ខេត្តស្វាយរៀង ៖ មហាជនអបអរសាទរចំណាត់ការរបស់សមត្ថកិច្ចចុះបង្ក្រាបសង្វៀនបញ្ជល់មាន់កាស៊ីណូ ៦៧ សំរោងដែលបើកឲ្យប្រជាពលរដ្ឋខ្មែរចូលលេងយ៉ាងអាណាធិបតេយ្យត្រូវបានបង្ក្រាបហើយ ។ការបង្ក្រាបនេះធ្វើឡើងនៅថ្ងៃទី ១៤ ខែមករា ឆ្នាំ ២០២៦…
ខេត្តស្វាយរៀង ៖ មហាជនអបអរសាទរចំណាត់ការរបស់សមត្ថកិច្ចចុះបង្ក្រាបសង្វៀនបញ្ជល់មាន់កាស៊ីណូ ៦៧ សំរោងដែលបើកឲ្យប្រជាពលរដ្ឋខ្មែរចូលលេងយ៉ាងអាណាធិបតេយ្យត្រូវបានបង្ក្រាបហើយ ។ការបង្ក្រាបនេះធ្វើឡើងនៅថ្ងៃទី ១៤ ខែមករា ឆ្នាំ ២០២៦ និងរុះរើនៅថ្ងៃទី ១៥ ខែមករា នៅកាស៊ីណូ៦៧ សំរោងឃុំសំរោងស្រុកចន្ទ្រា ។ ហើយការបង្ក្រាបនេះដែរក្រោយពីក្រុមអ្នកសារព័ត៌មានជាច្រើនបានផ្សព្វផ្សាយអំពីភាពមិនប្រក្រតីរបស់កាស៊ីណូដោយបើកល្បែងស៊ីសងជល់មាន់ហើយកៀរគរឲ្យពលរដ្ឋខ្មែរឲ្យចូលលេងល្បែងស៊ីសងជល់មាន់នៅក្នុងកាស៊ីណូ ៦៧ ដែលមានទីតាំងស្ថិតនៅនៅក្បែរច្រកទ្វារព្រំដែនទ្វេភាគីសំរោង ក្នុងឃុំសំរោង ស្រុកចន្ទ្រា ។ នេះបើយោងតាមការបញ្ជាក់អោយដឹង របស់លោក ជិន សុភឿន អធិការនគរបាលស្រុកចន្ទ្រា នៅព្រឹកថ្ងៃទី ១៥ ខែមករា ឆ្នាំ ២០២៦ ។
ប្រជាពលរដ្ឋរស់នៅក្នុងខេត្តស្វាយរៀងអបអរសាទរ និងកោតសរសើរយ៉ាងខ្លាំងចំពោះចំណាត់ការរបស់អជ្ញាធរមានសមត្ថកិច្ច ស្រុក ខេត្ត ដែលបានបង្ក្រាបល្បែងស៊ីសងគ្រប់ប្រភេទជូនប្រជាពលរដ្ឋរស់នៅក្នុងមូលដ្ឋានបានទាន់ពេលវេលា ។
សូមបញ្ចាក់ផងដែរថា កន្លងទៅថ្មីៗនេះកាស៊ីណូ ៦៧ នេះត្រូវបានបិទមួយរយៈពេលបើកដំណើរការវិញបណ្ដោយឲ្យពលរដ្ឋខែ្មរចូលលេងល្បែងស៊ីសងនៅក្នុងកាស៊ីណូ ៦៧ ដែលផ្ទុយពីច្បាប់ដែលបានកំណត់ និងផ្ទុយពីគោលនយោបាយភូមិឃុំសង្កាត់មានសុវត្ថិភាពទាំង ៧ ចំណុច របស់រាជរដ្ឋាភិបាល ។ ទាក់ទិនករណីនេះផងដែរមហាជនលើកឡើងថា ចាំមើលតើកាស៊ីណូ ៦៧ នេះបិទបានប៉ុន្មានថ្ងៃបើកវិញទៀត ខណៈសមត្ថកិច្ចចុះបង្ក្រាប និងអោយរុះរើជាលើកទី ២ ៕
ចែករំលែកព័តមាននេះ