ខេត្តត្បូងឃ្មុំ ៖ បុរសពីរនាក់ប្ដីប្រពន្ធបានរងរបួសធ្ងន់ដោយសារតែបុរសបែកថ្នាំម្នាក់បានប្រើកាំបិតផ្គាក់កាប់លើរាងកាយបណ្ដាលឱ្យរងរបួសធ្ងន់ ហេតុការណ៍កើតឡើងនៅឃុំត្រពាំងផ្លុង ស្រុកពញាក្រែក។ អ្នករងគ្រោះទាំងពីរត្រូវបានសាច់ញាតិបញ្ជូនបន្តទៅសង្គ្រោះនៅប្រទេសវៀតណាម ចំណែកជនដៃដល់វិញត្រូវបានសមត្ថកិច្ចចាប់ខ្លួនបញ្ជូនមកអធិការដ្ឋាននគរបាលស្រុកពញាក្រែក។
សមត្ថកិច្ចមូលដ្ឋានបានប្រាប់ឲ្យដឹងនារសៀលថ្ងៃទី១៥មករាថា ហេតុការណ៍នៃអំពើហិង្សាដោយចេតនាបានកើតឡើងនៅថ្ងៃទី១៤ ខែមករា ឆ្នាំ២០២៦ វេលាម៉ោង១៧ និង២០នាទី ករណី: ហិង្សាដោយចេតនា (មានស្ថានទម្ងន់) កើតឡើងនៅចំណុចផ្ទះជនរងគ្រោះ ស្ថិតក្នុងភូមិត្រពាំងព្រីងទី២ ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ ជនសង្ស័យឈ្មោះយ៊ាំ សុបាន ភេទប្រុស អាយុ៣១ឆ្នាំ ជាតិខ្មែរ រស់នៅភូមិ-ឃុំកើតហេតុខាងលើ បានធ្វើសកម្មភាព យកកាំបិតផ្គាក់ កាប់ទៅលើជនរងគ្រោះចំនួន២នាក់ ៖
១-ឈ្មោះអ៉ីវ សាមាន ភេទស្រី អាយុ៦០ឆ្នាំ ជាតិខ្មែរ។
២-ឈ្មោះហ៊ឹម ឃ្លុន (ហៅសារ៉ាយ រុន) ហ៊ឹម ឃ្លុន ភេទប្រុស អាយុ៥៨ឆ្នាំ ជាតិខ្មែរ (ជនរងគ្រោះត្រូវជាប្តីប្រពន្ធនិងគ្នា)រស់នៅភូមិ-ឃុំ កើតហេតុខាងលើ បណ្តាលឲ្យឈ្មោះហ៊ឹម ឃ្លុន (ហៅសារ៉ាយ រុន) របួស(បាក់កដៃខាងស្តាំ ចិញ្ចើម និងកដៃខាងស្តាំ ) និងឈ្មោះអៀវ សាមាន របួស (របួសចំក្បាលផ្នែកខាងក្រោយ ) ទាំង២នាក់របួសធ្ងន់បញ្ជូនទៅសង្គ្រោះនៅមន្ទីរពេទ្យឯកជនជីមាន់ និងកំពុងបញ្ជូនបន្តទៅសង្គ្រោះនៅមន្ទីរពេទ្យប្រទេសវៀតណាម។
សមត្ថកិច្ចមូលដ្ឋានបានបន្តឲ្យដឹងទៀតថា ក្រោយពីកើតហេតុកម្លាំងសមត្ថកិច្ចចុះទៅដល់ក្នុងនោះដោយបានដករហូត
វត្ថុតាងៈ
-កាំបិតផ្គាក់ចំនួន១។
បច្ចុប្បន្នជនសង្ស័យត្រូវបានឃាត់ខ្លួននិងវត្ថុតាងត្រូវបានដកហូតរួមទាំងមនុស្សបញ្ជូនមកអធិការដ្ឋាននគរបាលស្រុកពញាក្រែក ចំពោះមូលហេតុដែលកាប់លើពីរនាក់ប្ដីប្រពន្ធដោយសារជនល្មើសជាមនុស្សបែកថ្នាំញៀន។ហើយពេលនេះកម្លាំងជំនាញកំពុងតែកសាងសំណុំរឿងបញ្ជូនទៅឲ្យតំណាងអយ្យាការអមសាលាដំបូងខេត្តចាត់ការតាមនីតិវិធី ៕
ចែករំលែកព័តមាននេះ