវិញ ៕
ចែករំលែកព័តមាននេះ